عطوني حل

[حلوة ومغرورة]

اولا :

الـــــــــــــســلام عليـــكم :D

شلونكم .. انشالله بخير :D

ادش بلموضوع وما اطول عليكم :D

انا عندي صوص اثنين اذا تعرفونه مثل الدجاج بس صغار شوي

وانا الصراحه ما اعرف وين احطهم اهما حالينأ في كرتونه حاطتهم الكرتون حجمه متوسط لا كبير ولا صغير :o


وتعرفون اذا حطيتهم فـ البيت بطيلعون ريحه :o

واذا بحطهم برع في قفص كبير مثلا <<<< تعرفون حر موت برع واخاف يموتون شسوووووي :confused:

وياريــت تفيــــدوني

[فارس الظل]

وعليكم السلام .. الحمدلله تمام .. اخبارك اختي !؟

اممممـ اظن ان راح يكون من الافضل لو تشتري لهم

قفص حجمه متوسط ويكفيهم .. لان شووفي حتى

في المحل انا شفتهم كده يحطوهم .. لكن لاتشتريه كبير وتحطيه

في الخارج .. حجمه متوسط ويصير يكفيهم .. واسمحي لي اختي

ترى الموضوع مكانه مش انا .. المفترض يتواجد في قسم الحيوانات

الداجنة (قسم الصيصان والدجاج) .. اتمنى ان تنتبهي المرة الجاية

اختي العزيزة ^^ اوكي !؟

[الكلاسيكي]

مرحبا اختي
انا اضيف رائيي لخوي فارس وبرضو ازيد عليه واقولك ممكن ماتغيري الكرتون ولا تطلعينهم برا البيت شوفي اختي روحي المحلات بتحصلين للصيصان حاجه مثل او تشبه نشارة الخشب جيبيها وحطيها داخل الكرتون هاذي كل فترة ترمينها وتحطين غيرها وكذا بترتاحين من الروائح وغيره وتقبلي مرروري ،،

[عبيد العباسي]

امممم

خليهم بالكرتون عادي ولما يكبرون يبيلهم قفص وتر اذا خليتي الكرتون بالبيت ونظفتي تحتهم يوم وترك ماراح يطلعون ريحه ...
تقبلي مروري ^_^ ,,,

[حلوة ومغرورة]

انا المشكله اخاف امسكم اخلي الناطور يدخل البيت وينظف تحتهم هههه

انا مابي احطهم في كرتون ابي احطهم في قفص وبرع بس برع حر موت وبيموتون وين احطهم

[حلوة ومغرورة]

والمشكله ما اقدر ادخل الناطور كل يوم البيت

[الكلاسيكي]

طيب اختي انا عني حل ثاني مرضي الجميع
انتي ماتبين كرتون ؟ وتخافين منهم وتربينهم ! وماتبين الناطور يدخل كل يوم البيت ؟ الحل عندي
غيري الكرتون وبدليه بقفص لونه وردي او لون احمر او لون بناتي وزينيه . وثانياً بدال مايدخل الناطور البيت انتي طلعي له القفص ينظفة ويرده لك مرا ثانيه . ومسألت الجو حر استحملي شوي وخليهم داخل البيت لين يعتدل الجو يكونو كبرو شوي وحصلو على الرعاية المطلوبه وبعدها طلعيهم برا . وكذا ريحتي نفسك واظن عطيتك الحل كامل لمشكلتك ، وعندي حل اخير نهائي اذا مارضيتي بالي عطيتك وهو جيبي الصوص الاثنين الي بالشينش خليني اعطيهم واحد من كلابي ياكلهم وافكك منهم :D ههههههههه امزح معك ويبارك الله فيهم ،
وتقبلي مرروري مرا ثانية ،،،

[عبيد العباسي]

انا عندي فكره أحسن :D ذبحي الصوص وفكي عمرج :D

لا لا لا
انا بعطيج الحل الي انا لو كنت مكانج راح أسوي : اشتري قفص وخلي بره بس يكون مكان فيلا ظل وبس صدقيني راح يعيشون لان انا الحين عندي قفص فيله 3 كتاكيت وعايشين الحمدلله ....

[فارس الظل]

طيب اختي انا عني حل ثاني مرضي الجميع
انتي ماتبين كرتون ؟ وتخافين منهم وتربينهم ! وماتبين الناطور يدخل كل يوم البيت ؟ الحل عندي
غيري الكرتون وبدليه بقفص لونه وردي او لون احمر او لون بناتي وزينيه . وثانياً بدال مايدخل الناطور البيت انتي طلعي له القفص ينظفة ويرده لك مرا ثانيه . ومسألت الجو حر استحملي شوي وخليهم داخل البيت لين يعتدل الجو يكونو كبرو شوي وحصلو على الرعاية المطلوبه وبعدها طلعيهم برا . وكذا ريحتي نفسك واظن عطيتك الحل كامل لمشكلتك ، وعندي حل اخير نهائي اذا مارضيتي بالي عطيتك وهو جيبي الصوص الاثنين الي بالشينش خليني اعطيهم واحد من كلابي ياكلهم وافكك منهم :D ههههههههه امزح معك ويبارك الله فيهم ،
وتقبلي مرروري مرا ثانية ،،،

مرحبا من جديد :D

اوافق الأخ " الكلاسيكي " في كلامه كاامل :p

بس اختي .. اعذريني دامك تربيهم المفترض انك

ما تخافي منهم .. لأنك اكيد مرة راح تضطرين تمسكيهم

او تلمسيهم ! .. اختي من الأفضل انك تتركي خوفك على

جنبك وتحاولي تتعودي عليهم .. خصوصا انهم حيوانات غير

مؤذية ;) .. ادخلي موضوع (( المواضيع المهمة عن الطيور الداجنة ))

و راح تلاقي اكيد مواضيع تساعدك .. والمعذرة على الازعاج اختي

[حلوة ومغرورة]

تسلمون اخوااااني ع الردور ما قصرتوا ^^ الله لا يحرمني منكم

[من هواة الحيوانات]

هلاآ بكــ!!

أنا آآقول لو تحطيهم في قفص أو شبك صغير على قدهم وتحطي أي شي تحتهم مثل جريدة أو قطعة كرتون وتغيرينها كل يوم أو يومين ~~

والبرع لوكان حر عاااادي الصيصان تحب الحر أصلا أول ما تفقس عند أمها تنام تحت أمها ويكون حرموووت~~

تقبلي مروري

[حلوة ومغرورة]

وعندي مشكله ثانيه <<< المشاكل وما تخلص اف

رحت اخذ لهم اكل الان اكلهم خلص .... ولما رحت اشتري قالوا ان الاكل مالهم خلص وماراح يجوبون منه مرة ثانيه الان الشركه امنعته او والله ما اعرف شنو المشكله ....والحين والله ما اعرف شنو ياكلون اعطيهم خبز ما يكلونه شسوي ... &_&

[من هواة الحيوانات]

أبد عااادي متى ما صار عندك مشكلة أعرضيها وأنا والأعضااء مو مقصرين ان شاء الله

أنا عندي سبع صيصان صغااار ونسيت أكلهم ببيت جدتي ورحت طحن لهم بسكوت (بسكوت شاي أولكر)
وعطيتهم والحمدلله ياكلون ...

أو اطحني لهم قمح وعطيهم ...

بس غريبة ما ياكلون الخبز انا عندي يا كلون ...

أو اذا كان عندك حديقة في البيت فكيها وخليها تاكل شوي ورجعيها ...

[الكلاسيكي]

مرحبا اختي مرا ثالثه ,
اقول انا رائيي من رائي اخوي حواة الحيونات طريقة الطحن ، وعندي رائي ثاني على قولت اخوي اذا عندك حديقة فكيهم ولا تدرين ربطي حبلين في ماصورة ماء وشنقيهم خخخخخخ :D ، وتقبل مرروري ،،