ارجو المساعدة مشكلة كبيره لدى ببغائي

[qadsiafans]

بسم الله الرحمن الرحيم

اخواني عندي ببغاء افريقي
وضعته عند احد الاقارب لسفري لكن بعد عودتي وجدت ان ببغاءي يعاني من مشكله

لمه كان عندي كان يفتح القفص ويطلع
لكنه لوجوده عند اقاربي سكرت الباب ب ((سيم )) حتى لا يفتح الباب
وحاول يفتح الباب للخروج ولم يستطع فحشر رقبته بالباب
وظل مده الظاهر
وبعد عودتي لاحظت عدم قدرته على تحريك رقبته بشكل سليم
بالاضافة الا عدم استطاعته رفع راسه وربقبته للاعلي فتبقى منحنية للاسفل على طول

حبيت اعرف راي الخبراء
والحل المناسب
واذا كان في رجاء من اخذه للبيطري

الصور


http://img99.imageshack.us/img99/5099/89436892jr1.gif

http://img205.imageshack.us/img205/9889/45102049mn4.gif


http://img205.imageshack.us/img205/2424/93854660mh4.gif

http://img254.imageshack.us/img254/5553/64597664pn2.gif

[EVO46]

أخوي يمكن يكون عنده كسر فالرقبة انا انصحك تودية البيطري بأسرع وقت لنه الدكتور اعلم بعلآجة

[عاشقة الطيور]

وعليكم السلام ورحمة الله وبركاته

صراحه ماادري شاقول لك بس الطير صج يعور القلب ماشاءالله عليه صغير ويعرف يطلع من القفص الله يحفظه


انصحك اخوي تاخذه فورا للبيطري

والله يشافيه يارب

[qadsiafans]

شكرا للردود
اخذته للبيطري الي عند سوق الحمام
وقال رقبته مكسورة :(
وبس عطاني فيتامينات ودوا بودره ينخلط مع الماء
ويقول ممكن يرجع ويفيده الدوا وممكن لا :(

اتمنى الي عنده خبره بهالحالات يفيدنا
او اذا احد يعرف بيطري بالكويت غير الي عند سوق الحمام اتمنى يفيدني
بموقعه ورقم تلفونه

[qadsiafans]

اتمنى الافادة
حالة الطير ما تسر

[stt95]

هلا خوي في هذي الحالة العلاج ما ينفع لأن الطير بيموت عاجل أو آجل

ما مودي أحبطك وتهمل طيرك بل ظل معاه إلى الأخر

وباين إن الطير في ضرر في الرقبة وليس كسر لو كان كسر كان الطير مات


والبيطرين أغلبهم أي واحد يروحلهم ما يبونه يطلع بدون ما يدفع فيعطونك مضاد ويقولك يمكن يصير ويمكن لا

وأعتقد البيطري كان عارف إنه مافي فايدة بس يمكن ما بغى يقولك


أخوك stt95

[qadsiafans]

اشكرك اخوي
وانا مو مقتنع ايضا بكلام البيطري الي رحتلة عشان جذي سالت اذا في بيطري ثاني زين تفيدونا فيه
بس للحين محد رد علي

[فتفوته]

اخوي احتمال فيه فك بالرقبة موب كسر
الله يشفيه

[Solitary passenger]

أنا مبتدئة.. بس جتني فكرة يمكن تنفعك..
الغريب في حالة ببغائك بعد إلي حصل له هو إنو لسة عايش!.. يعني إن شاء الله في أمل يتعالج
و ما أعتقد إنو يوجد مركز متطور لعلاج مثل هاذي الحالات, لأني أعتقد أن هذي الحالة يبي لها بيطري جراح و عارف بمشاكل العظام.
فإذا كنت تعرف دكتور عظام(جاركم-من قرايبكم-يقرب أحد أصدقائك) كلمه و ودي الطير عنده-من باب المعروف- و خليه يفحصه و يشوف إيش لازم تسوي له. أو على الأقل يمكن يقول لك هل هو بيتحسن أو لا..

[الكاسيكو]

سلام عليكم من خلال خبرتي ان مع الاخ فتفوته الرقبه ليس بها كسر ولا حدث تمزق للاربطه الموجوده في العنق وكذلك انفكاك في وصلات الرقبه اي العظام اخي العزيز حاول ان تمسك الطير بهدوء وتلمس منطقه الفك واذا بالامكان اعادتها لوضعها بواسطه التدليك ولا خوف على الطائر ليس كما قال stt95 انه سيموت العلاج يتطلب وقت وصبر

[حسين المادح]

بسمه تعالى ،،،

حالاً البيطري وبدون أسألة .. ماراح يفيدك غير البيطري .. طائرك جميل وحرام تتهاون في الموضوع ... لازم توديه لطيبي بيطري وان شاء الله يتعافى .. ماعليه شر ..

تحياتي

[a7medeno]

الله يكون في عونك والله
شكله مايسر بس انشالله بيصير زين

[qadsiafans]

الف شكر على الردود
واحدى الاخوات ارسلتلي ارقام هواتف اطباء
راح اتصل فيهم واشوف

[qadsiafans]

ابشركم
الطير طاب بنسبة 95%

ويحرك رقبته بشكل سليم

وكلام البيطري طلع خرابيط

الفيتامينات ساعدت بشكل كبير