هشترى كلب جديد وعاوز مساعدتكم

[mega man]

انا ناوى ان شاء الله كمان 4 ايام (بعد لما اخلص الامتحانات) انزل اجيب كلب بلاك جاك بوليسى
انا سألت واحد صاحبى (الى انا هجيب منه) على الاسعار واولتله انى عاوزه صغير (شهر او أقل) علشان يسهل التعامل معه فالسعر الى آلهولى كان 150 جنيه مصرى
هل السعر ده غااالى ولا معقول ولا ايه؟

دى اول مره اتعامل فيها مع الكلاب
فعاوز اعرف ازاى اعرف اذا كان الكلب اصيل ومش مهجن وانه خالى من الامراض والعيوب؟

بالنسبه !!لرخصه الكلاب!!
ايه فايدتها وبتطلع منين وهل المفروض انى باخدها من الراجل الى هشترى الكلب منه؟ (ياريت لو فى حد من مصر اكيد هتبئى اجابته ادق لأنى من مصر)

آخر سؤال:D (انا عارف انكوا زهئتوا , معلش استحملونى:) )
التطعيم
ايه هى مواعيد التطعيم؟
ولو انا هخده عنده شهر
هل المفروض انه يبقى متطعم؟
واعرف منين اذا كان مطعم ولا لأ؟
ولو مش مطعم أأدر اطعمه فين؟ (ياريت لو فى حد من مصر اكيد هتبئى اجابته ادق لأنى من مصر)



وشكرا
واشكر كل القائمين على هذا المنتدى الرائع الى انا كنت محتاجه بجد لأنى بحب الحيوانات والنبات جدا جدا جدا جدا
وعندى نباتات بالهبل وكان عندى عصافير واسماك ودلوقتى عندى خنزير غانا وهشترى الكلب ان شاء الله

وشكـــــــــ تحيتى ـــــــــرا

[لحن الخلود]

أزيك يا أحمد
انا حرد على الي اعرفو
بوص البلاك جاك الكويس عمرو ماكانش ب150 جنيه إلا إزا كان أي حاجه
أو مش متأصل ، ولو كنت حتخدو خلاص لازم تشوف ممتو وبباه عشان تعرف علاقل
الكلب حيبقه ازاي وتطمن
بالنسبه للرخص ، لو الكلب عندو شهر يبئه لسه ماخدش التطعيم إلا إزا كان جاي من برا مصر
والتطعيم والرخص وكل الحجات دي هتبئه عند الدكتور في البيطري
وإنت من أنهي محفظه عشان اقولك على مكان قريب منك
ولو كنت في القاهره عندك مستشفى بروك الخيري وبرضو مستشفى الي في العباسيه شارع السكه البيضا
كلهم كويسين
والتطعيم لما يبقى عمر الكلب 3 شهور
وانصحك إنك ماتخدش الكلب صغير ، خدو لما يبئه عالاقل شهرين ونص
ولو كنت عيز تعرف الكلب متطعم ولا لا هتعرف من الي حيبيعك
ونصيحه لو مش واسق من الراجل ماتشتريش منو ولو كنت حتشتري
تأكد إن الكلب بيتحرك وبيلعب كويس وخروجه مش سايب ومابريلش وعنيه ومنخيرو كويسين
وعايزين نشوف صور النباتات الي عندك بقه وحاجات حلوه ها :)
وإن شاء الله الشباب يفيدونك أكثر

[shadygeniuss]

السلام عليكم اخى الكريم
انا من مصر والصعر اللى قال عليه دا كويس لان الاسعار عندنا فى مصر كويسه مش زى البلاد العربيه غاليه شويه وكمان العمر اللى قولت عليه كويس علشات تقدر تتعامل معاه ويتعود عليك من صغره وزى ما قال لحن الخلود واول ما تجيب الكلب تطلع بيه على دكتور بيطرى او مستشفى واكشف عليه واعرف ميعاد التطعيمات الازمه وبالنسبه للكلب تأكد انه بيسمع كويس وبيشوف كويس بيمشى كويس وبص على رجليه لو لاقيت الظوافر كلها سوده يبقى الكلب دا كويس لو قيت فيه ظوافر بيضاء يبقى داخل فيه عرق بلدى وانته من مصر وفاهم الكلام دا والكلاب المهجنه بتكون كويسه والهى يا ميجا بس تكون تهجين نظيف يعنى بلاك جاك على بوكسر او دوبر مان او روت فى ويلف كده يعنى وبيقى عندى مواصفات هايله لول عزت اى حاجه انا معاك برضو وايميلى موجود
مع خالص تحياتى

[mega man]

استاذ لحن الخلود:
الف شكر على ردك الكريم ومعلوماتك القيمه


استاذ شادى:
اخيرا واحد من مصر:)
ياريت الايميل بتاعك
لأنى محتاجك جدا جدا جدا جدا فى موضوع الكلاب ده
thegamer2010@hotmail.com
ضيفنى عندك او هات ايميلك
وارجووووووووك فى اقرب فرصه تكلمنى
وشكرا

وعلى فكره انا من الدقهليه>المنصوره



وشكرا
تحيتى

[mega man]

فين الردود يا جماعه
انا من الدقهليه
وعاوز اعرف امكان تطليع الرخص والتطعيم
والرخصه بتطلع من سن كام؟