طلب المشوره من الخبراء

[مكاو ^ FAHAD ^ مكاو]

السلام عليكم ورحمة الله وبركاته

أسعد الله أوقاتكم جميعاً


انا ناوي اشتري ببغاء .. ولكن احترت بين المكاو والكاسيكو ... ايهم افضل من حيث

1- التحدث
2- أليف .. يعني تقدر تمسكه باليد وياكل من اليد
3- يكون اسرع واسهل في التدريب
4- ما يجعر كثير



طبعاً انا كنت ناوي على المكاو وهذا واضح في الاسم .. ولكن لما تصفحت المنتدى عجبني كثير الكاسيكو ... فاحترت بينهم

شاكر لكم مقدماً ..

[احب الجيرمن]

شوف الكاسكو افضل 100% لانه الكاسكو يتكلم احسن من المكاو وبعدين المكاو عظته والقبر(وايد تعور) اما الكاسكو اول ماتاخذه راح يجعر اول ثلاث ايام وبعدين راح يبطل والمكاو لا انت وله البيت راح يتحمل صراخه وبالنهاية اقولك الافريقي احسن(الكاسكو)

[بوفيصل]

مايبيله كلام الكاسيكو احسن 1000 مره ,, المكاو حجم وشكل بس واذا بيتكلم كلمات قليله جدا اترك عنك المكاو وخذلك كاسيكو محترم انتاج مزارع وراح تشوف الفرق

[مكاو ^ FAHAD ^ مكاو]

احب الجيرمن ** بو فيصل

شاكر لكم مروركم وتعليقكم وما قصرتوا



انا بترك الاعلان يومين وبسوي مقارنه على حسب الاغلبيه ..وباخذ مشورتكم لانكم متمكنين اكثر مني وخبيرين فيها ..


النتيجه الان :):)

2 كاسيكو
0 مكاو [/SIZE]

[وعـــد الهـــوى]

لسه فيها اغلبيه


انا اقول المكاو راح يتم على حاله ____0_____
والصوت للكاسيكو

[غوغو]

المكاو كشكل والوان احلى وصوته مزعج لدرجه فظيعه يعني اذا يجعر كانه دينصور في البيت والكاسكو يألف بسرعه ويتكلم بكثر

[the-gray]

شوف ياخوي من ناحية الكلام انصحك بالكاسكو

وإذا انت ساكن في عمارة (شقة ) ممكن الجيران يطردوك انت والمكاو
ترى صوته مره مزعج وما ينفع في الأماكن الصغيرة

انت ابدأ بالكاسكو

[KASKOO]

اكيييييد الكاسكو افضل بكثيرررررر من جميع النواحي

[مكاو ^ FAHAD ^ مكاو]

وعـــد الهـــوى ** غوغو


the-gray ** KASKOO




يعطيكم ألف عافيه ونورتوني بمروركم وارائكم ..



6 كاسيكـو

0 مكاو

^
^
^


والله مادام العوه فيها ازعاج وهذا اللي انا كنت شايل همه ..شكلي بصرف النظر عن المكاو ..

[رحمه من المولى]

شوف أخوي أنا أقولك خذلك مكاو .. أنا صراحة راح أشتريلي خلال كم يوم مكاو .. ما شاء الله عليه حجم وشكل ولون وجمال سبحان اللي خلقه وهذا رايي وانت بكيفك والله يوفقك ...

[مكاو ^ FAHAD ^ مكاو]

هلا والله اخوي رحمه من المولى ... الله يرحمنا وياك برحمته

من ناحية شكل ومنظر وحجم فانا اتفق معك انه اجمل من الكاسكو .. وحتى الكاسكو على الطبيعه حلو
وانا قبل لا اعرف المنتدى كنت ناوي على المكاو ولا افكر في غيره ..

ولكن لاحظت من خلال تصفحي للمنتدى ان الكاسكو اذكى من المكاو ونشيط اكثر .. وبعدين مشكلة المكاو انه يجعر كثير ومزعج على قولة الاخوان وكلام اصحاب المحلات وهذا الشي الوحيد اللي انا ما ابيه ..


شاكر لك مرورك الكريم ..

[كاسكو حبوب]

أخوي نصيحه تشتري كاسكو لان المكاو مشكله عليه صوت يبط الاذن نصيحه بالكاسكو

وانا اليوم بحط صور الكاسكو مالي وشوفه

انا اصوت للكاسكو

تحياتي لك واله يوفقك

[رحمه من المولى]

أخوي أنا بنت ... بس إذا على الإزعاج .. تقدر تاخذ فرخ وتربيه وتعوده عليك فما راح يزعجك ومن ناحيتي أنا بعد انعجبت بالمكاو صاير اللي أكثر من شهر وأنا أحاول أجمع أكبر عدد من المعلومات عنه { علشان ما أكون أطرش بالزفة يوم أخذه } ههههههههه المهم اختار اللي يعجبك وبالتوفيق ان شا الله ..

[أبو ريـــــــــــــان]

هلا بيك اخوي انا اضم صوتي للكاسيكو من كل النواحي فهوا الأذكا والافضل والاجمل هذا من وجهة نظري , اما بخصوص المكاو انا معاكم شكلة جميل والوانة حلوة مرة لاكن مزعج بشكل غير طبيعي سوا كان فرخ او كبير انا اعرف واحد اخذ لة مكاو وساكن بعمارة بالدور الرابع والله الرجال يحلف انة يسمع صوت جعيرة وهو عند باب العمارة تحت بعدها باعة على طوال ماقدر يستحمل

[بنت الرس]

كااااااااااااااسيــــــــــــــــــــــــــــــــــــــــكوأذكى ويحفظ كلمات وجمل كثييييييييييييييير
والمكاو حده ست كلمات

[الجناحي 10]

الكاسكو وبس 100%يتكلم بس قول نشالله

[دحرووج2007]

هلا اخوي اتوكل ع الله وخذ مكاو والله انا اشوف مافي مقارنه بين المكاو والكاسكو في الشكل والجمال وبنسبه للازعاج هوا اشوي مزعج بس طول منته حابسنه ايتم ايصرخ بس اذا اتخليه برع مول ميزعجك ونا انصحك يوم تشتري اشتر مكاو اصغير ايكون عمره من سنه وصغر انا شريت وحد عمره سنه والله روعه ايحب يلعب ويتعلم سرعه بس يوم احبسه صدق يزعجني يلا اتوكل ع الله وخذه

[مكاو ^ FAHAD ^ مكاو]

شكراً جزيلاً للجميع لمروركم وتقديم النيصحه لي ..

وانا استفدت منكم كثيراً ..


الظاهر اني باخذ رأي الاغلبيه وبتوكل على الله ..

[Hamlet]

السلام عليكم ورحمة الله وبركاته

اخي الكريم / مكاو ^ FAHAD ^ مكاو

بالنسبة لسؤالك فالجواب المضمون 100% هو " الكاسيكو - الرمادي الأفريقي "

طبعا من ناحية النطق .. ومن ناحية التآلف مع الإنسان .. ومثل ما قال احد الأعضاء

المكاو يتميز على الكاسيكو ليس في الكلام .. بل يتميز عليه في الحجم والألوان والجمال

وبالنسبة للأخ / رحمه من المولى
أحب أذكره ان اخونا حاط شروط معينه لطلبه وهي تنطبق على الكاسيكو وليس المكاو

تحياتي للجميع ،،

[الكروان الاسود]

اخي ما في كلام الاجماع على الكاسكو بالاخير يعود القرار لك (مثلا انا كنت معجاب بالامزوني بس بعد قراة بعض الموضيع للكاسكو بدء اعجابي به واشتريت كاسكو .وانا اعطي صوتي للكاسكو.