ارجو دخول من لهم الخبرة للرمادي

[كاسكو حبوب]

السلام عليكم

يشرفني ان اكون من اسرة هذا المنتدى وارحب بجميع اعضاء منتدى تو زوو

اخواني انا عندي كاسكو يمكن صار له عندي سنه شريته فرخ الحين كبر مشاء الله وصار لون عينه ابيض يمتزج بالصفر القليل بس المشكله ان المفروض ان الريش الاحمر يستوي بس في الذيل الكاسكو الي عندي صار اللون الاحمر يطلع في كل مكان له على الجنحان والصدر والراس في كل مكان ماسبب خروج هذا الريش في كل مكان ارجو افادتي بالموضوع

ولو ماعليكم امر اي واحد عنده اصوات حيونات او طيور يحط الرابط الي لها لاني بخذها للكاسكو لان في البدايه بعلم على اصوات الحيونات وبعدها شوي شوي يتعلم الكلام احسن له ارجو من لديه اصوات يااخوان يحطها لي تحت الموضوع

تحياتي لكم جميعا:)

[CENA]

والله مدري ماني خبير في الكاسكو

بس يمكن شيء عادي انه يطلع له ريش احمر في كل مكتان
والله اعلم

[كاسكو حبوب]

شسبب والله ماادري

[Hamlet]

أهلا فيك أخوي الغالي كاسيكو حبوب .. المنتدى بكل أعضاءه ومشرفينه وإدارته وحيواناته يرحبون فيك .. المنتدى مفتوح لك بأي وقت .. اخ عزيز وغالي ..

طبعاً حسب معرفتي وإلي سمعته من خبراء الطيور .. ان ظهور اللون الأحمر في بعض الطيور في مناطق غير منطقة الذيل كالصدر او الرقبة او بعض الريشات من الجناح بسبب الجينات في الطير .. وهذا الشي غير مضر وطبيعي .. يعني نادراً ما تشوف هالشغله في بعض طيور الرمادي الأفريقي ..

طبعاً هذا حسب معرفتي وما تعلمته من غيري والله اعلم .. ولين في معلومات أفضل أتمنى المشرفين الأفاضل يساعدونك

تقبل مروري وتحياتي لك

[كاسكو حبوب]

هلا والله فيك وماتقصر بس شسبب هل هو الاكل ام حاله نفسيه او الماكن ارجو انك تحط ايميلك للتعرف وتفاهم

[Hamlet]

لا أخوي مو حالة نفسية ولا مرض

هذا شي من هرمونات الطائر وجدا طبيعي

لا تحاتي .. الطائر سليم ويتربى بعزك

[وعـــد الهـــوى]

شي طبيعي
السبب تغيير الهرمونات
كلام الاخHamletصحيح


والبعض يعتبرها ميزة

[كاسكو حبوب]

ماتقصرون والله يااخواني الاعزاء

بس لو ماعليكم امر الي عنده اصوات حيوانات يحط الرابط وانا انزلها لانها اول طريقه لتعليم الكاسكو الكلام

[الكاسيكو]

اخوي هذا شئ طبيعي في الطيور مثل الانسان احيانا تطلع له مثل مانقول شامه او حبه خال او غير ذلك من العلامات و هذه الحاله في بعض الفروخ التي انتجتها فبعضها يكون اللون الاحمر في منطقه الصدر والبعض فوق الجناحين وانتج بعض الفروخ اللون الاحمر يكون في الساقين وهذه كلها تسمى طفرات جينيه

وبالتوفيق

[كاسكو حبوب]

يعني يااخوي مع الوقت يتغير ويرجع رمادي ولايتم على حالته بس ترى على فكرة انا بصورة وبحط صورته ان شاء الله بكرة وبشوف الردود

[مـمـــدوح]

بالعكس اخوي ما يضر ابد وروووعة بعد اتمنى الي عندي

يصير كذا وراح يتم على كذا ما راح يتغير

[كاسكو حبوب]

اوكي بكرة بجيب لك صورة

[a.s.a]

السلام عليكم..


اخوي هذي زي ما قالوا الاخوان طفره جينيه وهي شي نادر


والكاسكو حقك يعتبر مميز الله يخليه لك

ووالله الاصوات بتلقاها في كل مكان دور بقوقل وبتحصلها ان شاء الله

وشكرا..

[كاسكو حبوب]

يااخوي دور لي اصوات ان شاء الله بكرة بجيب صور Tom لكم

[abood alsagaby]

اله يحفظه لك مدري
لكن
اتوقع
انها طفرة جينية لان دايم اسئلة كذا في كل الانواع

[كاسكو حبوب]

ماتقصر يااخوي

يعني تقصدر هذا الكاسكو مميز من بين الكاسكو الباقيه يعني بس على فكرة بكرة بصورة وبجيب لك صورة

[yooyoo]

حبيبي على معرفتي انه طير من النوادر

الطيور الناريه يسمونها انا لقيت منها في الحراج وسعره غالي

بالتوفيق

[كاسكو حبوب]

السلام عليكم

أخواني الأعزاء

اليوم جبت لكم صورة Tom وان شاء الله تعجبكم اليوم بسوي موضوع باسم Tom وبضيف كل الصور فيه انتظروه اليوم
الحين بس حاط صورة واحده
اخليكم تستمتعون مع الصوره......

http://file5.9q9q.net/img/53589846/20080907315.jpg (http://file5.9q9q.net/preview/53589846/20080907315.jpg.html)

[Hamlet]

بسمه تعالى ،،

أخي العزيز / كاسكو حبوب

كما قلت لك وقال لك باقــي الأعضاء .. طائرك سليم ومافيه إلا العافيـــــة
ومثل ماقال أحد الأخوان .. بعد مربين الكاسيكو يعتبرونــها ميزة لأن الطير مميز ويختلف عن الباقي .. وبالنسبة لسؤالك إذا كان بيرجع لونه طبيعي .. فأنا اعتقد ان الجواب هو لا .. ولكن تبقى الإحتمال وارد في حالة تبديل الريش .. والله أعلم

أما بالنسبة لأصوات الحيوانات فنصيحتي إليك ( هي انك تركز على تدريب الطائر على الكلام وليس باقي الأصوات ) الطائر إذا تكلم راح يقلد اي صوت يسمعه بعدين وراح تشوف منه العجائب .. واول ما تبي تعلمه الكلام لازم تعلمه كلمة وحده فقط عشان لا يتلخبط بين الكلمات ويكون تركيزه لهالكلمة اكبر واول ما ينطقها تعلمه غيرها وغيرها ولين يوصل إلى مستوى مميز في الكلام

ومع ذلك لن أخذلك وإليك ما طلبت :
أضغط هنا (http://www.majalisna.com/viewfalbum.php?FAID=8)

بإنتظار رئية صور طائرك

وتقبل مني فائق الإحترام والتقدير

[كاسكو حبوب]

ماتقصر والله

وترقبا اليوم صور الكاسكو

واسم الموضوع الي بحطه صور TOM الناري

[الجناحي 10]

لا تخاف عادي بس هاذي هرمونات وهذا شي ترى نادر
لاتعلم احد احسلك

[قمة افرست]

'طفره وتغير في الهرمونات

[العـــــالـــــــمي_11]

مثل ماقالولك الاخوان طفره جينيه وترى سعره غالي بالسوق