صور الكاسكو Tom الناري

[كاسكو حبوب]

السلام عليكم

اليوم جبت لكم صور الكاسكو الي كتب عنه في موضوع والأخوان الأعزاء جوبوا وقالوا انها طفرة وميزة ان ها الكاسكو مميز اسم الكاسكو Tom أخواني ارجو انكم ماتبخلون علي بردودكم
ترى صار له عندي سنه وشريته فرخ شوفوا الحين شصار شكله وشتنصحوني فيه ترى هو اليف جدا وحبوب مثل راعيه الي هو انا اعوذ بالله من كلمه انا ويصفر وكله يوقف على الستاند ويركب على يدي وحبوب واليف جدا مابي اطول عليكم

اخليكم تستمتعون بالصور

++___ اذكــــــــــــــــروا الله ___++

مشاء الله




http://file5.9q9q.net/img/84951627/20080907310.jpg (http://file5.9q9q.net/preview/84951627/20080907310.jpg.html)





http://file5.9q9q.net/img/42523298/20080907314.jpg (http://file5.9q9q.net/preview/42523298/20080907314.jpg.html)





http://file5.9q9q.net/img/49549327/20080907315.jpg (http://file5.9q9q.net/preview/49549327/20080907315.jpg.html)





http://file5.9q9q.net/img/19387636/20080907321.jpg (http://file5.9q9q.net/preview/19387636/20080907321.jpg.html)

[كوكاتيل مشاغب]

السلام عليكم
حبيبي الله يخليه لك
بس ابي اقوللك شي بس بدون زعل الكاسكو تبعك شكله مريض حيث ان الريش تعبان واحتمال يكون مرض بالكبد الذي يؤثر على صحة ولون الريش وفي حالة الطفره يحتفظ الريش بقوته ولمعانه وترتيبه
وده لبيطري شاطر احسن وهذا رأيي
والعذر والسموحه منك اخوي

[الجناحي 10]

لااله الالله مشالله توف توف توف عليه الله يباركلك فيه

[كاسكو حبوب]

لا ياأخوي الكاسكو الي عندي قاعد يبدل ريشه والكل يقول لان انا سافرت شهرين عنه الحين صيف وهو قاعد يبدل ريشه الى اللون الأحمر حتى لو تلاحظ الصورة بعيده لو تلاحظ تحصل ريش جديد قاعد يطلع صغار وكبار لامرض ولاشي لان المرض يئثر على صحته لاكن هو ممتاز مشاء الله عليه

[كوكاتيل مشاغب]

الحمد لله يارب وانتبه عليه والله ترى العين حق انا كان عندي اثنين واحد ريش ذليه وبطنه ورجوله احمر فاقع وواحد ريش اجنحته احمر جاني واحد يبي يشتريهم انا رفضت والله طلع من عندي الرجال والاثنين بعد شوي تسدحوا وماتوا
انتبه عليه والله يحفظه لك

[محب للكوكاتو]

ما شاء الله . الله يخليلك أياه

[Hamlet]

بسمه تعالى ،،

أخي الكريم / كاسكو حبوب

طائرك صج فلته .. ما شاء الله عليه مليان ريش احمر وصاير صج ناري من العنوان

وبالنسبة للريش فطائرك فعلا يبدل الريش وواضح عليه .. لا تخاف مافيه إلا كل الخير ان شاء الله ..

وعشان اعطيك نصيحة احلى .. في فيتامين اسمه AD3E هذا رائع ومفيد لريش الكاسيكو .. اهو سائل اسود ترش منه شوي على الحبوب ولما يآكل الحبوب راح يآكل معاه الفيتامين .. وهذا الفيتامين في فوائد عديدة جداً ومنها أنه ينشط الريش ويجعله مرتب ويلمع ويبرز الطائر بأحلى شكل

طائر حلو وحافظ عليه ونبيك ماتقطع عنا اخباره

تحياتي للجميع ،،

[كاسكو حبوب]

ولايهمك

[من هواة الحيوانات]

ربي يخليه لك . وهذي تهليلة: لا اله الا الله ما شاء الله عليه

يتربى فعزك أخوي

[a.s.a]

الله يخليه لك ما شاء الله تبارك الله

والله الطير مره رائع ومميز الله يخليه لك

ولا تنسى تحط صوره بعد ما يبدل ريشه بالكامل ان شاء الله بس لا تنسى

[كاسكو حبوب]

انت تامر امر

ان شاء الله بحطها

[stt95]

مشاء الله طير رائع وإذا تبيع راسلني على الخاص

[MOONY]

غريب شكله !

بس والله قوي

[CENA]

الله يخليه لك

[طبيعة الحيوان]

والله هذا الكاسكو معجزة والله اذا بتبيعة انا بشترية منك ب 800 دينار شقلت ياخوي والله انا ابيه اذا بتبيعة كلمني على الخاص

تحياتي

[طبيعة الحيوان]

والله ودي اخذة تقدر تبيعة لي بشترية ب 1000 دينار تبيعة

[كاسكو حبوب]

لا وين يااخوي تشتريه انا اصلا مب بايع وترى انا شاريه ب 5000 ريال قطري من يوم كان عمرة شهر وربيته ودربته وجاني واحد
يبيه ب 15000 ريال قطري مابعته

[Hamlet]

كاسكو حبوب .. ترى انت شريته بما يعادل 150 دينار بالمبلغ إلي ذكره الأخ طبيعة الحيوان
تدري هو جم عارض عليك ؟؟
بالريال تقريبا طبعا مو بالضبط بس نقول 8000 ريال قطري والمبلغ الثاني 10 آلاف ريال .. يعني مبلغ خيال ..
بس طيور الكاسيكو يا سبحان الله إلي يربيهم ما يتخلى عنهم ولا بأي مبلغ .. طبعاً إلي يربيه عشان يكون صديقة ويتم معاه مو للتجاره وكل يوم طير جديد .. يعني ماتهم للفلوس .. بس لو تفكر تبيع ترى المبلغ قمبلة

تحياتي

[كاسكو حبوب]

لا يأخوي انا اعرف ان المبلغ بهذا السعر بلقطري بس اقولك في واحد جاني وطلبه ب15000 الف ريال قطري يعني ب1500 دينار تقريبا ومابعته شلون تقول لي هذا المبلغ ببيعه فيه لاوالله هذا غالي علي وجايني من واحد من الاهل ب 5000 ريال قطري وكان فرخ عمرة شهرين او ثلاث اوالحين عمرة سنه وثلاث شهور شلون ابيعه لاوالله اسمحولي يالربع مب للبيع لان والله غالي علي

[راعي الكاسيكو]

يازين الطير والله

الله يخليه لك يا خوي . . .

شكله يهبل

يعطيك العافية

[broodes]

هلا والله اخوي كاسكو

طيرك قرنس يعني بدل ريش والطيور هذي تقرنس بين كل فتره وفتره يعني تبدل ريش بس والله غريبه ان الريش طلع احمر قد تكسبه ميزه بس ما اتوقع انه من الاكل او من اي عامل اخر ....
اخوي قد يكون الطير اللي جاه وراثي نتيجه لتزاوج نوعين مختلفين من نفس الجنس لان الكاسكو انواع وفصائل
اخوي الصوره بعيده شوي وماني شايفه مظبوط

بس ما دام الريش طلع بعد ما طاح فهذا دليل على ان طيرك ما شالله ممتاز وبصحه جيده بس اللي ابي اعرفه متى بدى يبدل ريش ومتى طلع ريشه

وتقبل تحياتي

[كاسكو حبوب]

أخوي اذا بقيت تشوف الصورة اضغط عليها وبتكبر وبنسبه له ترى هو مميز وكذا واحد طلب مني ابيه بس والله غالي علي بدى يغير ريشه من خم شهو الى اللون الاحمر


تحياتي لك