سوئل

[محمد111]

السلام عليكم ورحمه الله وبركاته
انا مشتري ببغاء افريقي اول ماخذته من المحل كان اليف مره
وبعدها صار يجفل مره ويخاف وينفش ريشه ويرجع للخالف ويصرخ بشده الرجوكم ابي الحل وشكرا

[yooyoo]

وعليكم السلام ورحمة الله وبركاته

اخوي انت ايش سويت معاه لمن حطيته عندك اكيد سويت شي خوفته

قصيت اجنحته ولا اضافره

المهم حاول تاكله بيدك مره على مره وتمسح عليه وان شاء الله بيعود كمان كان بس خبرنا ايش سويت معه او يمكن روشته ولا شي

[غزوان Ghzoan]

انا نفس مشكله الاخ في المحل كان اليف ومن جبته في البيت صار ينفش ريشه من اقرب اكثر يصارخ

مع اني ما خوفته ولا حد في البيت خوفه

بس يمكن ربيعي من خليته جنبه بالسياره كان يمزح معاه بصوت عالي مدري اذا اخذ منه موقف وله شي

والكاسكو الي عندي عمره 6 اشهر حسب كلام صاحب المحل
ولساته اول يوم عندي

[Reyad]

للأسف اني اقولق انك تعرضت للنصب , عندنا بالكويت البنغالببن مسيطرين على سوق الطيور , وانتو تعرفون شكثر اهم غشاشين ومجرمين , سمعت وتأكدت ان اصحاب المحلات يعطون بعض الطيور بندول , يذوبونه بالماي , يعني الطير يكون مسطول (( شبه سكران )) ولما تشوفه تقول يازينه من طير , هذا طير احلامي , ولما يشتريه الزبون ويوديه البيت يروح مفعول البندول ويبدي الطير يمارس طوايته بالجعيير , وفي بعد من طرق النصب بالنسبه للبلبل مثلا يحطون على فتحة الشرج قرييز ( Greez ) طبعا الطير يغرد من كثر ما الحراره اللي تحت , طبعا هذا اذا شريته يومين ويموت مايطول ,, والله يبعدكم عن الغشاشيين,,,, وشكراااا

[Q8i_EngiNeeR_]

للأسف اني اقولق انك تعرضت للنصب , عندنا بالكويت البنغالببن مسيطرين على سوق الطيور , وانتو تعرفون شكثر اهم غشاشين ومجرمين , سمعت وتأكدت ان اصحاب المحلات يعطون بعض الطيور بندول , يذوبونه بالماي , يعني الطير يكون مسطول (( شبه سكران )) ولما تشوفه تقول يازينه من طير , هذا طير احلامي

عيل أنا أنصح الأخ بمواصلة جرعات البندول لطير علشان ما يصدع راسه و راسكم من الجعير :D
ويمدحون بندول نايت لطير المتمرد شوي :D