تسجيل الدخول

مشاهدة النسخة كاملة : عمليات القطط

petsi
22-08-2008, 01:13 AM
السلام عليكم
شحالكم :)
بصراحه انا عندي مفاجأه وزعلتني شوي بس ماعليه:o
قبل فترة خذبت قطوتي بتسي عند البيطري عسب يكشفون عنها وينضفوها وقالتلي الدكتوره انه بتسي ولد مب بنت :(
وانا بصراحه كنت خايف من موضوع الرش عالاثاث والخربشه قبل ما أشتريه كنت افكر انه انثى لأنه مشاكلها اقل وهي اهداء بس طلع ذكر وحبيته فسميته " Binkly"
شرايكم الاسم حلو؟
المهم انا بعد ماعرفت انه ذكر قرر اسويله العملية لاني ما ابيه يطلع برا اليت ويرش عالاثاث ويشرمخ
طبعا انتو عارفين عملية شو بس انا عندي كم سؤال بخصوص العملية واتمنى انكم اتفيدوني
أول شي ابا اعرف في أي سن يبدأ القط بالرش؟ وشو هو السن المناسب للعملية؟
وثاني سؤال هل العملية مضره على القطط يعني في أول ايام من بعد العملية
واخر شي كيف اهتم فقطي بعد العملية:confused:
واشكركم على قرأت موضوعي
sisi_moon
22-08-2008, 01:23 AM
شرايكم الاسم حلو؟

يب يب حلوو

أول شي ابا اعرف في أي سن يبدأ القط بالرش؟

كل قط يختلف سن نموه بس بالعاده سبعه شهور وفوق

وشو هو السن المناسب للعملية؟

بعض البيطريين يقولوون بعد مايبلغ

بس لما قريت مقال علمي عن هالعمليه

قريت ان يفضل قبل لايبلغ عشان لايتخذ الرش عاده

وثاني سؤال هل العملية مضره على القطط يعني في أول ايام من بعد العملية

ابدا مالها مضره على القط دام العمليه تمت بشكل صحيح

مجرد مايروح تأثير البنج منه يرجع نفس اول وأحسن

واخر شي كيف اهتم فقطي بعد العملية

اهم شي اقطع عنه الدراي فود

لان بعد العمليه تصير فتحه البول ضيقه

والدراي فود ممكن يسبب بلورات وتسد هالفتحه ويصير للقط احتباس بول والتهاب مثانه وغيره

وبالتوفيق
petsi
22-08-2008, 01:35 AM
مشكوره اختي عالرد السريع وماقصرتي انا الدكتوره قالتلي بعد ما يكمل بنكلي 5 شهور بتسويله العملية وانشالله تتحسن حالته....
sisi_moon
22-08-2008, 01:41 AM
ان شاءالله

بس اهم شي تاكد من البيطريه انها تضبط العمليه

لان ممكن بسب خطأ بسيط

القط يتعقم لكن يضل يطلب تزاوج !!
petsi
22-08-2008, 01:53 AM
اكيد اختي لازم اتأكد اهم شي ما يتزاوج ولا يطلب هالشي
انا بأكد على هالشي وبتفاهم مع الدكتوره انشالله
لكن فنفس الوقت ادكتوره ماشالله ناجحه فهالمجال ومسويه عمليات وايد " انشالله ما يصير شي خطاء"
sisi_moon
22-08-2008, 01:56 AM
إن شاءالله ... ^,^
Elvis
22-08-2008, 02:00 AM
السلام عليكم ،،

اختي sisi_moon

الله يعطيج العافيه على الاجابات ،،

بس عندي سؤال بخصوص العملية ،،

انا أعرف وحده مربيه ذكر ،،

هي ما سوت له العملية ،، بس تزاوج مع قطة و صاحبة القطة اكتشفت انه طالع برع و تزاوج و طلب التزاوج ،،

فمن بعد التزاوج ودته و سوت له العملية ،،

بعد كم شهر ،، شرد من البيت بس مسكته ،،


و كلمتني صاحبة القط و قالت لي انه نسوي له العمليه قبل البلوغ احسن ،،

شو السبب تتوقعين ؟؟
مدرب نمور
22-08-2008, 02:11 AM
كويس معلومات جديده استفدت منها

برب
sisi_moon
22-08-2008, 04:51 AM
كلمتني صاحبة القط و قالت لي انه نسوي له العمليه قبل البلوغ احسن ،،

شو السبب تتوقعين ؟؟

عشان بعض القطط وقله منهم

بعد ماتتسوى لهم العمليه

تبقى عاده الرش عندهم موجوده

هذا شي

الشي الثاني ان ممكن يصير نفس حق هالبنت

قطوها يهرب من البيت وهي ماتدري ويتزاوج مع قطاوه شوارع

وطبعا ماتدري ايش هي الامراض الموجوده بقطوه الشارع

وطبعا بالتالي تنتقل للقط الذكرر ..!

فـ اذا ماتبون تسون العمليه .. اوكي جيبوا له انثى كل فتره وحرصوا على قفل الابواب والنوافذ عشان مايكون له منفذ يهرب منوو