علميه قطاوه عندها استفسرات

[R E M I X]

السلام عليكم
انا الحين بتجين قطوتين هديه وعمرهم تقريبا شهر ونص
وتقول صاحبه القطاوه انها ما طعمتهم و رزم تفتحين لهم ملف
مع العلم اني اول مره اربي قطاوه

طيب وش سالفه فتح الملف وايش لون؟

طيب انا طعمتهم خلاص انساهم؟

وكم سعر التتطعيم؟

وبعدين مستقبلا يحتاجون تطعيمات ثانيه؟

وشكرا مقدما...

[PINK COCKATOO]

او مايتمون شهرين توديهم البيطري ..
يطعهم ثلاث تطعيمات + جرعه الديدان .. وهو راح يقولك لاخلصتي التطعيمه الاولى راح يقولك تعالي بعد كذآ ..
وهالتطعيمات تتكر سنوياً يعني هو راح يكتب لك في شهاده القطوه الي راح يعطيك موعد كل جرعه .. وموعدها السنه الجآيه . .
بالنسبه للاسعار انتي من وين عشان السعر يختلف من منطقه لمنطقه ومن عياده لعياده ؟؟

[R E M I X]

اهاا
طيب انا من الرياض طيب المراكز البيطريه عاده وين تكون؟
وايش هي الشهاده البيطريه؟
عملية نزع الأظافر وش فايدتها؟

[نوني..]

عملية نزع الأظافر وش فايدتها؟


لألألألألألألألألألألألألألأ تسوينها لهم حرااااااااااااااام يصيب بالقط حالة اكتئاب ومايصير زي اول

ولايقدر يدفن بالتراب اوسااخه ولايقدر ينظف نفسه كأنه معاق

وهذا غير انوو ممكن يصيبه التهابات وامراض بغنى عنها

شوفي انتي بس خلي البيطري يقص اظافرهم ولايتعدى المنطقه الورديه عشان بس مايخربشون الاثاث

ويحسوونه عليكم والا جيبي لهم خشبه يخربشون فيها

ويارب أكون افدتك

دمتي بحفظ الرحمن :)

[نوني..]

طيب انا من الرياض طيب المراكز البيطريه عاده وين تكون؟
وايش هي الشهاده البيطريه؟


بمحلات الحيوانات اللي تبيع قطوات عندهم بيطريين

الشهاده البيطريه يسويها لك الدكتور ويكتب فيها انها القطوه حالتها الصحيه ممتازه

ويكتب تطعيماتها وكل شئ عنها ومواصفاتها

ويارب أكون افدتك

دمتي بحفظ الرحمن :)

[R E M I X]

طيب كيف اعلمها انها تروح الحمام؟ (اكرمكم الله)

<< احس اني مزعجه ^^"

[Snow]

اختي اسعار التطعيم انا طعمت قطوتي في الرياض عند محل واحة الحيوان
التطعيمه الاولى بـ 110 او 120

والثانيه بـ190 <<هذي يوم الاربعاء الجاي ان شاء الله

وتطعيمات سنويه مجانيه..

مدري عاد انا لاعبين علي ولا لا :-)

والله يوفقك تلاقي من خيرها يا رب



وعملية نزع الاضافر انتبهي منها
واحسن انتي قصي اضافر قطوتك بمقص اظافر عادي مو لازم المخصص للقطط والكلاب

واحسن شي لما تكون نايمه شيليها وارفعي يدها ولما تضغطينها راح يطلع لك الظفر سلطيه على النور وقصي الظفر ولا توصلي للخط الوردي..



والخبراء يفيدونك..

[sisi_moon]

ريمكس ..

لا عادي فديتج لا إزعااج وولا شي

تعليم الحمام ..

بعد كل وجبه وديها بالرمل

ووقت اللي مايكون فيه وجباات كل كمن ساعه وديهاا الرمل

ومن تشوفيها تحفر بالارض او تتجهز وديها بالرمل على طول

وكلها يومين ولا ثلاثه الا ومتعلمه ان شاءالله

بالتوفيق

[R E M I X]

مشكورين ولله ولله يعطيكم العافيه