تسجيل الدخول

مشاهدة النسخة كاملة : ~~~ قطوتي الجديده توووفي ~~~

كيوووت
15-09-2008, 07:03 AM
السلام
كيفكم ؟ وش اخباركم ؟ :o
امس شريت قطوه جديده (هملايا بيكي فيس كريم بوينت) والقطوه من اوكرانيا وماشاءالله عليها بيور و تزنن عمرها 4 شهور .. انا مو اول مره اربي قطوه بس احس ان هذي غييير ههههه اسم الله عليها الله يحفظها لي
المهم ادخل في الموضوووع
1- القطوه شوي ضعفانه (ياحياتي شكله من السفر والتنقل)وابي اعطيها اكل صحي و يسمن فياليت تقولون لي كم اكله سهله اهم شئ تكون سهله هههه اقدر اعطيها اياه غير الدراي فود طبعاً هذا شئ مفروغ منه بس انا اعتبره مكسرات يعني شئ ياكلونه بين الوجبات مابي اعتمد عليه لحاله .. فإيش رايكم وش الاكل اللي يسمن القطوه ؟

2- وثاني سؤال ابي اعرف وش الاكلات الممنووووعه لأن الشغاله تعطيهم اي شئ ومرات يجي قطاوتي اسهال و ترجيع من بعض الاكلات فأبي اعرف وش الاكل الممنوع واللي يضر بالقطط عشان افهمها ماتعطيهم اياه ؟

3- والسؤال الثالث و الاخير لأهل الدمام وش احسن محل حيوانات عنده بيطري يعطي تطعيمات للقطط و موثوق منه وياليت رقمهم و عنوانهم ..

ومشكورييين مقدماً
أنس الصويري
15-09-2008, 09:29 AM
ممكن تعطيها دجاج مسلوق او معلبات 9lives

وعندك رويال كنن

والاكل الممنوع الاكل الني لانو ينشط التكسو بلازما.
dr.alhomsey
15-09-2008, 04:13 PM
بسم الله الرحمن الرحيم هلأ بالنسبه للاكل الممنوع
الكحول والعنب والزبيب والبصل والثوم وحمض الليمون والفطر (المشرووم )وحمض البرتقان والسكر يندرج تحتو (الشوكولا و الحلو البقلاوه وهيك شي ) والخميره والخوخ هدول لا تخليها تاكلهم ابدا
ولا تفكري تطعميها شي مانو مطهي (مسلووووق كوييس ) عدم الطهو سبب اكثر الديدان والامراض بقا انتبهي والله اعلم واتمنى اني اكون افدتك ؟؟
ملوووكي
15-09-2008, 05:38 PM
القطط لها امزجة في الاكل

يعني ممكن واحد يحب ياكل بقر والباقي مايحبون

اول شي جربي الدراي فود واكل البيت معاها

وشوف اي الاكل تفضله

ولابد يشمل اكلها شوية خضار مسلوقه مع لحوم مطبوخه وناضجه تماما

الجبن يحتاجه القط في هالسن كبديل عن الحليب

وانا الاحظ قطاوتي تحب الجبن المتلت كتير
*(الدلوعه)*
15-09-2008, 06:12 PM
الف الف الف مبرووووووووووووووكـ ^_^

وانا شفت صورتهـا مآآ شآآ الله مررررررررهـ حلوهـ

الله يخليها لكـ ^_^

واذا تبين أكل يسمنها

الدجاج المسلوق والبطاطس المسلوق << بس احسهم ما يحبون البطاطس ^_^

والرويال كانن مرررررهـ يحبونهـ ^_^ .
sisi_moon
15-09-2008, 07:51 PM
1- القطوه شوي ضعفانه (ياحياتي شكله من السفر والتنقل)وابي اعطيها اكل صحي و يسمن فياليت تقولون لي كم اكله سهله اهم شئ تكون سهله هههه اقدر اعطيها اياه غير الدراي فود طبعاً هذا شئ مفروغ منه بس انا اعتبره مكسرات يعني شئ ياكلونه بين الوجبات مابي اعتمد عليه لحاله .. فإيش رايكم وش الاكل اللي يسمن القطوه ؟

الدجاج المسلوق مع البطاطس المسلوق يسسسمن
اسلقي الدجاج مع البطاطس في قدر وااحد
وبعدين قطعي الدجاج والبطاطس صغاار ولا قطعتيهم رجعيهم في القدر مع المررق اللي محل السلق
وخلطيه عشان كله يصير رطب ..
وبس وحطي لها وبتحبه

2- وثاني سؤال ابي اعرف وش الاكلات الممنووووعه لأن الشغاله تعطيهم اي شئ ومرات يجي قطاوتي اسهال و ترجيع من بعض الاكلات فأبي اعرف وش الاكل الممنوع واللي يضر بالقطط عشان افهمها ماتعطيهم اياه ؟

كثيير

السكريات عموما .. اي شي حالي لا .. من حلويات وفواكه وعسل وغيرهـ
التونه المعلبه .. المنبهات من كافي وقووه وغيرهـ
المشروبات الغازية .. البهارات .. الأكل النيئ .. الخضروات أعطيها بس بطاطس و قرع وكوسه والجزر .. والخيار والخس لو تحبهم أعطيها كل فتره .. بس

3- والسؤال الثالث و الاخير لأهل الدمام وش احسن محل حيوانات عنده بيطري يعطي تطعيمات للقطط و موثوق منه وياليت رقمهم و عنوانهم ..

محل الكروان البيطري اللي فيه كووويس
وهذا رقمهـ . : 0509639903
Manaphy
15-09-2008, 08:00 PM
السيريلاك اظن يسمن ^-^ يحبونه قطاوتي


و رويال كتن زين بعد


و لب الصامولي يحبونه بعد و اظن يسمنxD
المحامي
15-09-2008, 11:35 PM
إياج ثم إياج تعطينها شوكلاته او اي شي فيه شوكلاته . لان حبة لو كانت صغييييييييييييييييييييييييييييرة تسممها ، حتى القهوة و الشاي .
*(الدلوعه)*
16-09-2008, 01:03 AM
السيريلاك اظن يسمن ^-^ يحبونه قطاوتي

صح كلامهـ السيريلاكـ يحبوووووونهـ ومفيد لهم ^_^ .
نوني..
16-09-2008, 02:54 AM
مشاءالله بارك الله قطوتج تجنننننننننننننننننننننننننننننننننن انا شايفتها مشاءالله تهبل

من احلى القطوات اللي شفتهم اصليه من قلب بسم الله عليها

بس مالاحظت انها ضعيفه يمكن بالطبيعه شئ ثاني والا ان من كثافة شعرها مو مبين

الله يحفظها يارب ويخليها لك وتتربى بعزك :rolleyes:


وعقبالي يارب دعواتكم اهلي يوافقون اربي قطوووو :(


وبالنسبه للأسئله الاعضاء ماقصروا

ودمتي بحفظ الرحمن :)
كيوووت
17-09-2008, 01:01 AM
مشكورييييين على النصااائح الروووعه ويعطيكم الف عااااافيه

نوني يااااارب اهلك يوافقون وتشترين قطوه احلى من حقتي بعد


sisi_moon ليه التونه المعلبه مضره ؟ انا معتبرتها من الأكلات الاساسيه واعطيهم من زمااان بس مالاحظت عليهم شئ ويحبووونها مررره
ياليت اعرف في ايش مضره ؟ عشان اشوف لي بديل عنها .. ومشكوووره

وعندي سؤال بعد عن البيض المقلي عادي اعطي قطوتي ولا مضر ؟ لأنه مليان بروتين واكيد بيساعد في تسمينها شوي واليوم عطتها الشغاله وعجبها .. بس ابي اتأكد منكم ..

ومشكورييين
sisi_moon
17-09-2008, 01:12 AM
التونه اللي مخصصه للقطط هذي اوكي

لكن الي ناكلها احنا هذي تسبب لها اسهاال وتساقط شعر

والبيض المقلي مفيد للقطط ويحبوونه

بس لو انتم تكثرون من الزيت لاتعطووونهم كثيير عشان مب زينه الدهون الكثيره لهم