هل الكاسكو يشاخر ؟؟

[Reyad]

السلام عليكم

عندي كاسكو هولندي تقريبا عمره 5-6 شهور , ليلحين مايصفر , اهو يحاول بس الصوت خفيف , المهم اليوم لما العب معاه احس انه وده يتكلم او يطلع صوت , بس يطلع صوت من بلاعيمه كأنه واحد يشاخر , الصوت اهو يطلعه متعمد لانه لما يتنفس مايطلع هالصوت , هل هذا الصوت طبيعي ؟ مع العلم ان مافيه نشله او اي افرازات على الانف ,,, سؤال ثاني: لما اراقب براز الطير مايكون كل يوم نفس الحاله ’ يعني مره متماسك واللون الاخضر اكثر , ومره خفيف والابيض اكثر :confused: , عقدني ,, ارجو الافاده وشكراااا!!!

[عاشقة الطيور]

وعليكم السلام ورحمة الله وبركاته

امم صوت المشاخر اعتقد طبيعي دامه اذا يتنفس ومايطلع صوت ان شاءالله طبيعي .. وان شاءالله هالصوت بداية محاولته للكلام


البراز اعزك الله يعتمد على الاكل الي تأكله اذا الابيض اكثر يمكن تعطيه سوائل اكثر .. وان شاءالله مافيه إلا العافيه

وحاول تعلمه حركات من الحين احسن;)

والله يخليه لك ان شاءالله

[Reyad]

وعليكم السلام ورحمة الله وبركاته

امم صوت المشاخر اعتقد طبيعي دامه اذا يتنفس ومايطلع صوت ان شاءالله طبيعي .. وان شاءالله هالصوت بداية محاولته للكلام


البراز اعزك الله يعتمد على الاكل الي تأكله اذا الابيض اكثر يمكن تعطيه سوائل اكثر .. وان شاءالله مافيه إلا العافيه

وحاول تعلمه حركات من الحين احسن;)

والله يخليه لك ان شاءالله

يعطيج العافيه ياعاشقة الطيور ومشكوره انج طمنتيني , شلون يعني اعلمه حركاات ؟؟ عطيني امثله , انا وقفته على ايدي بس المشكله جناحه كامل , طاار جان يدش بالطوفه , خفت يتعور جان اوديه البيطري , قالي اصبر خل يمر على الطير اسبوعين عندك بعدين تعال قص جناحه عشان يتوالف معاك اكثر , الله يخليج عطيني اقتراحات بخصوص الحركات اللي اعلمه اياها , علما بأن الطير اليف جدا وامسح على جسمه كله وارفع جنحانه عاااادي , وشكراااا!!!

[عاشقة الطيور]

الله يعافيك اخوي .. وعليه الحمدلله انه ماتعور .. الحركات مثلا تسلم عليه بيدك يرفع ريله

تقلبه وتشيله مثل الياهل تقوله تعال ايك طيران .. اممم بعد شنو

وعندك اليوتيوب اكتب فيه Gray african parrot وحوس في الفديوات لما تحصل اشخاص يدربون فن واتعلم منهم