معقول كل الكلام عن الافريقي كذب

[الرحال2222]

السلام عليكم
قبل ما اشتري الافريقي اللي عندي سمعت كثير من كلام المدح فية من الاصدقاء والكتب والنت
ولما شريتة انصدمت واللة عندة حالة نفسية ومعقد وجاب لي حالة نفسية لي انا كمان لة شهرين
عندي يادوب يخليني امس على راسة وممكن اذا جاع مرة يخليني اكلة بيدي
وكل الكلام اللي سمعتة ما شفت منة شي حبوب واجتماعي ومدري ويش ولا لقيت منها شي
واللة ما مصبرني علية الا انة صغير تقريبا سنة وثمانية شهور ولونة فاتح ومرتب وجميل والصافرات اللي
يطلعها مشكلة اشكال والوان ونفسة مفتوحة للفواكة والخضروات غير كذا اغسل ايدك
تنصحوني ابيعة واخذ امازوني ممكن يكون ارحم شوي

[المنسم]

اخوي يعني تحسبه بيصير اجتماعي وحبوب من اول ماجيبه خخخخخخخخخخخخخخ

لازم اقل شي تدربه مابين 1 إلى 4 شهور عشان يتعود عليك

[عاشـالطيورــق]

السلام عليكم ورحمة الله ونركاتة


خلك لطيف معة وشوف النتيجةواذا كان في البيت لاتزعجة وهو نايم 0000000000!!!!!!!!!!!

[ابوصقر]

طيب شوف انت كيف تعامله

لازم تجلس معاه اكثر وقت تقدر

ثاني شئ الرمادي طبعه اصلا عنيد لازم تصبر وتعلمه وحده وحده ويكون بالك طوووووووووووويل

انت سوي الي قلتلك عليه وما يصير الى الخير انشاء الله

واذا قصرت الاخوان مايقصرون

[Mr. MeMo]

لحظه يا شباب

اخوي رحال انت ايش تبي من الرمادي بظبط ( يعني ايش تبيه يسوي )
اذا موصفاته زي ماقلت انا اول واحد بشتريه

[فطوم]

اخوي ماكو شي بين يوم وليله وهذا طير مثل الطفل لازم تنطر عليه وتساحله وتتقرب منه بلطافه عشان تكسبه واياني وياك تظربه وعلى فكره تره ماراح يتكلم الا لمه يعدي عمره السنه وفي مواضيع وايد انشالله تفيدك بكيفيه تدريبه

[~TARIK~]

رحال اخوي عزيزي الصبر مفتاح 14
وانا سمعت انه اذا تعلم الطير التصفير يصير الكلام صعب شوي قلي ليه حلوو
لانه يحصل طريقه سهله لتواصل مع الغير وانا اعتقد ان الكلام ذا في شي من الصحه
وياريت توضح المشكله وابشر بكل خير
وشكرا

[FAWAZ]

واللة ما مصبرني علية الا انة صغير تقريبا سنة وثمانية شهور ولونة فاتح ومرتب وجميل والصافرات اللي
يطلعها مشكلة اشكال والوان ونفسة مفتوحة للفواكة والخضروات غير كذا اغسل ايدك


اعتقد المشكلة في عدم اختيارك للبغاء المناسب............

بنسبه لي شي حلو ان يكون عندي ببغاء يصفر وصحته زينه وشكله جميل ....

وذا تبي ببغاء اليف مالك الا تفريخ مزارع ويكون مهتمين فيه ومتعود على البشر من يومه صغير , ,

بنسبة لي .... الطيور اذا كبرت مهما سويت معها ماتولف الانسان زي الببغاء الي ماخذ على شوفه الناس من صغره......

والطيور تتكلم تحت السنه.... عندي طير يتكلم وهو عينه سودا...وكل طير وقابليته للكلام


بالتوفيق للجميع,,,,,

[الرحال2222]

ويلاة من وين الصبر
تصدقون اني فكرت ابيعة لكن قاهرني بزيادة يوم وديتة محل طيور علشان يقصون جناحينة
وعرض على مكسب فية وهذا اللي خلاني اتمسك فية بزيادة لما شفت اللي عندة بالمحل
كلها مو بجمالة وترتيبة اللي منتوف ريشة واللي منكوش واللي مفلفل تقل تكروني من
سو التغذية علشان كذا تمسكت فية وهو رافع ظغطي الفين لة شهرين وابزيد اعطي سداح فرصة
بس صدقتم عنيد عنيد اللي يقراء عن ذكائة ومواصفاتة ينصدم لما يقتنية ويطلع مو اللي على بالة

[kaam23]

السلام عليكم
عزيزي انا اخذيت طيري عنده نفس السن تقؤيبا وكان عنيد وبس اقرب او امر من جانب القفص يجعر مابالك اوحاولت ان اقترب منه كان الجيران يحسبون ان هناك احد يضرب احد .
ابتديت معه بالتجويع بمعني الكلمة اي كنت اعطية في اليوم من 3 الي 4حبات حب شمسي + حبة او اثنين فول سوداني مومقشر واضعه في القفص واخليه لمده اسبوع اوعشرايام وهذاعلىحسب الطير اقصد المده ودائما كنت استغل اي وقت فراغ واجلس بجواره وارددعليه اي كلمةسهلة لين تعود علي وعلى المكان وهذا شي ضروري واساسي (يمكن انت عندك بالبيت اطفال او اي شي يجعل الطير في حاله خوف ) هذاياثر على الطير .
بالصبر سوف تخلي الطير هادي اكثر ويتعود عليك اكثر وبعدين استغل حبه للفواكه اي مع كل حركة اعطيه الشي اللي يحبه مع ترديد كلمة تشجيع سهلة مثلا (جودبوي) انني استغليت حب الطير اللي عندي للسوداني وفي مده قصيرة اصبحت الان اضع يدي على اي مكان في جسمة بدون ان يجعر او يهتز لانه شعر بالامان الي والمكان اصبرمعه وسوف تفرح بالنتيجة .

[Mr. MeMo]

اخوي kaam

كلامك جميل بس عندي شويه تحفظ علي موضوع التجويع اذا تسمح لي :

التجويع من اساسيات التدريب وهي افضل طريقه مع الحيوانات بشكل عام
لكن يجب ان يكون علي اساس صحيح او علمي بحيث لا يأثر علي صحه الطائر سلبا
انت ذكرت 3 - 4 حبات حب شمسي و 2 فول سوداني في اليوم اذا كان هذا صحيح فانت اخي
الفاضل تضر طائرك بهذا الشكل علي المدي الطويل.

مده التجويع يجب ان لا تتعدي 3 الي 4 ساعات لا اكثر
بعدها تبداء الفتره التدريبيه لمده اقصاها نصف ساعه يتخللها اطعام الطائر وجبات تشجعيه
بعد الانتهاء من الفتره التدريبيه يقدم الطعام الي الطائر بشكل عادي و يفضل التنويع في الغذاء
اما التجويع علي مدار اليوم فهو مضر جدا بالطائر.

ولك اخي kaam كل التقدير والاحترام

[الرحال2222]

كلام جميل بس ماقد جربت التجويع بالعكس اعطية كل ما لذ وطاب دوار شمس حبوب منوعة
فول سوداني تفاح خس طماط برتقال كورن فلكس بيض مسلوق حتى اني عودتة على الكبسة وصار يطفح فيها
واللة اني ما اهتميت حتى باكلي زي ما اشكلة :d
وشكلي ابجرب هذا الطريقة وبجوعة اللين يعقل ويصير رجال

[FAWAZ]

ابتديت معه بالتجويع بمعني الكلمة اي كنت اعطية في اليوم من 3 الي 4حبات حب شمسي + حبة او اثنين فول سوداني مومقشر واضعه في القفص واخليه لمده اسبوع اوعشرايام وهذاعلىحسب الطير


هذا تعذيب ........ علشانك شريته وهو طائر بري تقعد تعامله بالطريقه هذي !!!
ياخي تبي طير اليف اشتر تفريخ مزارع ...... ولاتحمل نفسك اثم تجويع هذا الحيوان الي عندك


التجويع من اساسيات التدريب وهي افضل طريقه مع الحيوانات بشكل عام
لكن يجب ان يكون علي اساس صحيح او علمي بحيث لا يأثر علي صحه الطائر سلبا
انت ذكرت 3 - 4 حبات حب شمسي و 2 فول سوداني في اليوم اذا كان هذا صحيح فانت اخي
الفاضل تضر طائرك بهذا الشكل علي المدي الطويل.

مده التجويع يجب ان لا تتعدي 3 الي 4 ساعات لا اكثر
بعدها تبداء الفتره التدريبيه لمده اقصاها نصف ساعه يتخللها اطعام الطائر وجبات تشجعيه
بعد الانتهاء من الفتره التدريبيه يقدم الطعام الي الطائر بشكل عادي و يفضل التنويع في الغذاء
اما التجويع علي مدار اليوم فهو مضر جدا بالطائر.




بارك الله فيك اخوي ...وكلامك صح 100% ....