سؤال لخبراء الكاسكو ضروري

[النادر]

السلام عليكم
عندي كاسكو وديته للبيطري وقصيت ريشه طبعا الدكتور اللي قصه بس انا مسكته له
وعطاني له علاجات عباره عن فتيامينات عشان الصيف وامراضه
بس لاحظت على الطير تغير ماصار يتكلم ولايلعب تغير 360 درجه
وعطاني له حبوب اسمها (chevitd Gmbh) لونها ابيض على ازرق
وعطاني له بودره Neguvon وعلمني كيف استخدمه
ووالثالث كيس ذهبي على ابيض اسمه Comdivit
واحب اعرف ايش رايكم انا قال لي واحد من اقرباي
اسبوع او اسبوعين ويرجع بس حاول تتقرب له
وفي شغله ثانيه
انا الاحظ على الطير من قبل انه مثل اللي يحاول يكرع يبي يطلع شي
ولما وديته للبيطري قال لي مافيه شي
والطير هذا من هو فرخ عندي

[Mr. MeMo]

اخي النادر

حياك الله اولا

عندي كم سؤال بس عشان تكتمل الصوره

1- كم عمره و له كم عندك؟
2- متي بدأت الحاله هل بعد استخدام الدواء؟
3- هل الطائر كان يطير في المنزل قبل قص ريش جناحه؟
4- هل الطائر كان مريضا و لهذا السبب اخذته الي البيطري؟

[النادر]

حياك الله
اول شي الطير عمره سنتين ونص وله عندي سنتين يوم اخذه فرخ
اما عن السؤال الثاني الادويه ماخذتها له الا قبل امس
ولا من اول الحمد لله ماحط له شي
وسؤالك الثالث يطير اذا طلعته من قفصه وخليته على الاستاند ورحت عنه
ارجع القاه مندس ويحوس بمكان ثاني
وسؤالك الرابع
انا اخذته للبيطري لأني خفت اقص جناحه ينزل دم منه ولا شي وانا في غنى عن هذا الشي
والسبب الثاني لاني اشوفه مثل اللي يبي يكرع يطلع شي من حلقه وخصوصا
انه الطير تغير صوته عن اول يعني اول كان يتكلم بصوت واضح عن الحين
وشكرا لك على الرد والمتابعه

[ahm911ss]

السلام عليكم.......
بالنسبه لتغير حالة الببغاء بعد قص الريش هذا عادي جدا وبعد فتره قصيره أسبوع بالكثير يرجع مثل أول (( من تجربه شخصيه )) لكن كثر اللعب معه ...وبس و ان شاء الله يرجع مثل الاول ...
الادويه ما ادري بس يمكن انها فيتامينات والاعضاء اخبر مني ...
واي استفسار انا حاضر....
أخوك أحمد

[النادر]

يعطيك العافيه اخوي احمد
سؤالي الثاني اشوفه مثل اللي يبي يكرع (مثل اللي يبي يطلع شي من حلقه ناشب)

[بو ناصر]

السلام عليكم
والله اخوي النادر نفس الي يصير معاي مثل ماقلت يبي يطلع شي من فمه

بس باسئلك انت اتأكله شي غير الحب او يعني من فترة ما نوعتله في الاكل

[Mr. MeMo]

اخي النادر

زي ما قالك الاخ احمد هي قص الريش انا كنت متوقع الشي هذا عشان كيذه سألتك هل كان يطير و لا برضو زي ما قالك الاخ احمد كثر اللعب معاه, كمان اذا تقدر شيله معاك و خذ لفه في البيت و
جلسه معاك بعيد عن القفص. و راح يرجع زي الاول و احسن ( هو اللحين زعلان راضيه )

بالنسبه لموضوع انه يريد استخراج شي من فمه اذا كانت الحاله زي ما راح اوصفها فلا تخافون

وصف الحاله:
بحرك الببغاء راسه بشكل افقي او شبه دائري بحركات متلاحقه ( كانه يهز رقبه ) يفعل هذه الحركه
عندما يكون مربيه بقربه او ان يكون مربيه يلاعبه اشبه بانه يريد استخراج شي من فمه

اذا الحاله كيذه اقولكم مبروووووووك :d
بتقولون لي ليه ؟ لانه يريد استخراج الطعام من جوفه لكي يطعمك وهذا تدل علي الارتباط العميق
بين المربي و الببغاء و انه يعتبرك شريك حياته و يريد اطعامك

[بو ناصر]

تسلم لي Mr. MeMo على التوضيح الي يثلج الصدر

بس في نقطة للأخ النادر الأفضل المرة الثانية لما تحاول تقص الجناح انك ماتمسك الطير للدكتور او انك اتراقبة هذا رأي شخصي
ويلا اشتبي يالنادر طيورنا اتحبنا اخ لو تدري المرة كان اذبحته
ومشكورين ياجماعه

[ابوصقر]

السلام عليكم

بنسبه للي تتكلم عنه تقول انه كانه بيطلع شئ ناشب

هذا يعتبر ان الطير يتثاوب

بشرط انه مايطلع شئ من فمه اذا يطلع فانه زي ماقالوا الاخوان يدل على عمق العلاقه بينك وبين الطير

واذا تلاحظ انه مايسوي هذي الحركه الا اذا يبي ينام او اذا كان في القفص

ارجو اني افدتك

[FAWAZ]

الافضل انك تخلي واحد غيرك يمسك الطير عشان قص جنحانه , او تمسكه بمنشفه وتغطي عيونه ......

ومشا لله الشباب ماقصروا ...افادونا يعطيهم العافيه.....

[النادر]

الله يعطيكم العافيه على هذه الردود والنصائح
واعتذر عن تأخري في الرد لأني كنت مسافر
الف شكر للجميع