تصدقون

[new777]

السلام عليكم و رحمة الله و بركاته


ما اعرف كيف ادخل فالموضوع و ابتدي فيه و يمكن مكان الموضوع غلط

بس انا مربي هامسترس من مده و ثلاث حملووو

و يابو 32 هامستر صغير كنت صدق فرحان لكن فرحتي ما تمت

لانهم فجاه و بدون سابق انذار قاموا يسهلون

و كتبت موضوع بقسم الاسئله لكن محد رد على سؤالي غير واحد جزاه الله الف خير و قال يمكن

ابا اعرف شو سبب اسهال الهامستر

لكن الحين ما شي فايده لان كل هامستراتي ماتوا و السبب الاسهال و ما بقالي ولا واحد

و الي صدمني اكثر اني كنت اشوف الامهات تاكل عيالها قدامي

و غير سؤال الاسهال

اريد اعرف ليش محد يرد على الاسئله

هذا اذا كنتوا اصلا تدخلون قسم الاسئله

و بعدين في وايد اعضاء يحطون اسئله بدون ما يقرون المواضيع

و كل المواضيع بقسم الاسئله هي اسئله مكرره

ما ادري ليش محد يرد عليهم و ليش هم قبل ما يكتبون السؤال ما يقرون قبل اذا في جواب و لا لا

و اذا في حد رد على نفس السؤال من قبل و لا لا

الظاهر انهم يبون زياده عدد المواضيع

و الله قهر

و اسمحولي

قولولي رايكم

http://img187.imageshack.us/img187/4210/omansalalah001lf4.jpg



http://img187.imageshack.us/img187/6992/omansalalah002pj4.jpg


http://img504.imageshack.us/img504/4035/omansalalah003yw5.jpg


http://img182.imageshack.us/img182/6010/omansalalah004mq5.jpg

[رعوود]

اخوي new777

اعتقد انت بنفسك جاوبت على الاسئلة

مافي احد يرد على الاسئلة

لانه الاعضاء كل عضو يدخل ويكتب سؤال

انطرح قبله اكثر من مره

وموجود مواضيع مثبته فيها الجواب

ومع ذلك كل مره الشخص يجاوبهم

يردون ويطرحون السؤال نفسه

فالعضو يمل ويزهق من اعادة الكلام

ونفس الاسئلة

فيوقف يرد عالاسئلة المعتاده

والاعضاء كل واحد يبي جواب مختصر له خصيصا

بكذا كل عضو لازم يجيب معاه خبير خاص فيه يجاوبه !

مادري ليش بعض الاعضاء يبون كل حاجه تجيهم بالساهل

ماعندهم اي استعداد بالبحث والقراءة

اما الاسئلة بخصوصا هامستراتك فهذي معروفة وسبق وطرحت من قبل

اكل الامهات للاولاد والاسهال جميعها لها اسبابها

منها التغذية الغير منتظمة

ومنها الخوف وعدم الاطمئنان

ومنها المرضي

[new777]

اول شي مشكور اخوي رعود على ردك

اوك اكل الام لصغارها انا اعرف شو السبب

لكن الي قاهرني ان الي مكتوب في المواضيع ان الاسهال يمكن بسبب الخضروات

و انا ما اعطي همستراتي خضروات من فتره

و اذكر ان اول اثنين صابهم الاسهال واحد فيهم مات و الثاني انا ما كنت قاري موضوع الخضروات و ها السوالف

قلت يمكن لازم اعطيه خضروات و يوم عطيته خف و راح عنه الاسهال

[♥ animal lover ♥]

...

آخوي انت قريت المواضيـع المهمه عن الهامستر .. ؟!

بتلقى فيهــآ كل شيي ,, الأمراض و غيرها

وعن الأسئلهــ احناا لاعت جبدناا من كثر مانعيد ,, لكن إذا في سؤال بمعنى الكلمه اكييد بنرد عليه

بــس دش واسأل لا تعب نفسك ,, الكلام مو موجه لك بس لكل الأعضاااء ..

اللهـ يهداكم بس ,,

والسمووحهــ منكـ اخوووي

وتحيااتي

...

[new777]

و الله الله يهداك انته


انا ما قلت اني ما قريت المواضيع

انته افهم السالفه قبل بعدين اتكلم الله يخليك

[♥ animal lover ♥]

قولي باللهـ شلي مافهته ..!!

[لاحياه بلا همستر]

السلام عليكم
اخي العزيز اعتقد ان هناك سبب غير تلك ااسباب
والالما ماتت الهامسترات جميعها بنفس الوقت
يمكنك عطيتها عين بفرحتك انا كان حلمي انه تلد عندي همسترتي
ويوم ولدت ماصدقت قلت تولد ثلاثة مرة وحدة
والله ماجلست ربع ساعة الاو كلهم ميتين
حاول اذا ولدت مة ثانيه تقول ماشاء الله وتقرا عليها
والسلام ختام

[new777]

اكيد اول شي اسويه اني اقول ما شاء الله

و انا ما اتكلم ليش ماتو

انا الي اقوله ليش محد يرد على الاسئله

مشكور اخوي (لا حياه بلا هامستر )

و بليز الي عنده شي و يقدر يساعد و يفيد يتكلم و الي مب فاهم الموضوع لا يتفلسف

و السموحه

[جامع الحيوانات]

أخوي كم بقى من الصغار بعد الام عنهم أنقذ روح الباقين و خلهم يكبرو من دون أم أحسن ما تا كلهم مشهد فضيع