ممكن ياشباب خدمه

[الجناحي 10]

كاسكو عمره تقريبآ من10/11شهور ويطلع على اليد على طول ولا يعض ويصفر ويخربط يعني يحاول يتكلم بس فيه عيب يجعر شل حل وياه وكم سعره ومشالله جامبو جامبو

[أبو ريـــــــــــــان]

الطير يجعر إذا هو خايف انت خليك معاه كل يوم حط له الاكل لما يأمن فيك ويحبك ماراح يجعر

[الجناحي 10]

يعطيك الف عافيه اخوي ابو ريان
بس ماقلتولي كم سعره تقريبآ

[ابو وائل]

امسكه بالقفاز لمدت 10دقائق كل يوم وبعد اسبوع او اقل ماراح يجعر

[حياتي كلها كاسكو]

خله ياخذ الامان منك يعني لاتسوي أي حركه تخوفه او تزعجه وبالنسبه للسعر يعني بين 1200 و1500 بس نصيحه خله بعد شهرين وان شا الله يتكلم ويرتفع سعره أو احتفظ فيه

[حسين المادح]

بسمه تعالى ،،

طبعاً الطائر مواصفاته ممتازة .. من ناحية العمر .. والخربطة معناته بيتكلم .. والحجم حسب مااا تفضلت .. بالنسبة للجعير مثل ما قال لك أبو ريـــــــان .. مع الوقت بس يتعود عليك ويحبك ما راح يجعر أبداً .. محتاج وقت وصبر بس ..

والجواب على سؤالك اخوي ... في البحرين عندنا سعر المواصفات هذي توصل حتى إلى 200 دينار ويمكن اكثر .. واحيانا لما تلاقي واحد محتاج فلوس يبي يبيع تحصل بأقل يعني 180 لو 160

بس المواصفات ممتازة واكيد طير ممتاز بإذن الله

تحياتي

[بوفيصل]

اذا بدون حجل يوصل تقريبا من150 الى200 دينار واذا في حجل يوصل 250 دينار

[النوخذه]

طيب ممكن اعرف فايده الحجل

[yooyoo]

اخوي

1300 اكثر من كذا ريال لا تاخذه شوف شي والف