مساعده عااااااجله

[عايد]

السلام عليكم .. قطوتي الله يسلمكم ولدت اليوم وجابت 6 الله يخليهم لبعض :D .. لكنها ولدت داخل حوض الرمل .. وطبعا الرمل صناعي .. عاد بعد المغرب الحمدلله طلعتهم برا .. وطلعت امهم عشان تاكل .. ونقلتهم عاد من الحوض الى القفص .. وطبعا حطيت فوط واجد داخل القفص عشان تقعد عليه .. عاد المهم انها بعد ما اكلت .. صفطتهم وراحت تتسدح لحالها بالحديقه :eek: .. وطبعا شلتهم بسرعه بدون ما المسهم .. ولما رجعتها معهم اشوفها صارت قاعده جنبها ومهب شايله همهم .. وبعدها افتح القفص عليها واحط المويه والاكل وبرضو ما اشوفها قامت تبخ بوجهي ولا طقت خبر لعيالها .. وجيتها اكثر من مره واشوفها منسدحه بعيد عنهم .. بس عاد اخر مره جيت لقيتها عندهم .. وعطتني ذاك الصوت الي معناه وخر بس .. بس مدري هل هو طبيعي يعني انها تروح وتتركهم عادي ؟ ولا لازم تكون عندهم طول الوقت ؟؟ انا ماعندي مشكله اخليهم برا واخليها تطلع وتجي .. لكن المشكله عندي قطو انثى ثاني .. واخاف يروح يحارش الصغار :(



وبعد انا لاحظت شي اني لما جيت بشيلهم .. لقيت واحد لحاله .. و5 متلاصقين ببعض :(

هذولي هم

http://www.arb-up.com/files/arb-up-2008-6/SIo42445.jpg

عمرهم 12 ساعه تقريبا :D

طبعا اللي ملصقهم ببعض الظاهر فضلاتها .. لاني زي ماقلتلك ولدتهم داخل الحوض اللي فيه الرمل .. عاد انا حاولت افككهم عن بعض حسيت اني بعورهم فخليتهم وقلت يمكن الحبل السري او شي من هالقبيل لاصق فيه .. ومدري كيف اخاف انهم مايقدرون يرضعون .. فسؤالي هو لازم افكهم ؟؟ ولا اخلي امهم تتصرف ؟؟ ولا اوديهم البيطري افضل وافضل لاني قلت يمكن بعد السر لاصق :(

وابي استفسر بعد مده نوم في اليوم كم ساعه ينامون ؟ وافضل جو اوفره لهم ؟ لاني حاطهم في غرفه وفاتح ابوابها بس مو فاتح التكييف .. هل كذا ممتاز ؟

انا كتبت هالسالفه في رد لموضوع سابق بس قلت اخليه بموضوع عشان تعطوني الجواب باسرع وقت والله يعطيكم العافيه

[*(الدلوعه)*]

نفس ما قلت لكـ في ذاكـ الموضوع

حاول تفككهم بشوييييش وخل الام عندهم عشان يرضعون

وانصحكـ لا توديها للبيطري يكفي الي صار للعضاء >_<

وحركة الام طبيعيهـ ما تبيكـ تجي عيالها ^_^

حطها في قفص هي وعيالها وهي تقوم بالواجب ^_^ .

[آنـــــو]

وييييي فدددديتهم عيال لولو فديته ناديته يشوفهم :p

شوف القطوه لاتشيلها همها هي حنونه وآم درجه اولى ماشاءالله عليها..بس آنتبه تسوي آزعاج آو تغير محلها كل شوي وتقلقها
وآيه شي طبيعي تتركهم شوي وتطلع تتسدح وبعدين ترجع تدخل عندهم ترضعهم وتنظفهم وتنام عندهم ..
وآنتبه مايكون الجو حار عليها لآنها تحتر بسرعه ماتستحمل الكرتون وتقعد برا على السيراميك علشان تتبرد هي كانت تسوي كذا...

القطوه الثانيه آن شاءالله ماتسويلهم شي وهي آتوقع لو بتقرب منهم بتتضارب معها تدافع عن آولادها..


بالنسبه لتلاصقهم آتوقع فضلات لأني آشوف شي آسود بالصوره..ولازم تفككهم علشان يرضعون آو واحد يزحف ويلف رجل
الثاني ويتعور عظامهم لينه

سوا اللي بقولك عليه بس آستحمل البس قفازات طبيه وخذ عيدان آذان وبالفازلين آو زيت زيتون آدهن المنطقه اللي لاصقه فيها هالفضلات واحد واحد وقولنا وش يصير معك

[عايد]

حلو حلو ..

بس اهم شي ان ريحتهم ماتتغير ؟؟ وهل انتي مجربتها من قبل ؟ :D

وان شاءالله اول ما ارجع بسويها .. واوفيكم بالتفاصيل :D

[أنس الصويري]

وعليكم السلام لاتشيل همها بس لاتخلي البسه تجوع عشان لا تكلهم وحط فيتامين في المويه لمده 5ايام.

[عايد]

والله اعطيها بسكوت لكن ماتاكل كثير .. التونه تزرط منه واجد

آنو
والله سويت كل اللي قلتيلي عليه لكن مافيه فايده متلاصقين بشكل صعب جدا جدا ماينفعلهم الا الربيعه :D .. حاولت فيهم لكن والله مافيه فايده .. بس خفت من ريحه الفازلين تخلي امهم تصفطهم لاني اشوفهم بعيدين عنها .. وواحد بس اللي يرضع (اللي مو لاصق فيهم) ..

بكرا ان شاءالله بوديهم البيطري .. بس تهقين يعرف لهم ؟؟ يعني هل هالمشكله شائعه وتنحل بسرعه ان شاءالله ؟؟ :(

[آنـــــو]

غريبه مع آنها تحب رويال كثير آخلطه لها مع دجاج وتاكل منه بشراهه
يالله آهم شي آنه شهيتها مفتوحه وتزرط التونه مع آنه كثرته يسبب لها آسهال

والفازلين ماله ريحه وماقلت لك تدهنهم بالكامل بس الموضع حتى تلينه ،،
طيييب لو المكان دافي حيل نقط مويه من قطاره على المكان الماسك علشان يفك بس لاتكثرر علشان مايبردون..
ولازم يرضعون مساكين آمسكهم واحد واحد وقربهم من حلمة الأم وآذا رضع جيب الثاني وهكذا

[عايد]

اوووكي بحاول فيهم :(

[angel eyes]

اخوى عايد كل الردود رائعة بس انا بدى استفسر عن شى انت شفتا بترضعهم ولا لا ؟؟؟؟؟؟؟؟؟ يريت تبص على بطونهم اذا كانت ممتلئه ام لا اذا ما كانت يريت تحطهم على صدرها وتتاكد انهم بدؤا برضعو و ما تخاف ما بتسوى شى اذا مسكتم اذا بخت ما تخاف منها مارح تسويلك شى
و تقبل مرورى

[آنـــــو]

هااا شو صار عليهم؟؟

[sisi_moon]

عاادي التلاصق صار لي مع عيال قطوتي وفكيته بكــــــــل سهوووله

بس انا اللي خلاه سهل ان الحبل السررري كان لسا رطب لان توهم مولودين

بس انت شكل العيال متلاصقين بفضلات الأم مع حبلهم السري .. ؟

جيب قماش وبلله بمووويه داافيه

وامسح امسح بشوووويش

لين يفك شووي شووي

واذا عجزت مافي حل الا المقص دام السالفه فيها حبل سري ..

ابعد مسافه صبعين عن سر القطو الصغيير وقص الحبل

سو معهم كذا

حرام يتمون للحين متلاصقيين بكذا مابيقدرون يزحفون ويرضعون وعظامهم ممكن تتأذى

إلحق عليهم اخووووي

...

ومبروك عليك ولادتهاا ^^

[عايد]

انا وديتهم قبل امس البيطري وفكهم .. لكن لما وديتهم كان فيهم واحد ميّت من زمان :( هو كان محشور تحتهم

المهم كانو مترابطين بالحبل السري وحتى الدكتور مستغرب انها ما اكلته .. طوّل والله وهو يحاول يقطعه.. وبالأخير طلع 2 منهم مكسره رجولهم .. رجولهم كانت عالقه ولما فكهم من بعض .. لقى رجولهم صايره سوده .. وبترا لهم وقالي مو مشكله بيعيشيون ووصاني على مرهم احطه لهم .. لكن ماطولو وراحو هم بعد 3 ساعات :(

والله شكله جايتهم عين .. كل من شافها قال امش وشلون جابت 6 الشيرازي ماتجيب الا 3 او 4 بالكثير
مع اني والله مريحهم وحاط في جو دافئ .. وفي غرفه كامله وفاتح للأم عشان تتحرك على راحتها .. وحتى لما يجون يرضعون اشوف اللي مايرضع واقربه من امه .. بس الله يعوّض ان شاءالله

[آنـــــو]

لاحول ولاقوة الا بالله مسااكين :( قطعوا قلبي .. ماعليه معوض آخوي

ومين قالك هالنوع مايجيب ؟؟ الا يجيب 7 عادي .. قطوتي أصيله آكثر منها أبوها هيملايا بيكي فيس بيور
وجابت من كم شهر 6 مواليد وماتوا كلهم لأن أول ولاده لها

مقدر ومكتوب أخوي والموضوع كان يبيله أهتمام وحرص منك ومراقبه وقت الولاده،، ماعليه المره الجايه أن شاءالله :)

[عايد]

انا والله ماكنت ادري اصلا متى وقت ولادتها لان راعيها السابق قالي باقي لها شهر تقريبا وانا ماحسبت حسابها :( .. لكن ان شاءالله بجيب لها ذكر يوسع صدرها بعد والله يحفظ عييلها الباقين :(

والف الف شكر لك يا آنو .. تعبناك معنا كثير والحمدلله استفدنا منك كثير (F)

[sisi_moon]

يااااربي

اخوي المفروض الحين انت في الولاده الجايه تكون حذر

وكثير ناس تروح عليهم قطاوتهم الصغار بسبب هالحبل السررري .. .!!

دايمااا لما تشوفون الام أهملت الحبل السري وماقطعته

ابعدوا مسافه صبعين وقصووه

واذا ولدت وانت نايم ولا ماتدري .. من اول ماتشوفهم لاتناظرهم وولا تسوي شي .. جيب المقص وفككهم شوي شووي

انا بعد كانوا عيال موني 3 متعلقين في بعض من الحبل السرري والمشيمه بعد بس شوي شوي شلت واحد منهم وقصيت الحبل وسويت مع الثاني والثالث

مره ثانيه خلك حذر أكثر اخووي

واسال عن كل شي قبل لاتولد قطوتك عشان مايموتون عليك

والله الموفق والله يعوضك يارب

[آنـــــو]

وكثير ناس تروح عليهم قطاوتهم الصغار بسبب هالحبل السررري .. .!!

دايمااا لما تشوفون الام أهملت الحبل السري وماقطعته

ابعدوا مسافه صبعين وقصووه


حابه آضيف شي لازم قبل نقطع الحبل ننتظر دقيقتين حتى نسمح برجوع الدم اللي بالحبل
للمولود بعدها مثل ماقالت سي سي مسافة أصبعين ونقص.. هذا في حال آهملته أو سبب مشكله

عايد
العفوو وماسوينا شي :)

المره الجايه آحرص كل الحرص ماتولد بصندوق الرمل لأن سوتها عندي وعندك ،، يعني كل مره بتسوي نفس الحركه..ومعوض خير