تسجيل الدخول

مشاهدة النسخة كاملة : سؤال لأبو ريــــــــــــان

شيتـــا
10-09-2008, 12:17 AM
السلام عليكم ورحمة الله وبركاته


كيف حالك ابو ريان

اولا اشكرك على معلومة تسبيح الكوكاتو

لاني سبحة الكوكاتو اللي عندي ( كوكي )

سويت زي ماقلت لي وحسيت انه انبسط وفرحت كثير

لكن عندي سؤال ثاني لما اسبحه بعد كذا اقدر احط له شامبو او خطير عليه

افيدني ابو ريان الله يعطيك العافيه

اختك شيـــتا
كاسكو حبوب
10-09-2008, 12:26 AM
السلام عليكم

أخوي لو ماعليك امر تحط الطريقه الي تسبح فيها الكوكاتو لان محتاج لها لان ودي اجربها في الي عندي

ارجو الرد
فتفوته
10-09-2008, 03:11 AM
اختي
اكتفي رشه بالماء
الشامبو مادة كيماوية راح تسبب له تهيج في الجلد وتقرحات جلدية
راعي الكاسيكو
10-09-2008, 05:09 AM
مثل ما قالت اختي فتفوته اكتفي رشه بالماء

و اذا سبحتيه بالشامبو طبعاا هو راح ينشف روحه ويرتب ريشه بمنقاره واكيد بيذوق الشامبو و بيتسمم لا قدر الله

كلنا نسبح طيورنا بالماء من سنين ومافي مشاكل

و شـكـراا
كاسكو حبوب
10-09-2008, 05:46 AM
يااخوان انا ولد مب بنت
stt95
10-09-2008, 05:50 AM
الطريقة فقط على الماء والصابون خطر



والبعض يضيف الأملاح إلى الماء
شيتـــا
10-09-2008, 07:29 AM
السلام عليكم ورحمة الله وبركاته

الله يعطيكم العافيه

كاسكو حبوب

فتفوته

راعي الكاسيكو

stt95

صراحه ماقصرتوا لكم جزيل الشكر

اما بالنسبه لسؤالك ( كاسكو حبوب ) عن طريقة تسبيح الكوكاتو طريقتي اللي علمني عليها ابو ريان

اني ادخل الكوكاتو بالقفص ماله دورة المياه اعزك الله وارش عليه بالشطاف بس على جسمه

وانتبه الماء لايجي راسه علشان مايتعب

جربها ترى بعد مايتسبح ينبسط كثير
أبو ريـــــــــــــان
10-09-2008, 09:26 AM
نعم مثل ماقالوا الشباب تسبيحة يكون بالماء فقط وأي استفسار أنا حاظر
شيتـــا
10-09-2008, 11:58 PM
نعم مثل ماقالوا الشباب تسبيحة يكون بالماء فقط وأي استفسار أنا حاظر


سلمت ابوريان

معليش راح ازعجكم بأسئلتي

الله يعكيكم العافيه ماقصرتوا

اختك شيتا