المساعد الشخصي الرقمي

مشاهدة النسخة كاملة : استحمام البغبغاوات

أحمدووو
15-09-2008, 11:39 AM
السلام عليكم أعزائي

أتمنى الإخوان يفيدوني بالنسبة لإستحمام الطيور

عندي طيرين ، كاسكو و أمازون

شلون طريقة الإستحمام الأنسب؟

و هل أرش على جسمهم كامل مع الرأس ؟

و أصلا شنو فائدة الإستحمام للطائر ؟

و أتمنى إفادتي بأي ملاحظة بالنسبة لهذا الموضوع



مع خالص الشكر و التقدير
Mr. Kasico
15-09-2008, 12:03 PM
بسمه تعالى ...

اخوي الغالي .. احمدو

انا ما راح افتي عليك واقول ليك اني اعرف أفضل طريقة .. ولكني راح اعلمك الطريقة الي انا أستخدمها وهي ولله الحمدلله جيدة وطائري يحبها وعلى طول نظيف ..

انا ادخل طائري الحمام مع الستاند الخاص فيه واحطه وهو واقف مكانه وأجيب له المرش وأرشه بالماء " انا أستخدم ماء شرب " لأني احسه افضل بس كل واحد ورأيه ..

على العموم .. أرش جسم الطائر كامل فوق الجناحين وتحت الجناحين والرقبة كاملة والذيل من فوق وتحت وحتى ريش الأفخاد والأرجل كامل .. أخلي الطير مبلول تماماً ماعدا منطقة الرأيش أرشها بطريقة خاصة .. أخلي البخاخ على أنعم شي وأرش على فوق في الهواء ويطيح على راسه نقاط شبه ناعمه وخفيفة لا مضره منها .. وهو طبعاً يكون مستانس . وبعدين اخليه مكانه بالحمام واروح عنه ويبقى بروحه يشتغل في التجفيف وتنظيف الريش وترتيبه للين ينشف ويعيط واروح أشيله

هذا إلي انا اسويه .. وان شاء الله الباقي يفيدونك بعد
وإلي يحس من الخبراء ان طريقتي فيها شي غلط يخبرني بعد

تحياتي
أحمدووو
15-09-2008, 12:28 PM
لكن إذا أرش على ويهه ما يجيله إلتهاب بالمجرى التنفسي أو شي

و شلون صاير البخاخ اللي عادة يستخدم ؟

و سؤالي المهم ... ما أهمية الإستحمام للطائر



موفقين