مرحبا الساع ^^

[المتهورة]

السلام عليكم شحالكم ؟ حساكم مرتاحين ..

طبعا هاى اول مشاركه لي وان شاء الله ما تكون اخر مشاركه :)

المهم انا البارحه اشتريت كاسكو جامبو وعمره 8 شهور ولونه وايد حلو ^^
بس مشكلته شوي يخاف ): وكان يطلع صوت يوم اتقرب منه بس اليوم الصبح كان اهون عن البارحه ويصفر ^_^ شوي بس انا ابغي اتدربه ويتعود عليه بس ماعرف كيف وخاطري اطلعه برع القفص واحطه على ايدي بس اخاف يعضني ممكن تعطوني معلومات تفيدني وهذا اول كاسكو اخذه ^^

http://www9.0zz0.com/2008/08/26/06/347805975.jpg (http://www.0zz0.com)







http://www3.0zz0.com/2008/08/26/06/576027362.jpg (http://www.0zz0.com)

[أبو ريـــــــــــــان]

يامرحبا بيك اختي بين اخوانك واخواتك وانشاءالله تستفيدين وتفيدين , ياليت تاخذين لك فره صغيره على مواضيع المنتدى والمواضيع المثبتة عن الكاسيكو راح تلقين اللي تبينة انشاءالله وبالنسبة لطيرك اشوف عينة صفراء يعني باين علية كبير فوق السنة ونصف مو 8 شهور اختي تأكدي زين من عمرة فية مواضيع متخصصة بتوضيح عمر الكاسيكو بالمنتدى ياليت تمرين عليها وبالتوفيق

[افريكانو]

هلا اختي فيك بالمنتدي

نعم انا مع كلام الاخ ابو ريان من عين الببغاء باين انه اكبر من 8 شهور اتوقع انه سنه و 8 شهور بس باين انك سمعت الثمانية شهور بس (امزح معك).


اختي المتهورة ببغاءك انشاء الله راح يكون أليف و يتكلم بس يحتاج بعض الصبر عليه أولاً اتركية يتعود على المحل لمدة أسبوعيين مع مراعاه ان يكون بقربكم لا يكون في منطقه منعزله و حاولي انك تنظفين له القفص بشكل يومي و تغيرين الماء واثناء التنظيف و تغير الماء حاولي التكلم معه و يفضل ان تختاري له اسم وتنادينه فيه و بعد فترة الاسبوعين و لا تحرصي كثيرا على ان تمسكه بالفتره هذا و بعدها افتح له القفص و دعيه يكتشف المنطقه بنفسه مع استمرار التكلم معه اثناء التنظيف و تغير الماء و لاكل و بعد اسبوع ابدائي معه مرحله التدريب راح يكون اسهل لانه تعود عليكي و احرصي ان تبعديه عن تيار الهواء المباشر و روشية في الاسبوع ثلاث مرات عن طريق رش عليه رذاذ الماء

http://www.pusup.com/up/get-8-2008-h3w6jzui.jpg (http://www.pusup.com/up)

وأخيراً انصحك اختي المتهورة بتصفح في المواضيع المثبته عن الافريقي
http://www.2zoo.com/vb/showthread.php?t=45945[/QUOTE]

[المتهورة]

مشكورين اخواني ع المعلومات المفيده ^_^

وعن عمر الكاسكو راعي المحل قالي 8 شهور !!!
الظاهر قص عليه خخخخخ بس ماعليه انا احبه طيري حتى لو كان عمره خمسين سنه ^_^

والسموحه منكم

[jemi]

السلام عليكم

اذا تسمحين لى اختى الطير هذا اكبر من سنتين باين عليه وتعليمه جدا صعب مو مثل الفرخ اذا تسمعين نصيحتى رجعيه على المحل لانه قشك وشوفى لك فرخ يتعلم بسرعه ويمكن نفس قيمة مشتراتك لهذا الشايب :) حتى الحجل بين عليه مركب له مش حجله والسموووووووحه تعيشين وتاكلين غيرها.

[حياتي كلها كاسكو]

أهلين اختي ان شا الله تستفيدين من المنتدى وتصيرين مربية محترفة
الكلام اللي قالوه الشباب صحيح هذا شايييييييييب مع الأسف ونصيحة مدام انك توك شاريته ترجعينه عالمحل وتشترين أصغر (فرخ) أما بالنسبة للي عندك يتروض بس يبي له عالأقل ثلاث شهور مع الصعوبه أما الصغير فأحسن منه لأنه بيتربى على ايدك فبتكونين حسبة أمه خخخخخخخ
(لو انا منك أرجعه وأطق راعي المحل بعد يلعب على عيال خلق الله ) شوفي المواضيع الخاصة بالأفريقي بالمنتدى ورجعيه واشتري واحد تنطبق عليه شروط المنتدى .
آسف عالإطالة

آند ثانك يو...

[بوفيصل]

رجعي الطير احسن مادام توج شاريتنه لانه راعي المحل كذب عليج الطير اكبر من 8 شهور

[راعي الكاسيكو]

^_^

وعن عمر الكاسكو راعي المحل قالي 8 شهور !!!
الظاهر قص عليه خخخخخ بس ماعليه انا احبه طيري حتى لو كان عمره خمسين سنه ^_^

والسموحه منكم

مبروووك اختي ع الطير ويتربى فعزك :)

واضح انك تحبين الطير وااايد ... :D

الله يخليه لك

تقبلي مروري

[فيروز]

المهم انك راح تهتمين بالطير واصبري عليه بعد شوي

[غوغو]

يمكن قال انه عمره ثمان سنوات ؟؟

عالعموم اختي بكم اشتريتي الطير ؟ ومن وين اشتريتيه ؟وشو مكتوب على الحيل اللي في ريله ؟

احيانا الطير الكبير المدرب (قليلا) افضل من الفرخ من ناحية سرعة التعود والمناعه القويه والشهيه المفتوحه للاكل ولاتنسون انه ارخص بكثير

[المتهورة]

مشكورين على الردود بس الصراحه ياني احباط

): احسن اني لو ماخذته زين

[النوخذه]

اذا تبين النصيحه رجعى الطير الى راعى المحل واخى طير اصغر من هذا

واتوقع والعلم عنده الله انه اكبر من سنتين

[abo_cady]

السلام عليكم اختي.......اولا مبروك على الطير......ثانياً عمر الطير كبير فوق السنه ونص.........ثالثاً اذا تبين تعرفين الكاسيكو فرخ ولا لا شوفي عين الكاسيكو اذا كانت سوداء فهذا يعني انه فرخ صغير مره وكل مافتحت شوي وصارت رمادي غامق معناه فرخ بس اكبر وكل مافتحت كل ما كبر الى ان تصير بيضاء معناه صار عمره سنه تقريباً واذا صارت عينه مائله للصفراء معناه انه فوق السنتين وهذا العمر صعب الترويض والتدريب لكن مش مستحيل............

[abo_cady]

وشوفي صورة الكاسيكو اللي بالتوقيع حقي هذا فرخ صغير وشوفي عيونه رمادي غامق

[المتهورة]

مشكورين على الردود وطيري حليله شيبه مكسر ):

وهاى صوره ثانيه له

http://www4.0zz0.com/2008/08/26/21/583963685.jpg (http://www.0zz0.com)

[المُسافر]

صح مثل ما قالو الاخوان انه كبيره في السن

واعتقد انها انثى من عيونها

واحسن لك اختي رجعيه اما اذا حبيتها خذها بس ينرالدها وقت اكثر

وبالتوفيق

[المتهورة]

مشكور اخويه المسافر ع الرد

وانا احسبها تتجاوب ويايه وايد ها اليومين وتصفر يوم اجوفني
جدامها بس طبعا على حسب المزاج والله يعين يمكن مع الايام
تتعود عليه .... ^______^ وان شاء الله اروضها

[عين الامارات]

اذا تبين النصحيه

خذي و احد صغير