هل تنصحوني أوديها البيطري؟؟؟؟؟!!!!!!

[الجوري]

السلام عليكم...
شخباركم ان شاء الله بخير...

اليوم راح ازهقكم بالأسئله فاستحملوني اشوي...

السؤال الأول:لاحظة أمس حول عيون البغبغاء اليمنه أحمرار فامب عارفه اذا اهي شامخه نفسها ولا هذا شي ثاني؟

السؤال الثاني:قليل ماتشرب ماي اوقات ابدل لها الماي مره كل يومين لأن ماتشرب؟؟

السؤال الثالث:نادر ماطلع أصوات اواتسولف عكس البغبغاوات ماشاء الله عليهم مايسكتون؟؟؟

السؤال الرابع:هل تنصحوني أوديها البيطري؟؟؟؟
...اسفه على التأخير شكلي مصختها على العموم مشكورين ويعطيكم العافيه...

[Mr. MeMo]

اختي الجوري


ما عندك مشكله في الاسئله خذي راحتك الله يبارك فيك.

بالنسبه للسؤال الاول صعب تحديد المشكله بهذا الطريقه انصحك ان تلاحظي بنفسك وتشوفي الاحمرار هذا قاعد يزيد او ينقص و اذا انك حاسه انه اللتهاب او مرض في اقرب وقت خذيه للبيطري
قبل ما يزيد.

بالنسبه للسؤال الثاني اول شي الماء يجب تغيره من مره الي مرتين في اليوم , بالنسبه للشرب
بما ان الماء موجود فلا تشيلين هم الببغاء سوف يشرب عندما يعطش بنفسه.

بالنسبه للسؤال الثالث يحتاج انك تشرحي اكثر عن الببغاء ( عمره , له كم معاك , اليف او لا , شكل و نوع القفص , الاكل و نوعيته ) عشان تكتمل الصوره ويمكن تحديد المشكله.

و ان شاء الله محد راح يقصر معاك و الاخوان فيهم الخير والبركه

[تاكو]

اهلاً بك الجوري
مستر ميمو
اجابك اجابة ممتازه ولا نزيد عليها
فقط نريد منك المعلومات التي طلبها مستر ميمو
بالتوفيق

[الجوري]

أولاً:مشكورين(Mr MeMo - تاكو)على النصايح وجزاكم الله خير

ثانياً: أسفه لأن تأخرت على الرد : عمرها فوق السنتين \ معاي تقريباً من شهر \ إذا في مكانه اوكي اما إذا ابي اشيله يفتن علي ويعضني شوي شوي لين يركب \ نوع القفص والله مب عارفه شلون اشرحك بس اهو نفس قفص البغبغاوات الكبيره لكني افتحه له من فوق لأنها تطلع منه وتدخل \ الحب الشمسي ...... الله يعطيكم العافيه......

[Mr. MeMo]

اختي الجوري


اولا طمنينا ايش اخبار الاحمرار الي جنب عينها اليمين ؟؟ و ماذا فعلتي لكي نستفيد من تجربتك

بعد وصف الوضع اعتقد انه ينقصك فقط تدريبها علي الكلام ارجو منك اخت الكريمه قراءه
المواضيع المثبته عن تدريب الرمادي علي الكلام


بالنسبه لنقطه الصعود علي اليد اعتقد انك تضعي يدك بعيده شي ما عنه فلذلك هو يستخدم منقاره لكي يثبت نفسه حيث ان الببغاوات تستخدم المنقار كرجل ثالثه في التسلق و الصعود علي الاشياء او انه لا يثق في انك لن تحركي يدك فيخاف ان يصعد ثم يقع انظري الي الطريقه
التي كنت استخدمها انا مع الرماي سابقا ( ضعي يدك تحت بطنه مباشره ملاصقه للارجله و عندما يصعد كافيئه بحبه فول سوداني مباشره باليد الاخري) جربيها و سوف ترين الفرق.

اما بالنسبه للغذاء فاراي اختي الفاضله انك مقصره في حق طائرك كثيرا و اليك الرابط ادناه
http://www.2zoo.com/vb/showthread.php?t=285
و اتمني لك التوفيق

[الجوري]

مشكور اخوي ( MrMeMo) على اهتمامك بالموضوع ...

اولاً: الأحمرار خف اعتقد انها كانت شامخه نفسها ...

ثانياً: بالنسبه للغذاء حاولة معها بالفواكه والخضروات اني اقطعها قطع صغيره ماتاكلها ...

.....جزاك الله خير ....

[Mr. MeMo]

اختي الجوري

هل بالامكان ان تذكري لنا نوعيه الفواكه و الخضار التي رفضها ببغائك
لكي نستطيع مساعدتك و هل جربتي العنب الاحمر والذره الطازجه

[الجوري]

مشكور على المرور ..

نوعية الفواكه التي جربتها مع البغبغاء : التفاح و البرتقال و البطيخ و العنب الأخضر ..
اما الخضار: فلفل الأخضر البارد و الخيار و الخس و الكوسا..
اما الطماطم و الذره والكمثرى والعنب الأحمر إن شاء الله راح اجربهم ..
وشكراً .....

[fan]

هلا اختي الجوري
طبعا مستر ميمو ماشاء الله عليه مايقصر في ردوده
انا باعطيش تجربتي الشخصية
بالنسبة الى الأحمرار اتوقع عادي عندي ببغاء مرة ضربت نفسها في القفص وصار عندها جرح فوق المنقار اسبوعين وراح الجرح من غير ماأحط عليه ولاشئ
والماء لازم تغيرينه مرتين في اليوم لأنه ماراح تشرب منه اذا كان وسخ
اما عن اكل الفواكه لازم تجوعينها على الأقل 4 ساعات وبعدين بتاكل اذا جاعت لاتخلي الحب الشمسي والفول السوداني قدامها انا عن ببغاناتي يحبون التفاح والبطيخ الأحمر من يشوفوني جاية وعندي الفواكه يجون لي ويفضلون الفواكه على الحب. وخلي الببغاء تتعود تاكل من يدك احسن حتى الفواكه اعطيها اياها بيدك واذا رفضتها ارجعي واعطيها اياها مرة ثانية
بالنسبة للكلام اعطيها فترة شهرين او ثلاثة لين تتعود على الجو والمكان الجديد اللي هي فيه وبعدين بتشوفيها تبدع. مو تحطيها في مكان فوضى يفضل يكون مكان هادئ خاصة في البداية وتعالي لها الصباح أول ماتصحى من النوم بتشوفيها تصفر وتتكلم كل الكلمات اللي تعرفها
نصيحة مني: لاتيأسي اصبري عليها ترى تربية الببغاء وخاصة الرمادي شئ ممتع جدا.

[الجوري]

مشكوره اختي fan على الرد

بالنسبه للماي انا اغيره مع انه احس ان الكميه نفسها ماتتغير
اما عن الفواكه والخضار تاخذهم وتحذفهم برع القفص وطبعاً انا اشيل الحب عنها ..
اما الصبح صح كلامج تقعد تصفر حتى انها تصحيني من النوم ..
ان شاء الله مايي اليوم الي أيئس فيه...
وشـــــكـــــــرااااااً ......:o

[Mr. MeMo]

اختي الجوري

وين طوله البال اختي المفروض انك تكونين اقوي من كيذه شوفي اي شخص ممكن يوصل الي مبتغاه بالاصرار والصبر و صدقيني و من واقع تجربه شخصيه بتشوفين النتائج حلوه مره و بتغيرين و جهه نظرك كليا انا ببغائي قعد خمس شهور طلع روحي بس شوفي اللحين يتكلم و يفهم ( اذا دق الجرس يقعد يقول مين مين مين الين ما يشوف مين اللي جاء و لا ما يسكت ) اقوله خلاص و الله مايسكت و بعدين اذا شاف اللي دخل يشتغل ( السلام عليكم ) و لا يسكت ) بس هذا كله اخذ وقت انا قاعد اقولك هذا كله عشان ارفع معنوياتك و انصحك بالصبر و ما راح تندمين

الله يوفقك و يصبرك