منازل للقطط

[a111]

السلام عليكم و رحمة الله وبركاته


انا عندي قطه ودي اسويلها منزل


يكون من صنع ايدي


واضيع وقت في الاجازه


وروني افكاركم يا حلوين


:D :D

[مجنون قطط]

والله تبغي رايي


رح مركز جون


وشف منازل القطط


وشف أحسن وحدح


وحاول أنك تسويه

[مدرب نمور]

جيب السله حق البسس

ولفها بقماش وحط قطن

وبث

[sisi_moon]

فكره مدرب نمور كويسه وبسيطه

او ممكن تاخذ سله او صندووق( تكون بقد مساحه القط اذا نام او أكبر شوي ) وتغطيه كله من داخل بصووف او قطن أو مفرش ( اهم شي يكون شي ناعم )

وتحط في الوسط خدادية

هذا وفرنا مكان مريح للقط

أما الزينه عاد انت وشطارتك من شرايط وكرستالات ورسومات او اي شي وطبعا تكون الزينة من برا

واذا تبغى القط يحبه أكثر ... غطي السرير من فوق ثلاث ارباعه .. خلي ربع بس عشان القط يدخل منه او تغطيه كله وتخلي فتحه بالجنب تسمح للقط بالدخول والخروج

بس طبعا يكون شكله نفس القبه او يكون رفيـــع عن داخل السرير عشان القط ياخذ راحته أكثر

و عندنا اخونا العضو وحدوه مسووي سرير لقطوته بس لسا ماحط الطريقه

[نوني..]

المواد المطلوبه:
- قماش: ممكن يكون شرشف قديم المهم انه يكون كافي لسرير
- مقص
- صمغ
- ماكينه خياطه او خياطه باليد
- قطن للحشوه
- كرتونه او بلاستك او فلين ممكن ثنيه وتحويله الى حلقه دائرية لجدار السرير
- كرتونه او بلاستك مدور للقاعده





طريقه العمل:

1. معرفه قياس السرير (على حسب حجم القط مع العلم ان القطط تحب الاماكن الضيقه) يعني لا تخلون السرير كبير وايد.
2. صنع جدار السرير: باستخدام الكرتون او البلاستك او الفلين القابل للثني لصنح جدار على شكل حلقه دائرية. اذا كانت الكرتونه قصيره او رفيعه فممكن تزيد وتلصق لين تحس انه بالحجم المناسب (ويمكن ثنيه) وماعليكم من الشكل الغير مرتب لانها بيتغطى بالقماش.
3. لف الجدار بالقماش من الجهتين وثبتها بالصمغ او خيطها واجعل منه حلقه دائريه مع ترك القليل من القماش في الاسفل لخيطاته مع القاعده.












4. صنع القاعده: وذلك بالكرتونه المدوره وقطعه قماش وقطن الشحو. قص القماش بشكل دائري (تقريبا ضعف حجم الكرتونه) ثبت القماش باطراف الكرتونه بالصمغ مع ترك فتحه لادخال حشوه القطن ثم اغلق الفتحه بالصمغ لتصبح عندك قاعده دائريه محشوه بالقطن.











5. ضع القاعده داخل الجدار (الحلقه الدائريه) وخيطهم باطراف القامش الذي تركته عند صنع الجدار.








مبروك صار عندكم سرير!!






.... ممكن تضيفون ريش او شرايط وفيونكات على الجوانب او وضع اسم القط بالخيوط... استخدمو الاغراض الي عندكم واضيفو طابعكم الخاص على السرير.


ويارب أكون افدتك

دمت بحفظ الرحمن :)

[a111]

مشكووورين جميعاً والله افدتوني ..

شكراًاًاً