أرجو منكم مساعدتي بهذا المرض (صور بالداخل)>نتف ريش الجسم+الرقبة<Alexadrine Parakeets [الأرشيف]

K-O-H

27-09-2008, 10:09 PM

السلام عليكم ورحمة الله وبركاته

لدي ببغاء Alexadrine Parakeets ذكر
http://up.dwltna.com/files/bfsn5wbtamylnqna1j9k.jpg (http://up.dwltna.com/)
عمره 6سنوات ومربينه من كان عمرها اسبوعين...وكل يوم أشوفه 5مرات على الاقل

صورة لها وعمرها سنة...سنتين

http://up.dwltna.com/viewer.php?file...ov2u6e531x.jpg

أنا مربينها تربية (دلع) خخخ المهم انها يوم صار عمرها 3سنين جاها مرض مادري طريقه علاجه ايش لانه مافيه دكتور بيطري بالمنطقة اللي أنا فيها

وأحين صار له 3سنين بها المرض...قبل شهرين شرينا له أنثى مو مربيه أصغر منه

وهاذي صور للمرض(نتف الريش-ضرب القفص بالمنقار كثيراً) التقطت اليوم..العمر6سنوات

http://up.dwltna.com/viewer.php?file...fcynnlkdcg.jpg

http://up.dwltna.com/viewer.php?file...7p3m665hb7.jpg

http://up.dwltna.com/viewer.php?file...b4845d983n.jpg

علماً أنه المرض صار له 3سنوات...وشريت له زوج قبل شهرين ومع الاسف كله ضرب والزوجه اذا شافته يتكلم معي تحاول تعضه من ذيله أو الجناح....وهو أكل 5أصابح عصافير حب!! بسبب القفص كان جنبه +يحاول ياكل أصابيع الزوجه!....وهو يتكلم ونشيط

هاذي صورة زوجته خخخ http://up.dwltna.com/viewer.php?file...kvdkcb11o4.jpg

وهو ماطيرناه خارج القفص الا يمكن بس 15مرة أو أقل !!

أرجو منكم ابلاغي بالحل علماً أنني أطعمه الفواكه+المكسرات كثيراً

والله انه حلو لو بس يروح المرض أرجو المساعدة

موفقين ان شاء الله

EVO46

27-09-2008, 10:21 PM

هل عرضتة على دكتور بيطري؟

K-O-H

27-09-2008, 10:31 PM

عرضته قبل مدة طويلة وقال انها حشرات صغيرة مانقدر نزيلها ...لو جبنا ديتول وخلطناه بماء مابتتحمل أو ماء البحر

وبعدها بسنة الدكتور قفل المحل!

مافيه أطباء عندنا قلت أسأل في ذا الموقع باين انه فيه خبراء خصوصاً المشرف الله يذكره بالخير

علماً انه كثرت مشاكله من ذا المرض (النفسية)

مشكور عالمرور

K-O-H

28-09-2008, 12:57 AM

والله انه عزيز على قلبي أرجو الافادة بالعلاج وشكراً

a.s.a

28-09-2008, 01:11 AM

اخوي انا ما عندي خبره

لاكن سمعت ان الطير اذا ما كنت معه دايم وتطلعه وتلعبه ممكن يجيه مرض نفسي من الطفش

ويبدا ينتف في ريشه

وارجوا ان الخبراء يساعدونك

a.s.a

28-09-2008, 01:12 AM

وحاول تقص اجنحته وتسير تطلعه من القفص كثير

K-O-H

28-09-2008, 01:30 AM

مشكووور أخوي عالمعلومة وبصراحة الطير من تطلعه من القفص يقلب شرير

يطير بعيد عنك

واذا مسكته يعض بقوة

وأخاف أقصص أجنحته ويطلع دم كثير ...وهو أصلا مافيه ريش الا في الجناحين+الذيل+الرأس

يعني لو قصصته كيف بيكون شكله :s

مشكووور عالمعلومة لكن أتوقع انه مرض بكتيري أو انه صار مايطلع له ريش أصلا!

وننتظر الخبراء....

K-O-H

28-09-2008, 02:35 AM

صحيح ذا قصيت الريش اللي بالجناحين(بالمقص) ماراح ينمو بداله صح؟؟

a.s.a

28-09-2008, 03:30 AM

ينمو ليش ما ينمو

يعني هم حتى عندهم فتره اللي هي تبديل الريش

بس مو اي واحد يقص الجناح انتبه ترا له طريقه

بس بقولك شي في ناس نعرفهم عندهم افريقي المن سافرو وتركوه مع الشغالات طفش وسار عنده

حاله نفسيه ما يحب يجلس لحاله ابدا وسار ينتف ريشه اذا خلوه لحاله

عشان كذا حطه في مكان كلكم تجتمعون فيه ولا تنسى تلعبه وتطلعه من القفص

عاد اذا كان مرض بكتيري عاذ ما اعرف الحل

بس وينكم يا خبرا الببغاوات >:(

K-O-H

28-09-2008, 04:31 AM

والله خايف أقصه بطريقة خطأ :(

والمشكلة انه في البيت عندي خويان يخافون من الطيور يعني لو باطيره مابياخذ حريته في المجلس مثلا أو الصالة

اليوم باجرب أطيره مع خويته وبترك كاميرا تصور بشوف متكيف والا لا

أنا ألاحظ انه صاير يعصب كثيير اذا ماصفرت معاه عدل أو قلت له كلمة جديدة مايقولها أبد

كل اللي يقوله اسمه...فتون.............ويقول بعد...محمييييد بالدلع يعني+كلام مانفهم له لكن مو كثير+يصفر مثل عصافير الحب

ننتظر الاطباء...!

رامبو خان

28-09-2008, 06:38 PM

لاتقص جناحه لان هو الحين مامعاه ريش
انت عطه فتمينات او وده الى مربي ببغاوات عشان يسويله طوق حتى مايقدر ينتف ريشه
وانت استخدم هذي الفتمينا لانها جيده اسمها __نيترو ماي سي___ هي بودره تحطها في المشربيه بمقدار نص ملعقه سكر لمده اسبوع ثم توقف عنها لمده اسبوع وتعطيه لمده اسبوع وكذا
بس انت وده لمربي ببغاوات عشان يسويله طوق
وعااد كثر من طلعاتها من القفص وحط لها العاب

stt95

28-09-2008, 11:33 PM

أخي هذا مرض لا يوجد له علاج وهو ال BPFD ( إهتراء الريش الفيروسي)

وهذي حاله متقدمة من هذا المرض إفصل عنه الطيور لأنه معدي

أبو ريـــــــــــــان

29-09-2008, 12:23 AM

أخوي فية طريقة انشاءالله تفيد معاه وهي ادهن جسمة بزيت الزيتون كل ثلاث ايام بعد التسبيح يعني اتسبحة وخلة ينشف وبعدها ادهنة بزيت الزيتون وحط لة العاب واعواد او مسواك علشان يلها فيها وحط له فيتامينات واحماض امينية لانها تفيد في نمو الريش لاكن ما اضمن لك انة مايرجع ينتف الريش مرة ثانية لان المرض هذا مزمن وصعب الشفاء منة .

قمة افرست

29-09-2008, 03:31 AM

هلابك يالغالي ودي لو انك تاخذ عينه من دمه وترسلها للمختبر في كندا ب25 دولار تقريبا
وانا اتوقع انه حاله متقدمه جدا من مرض يسمى BPFD وهو مرض اهتراء الريش الفيروسي
وليس له علاج ولكن يوجد له مهدئات فقط وهو بخاخ نسيت اسمه بس يجي لونه اخضر مع ابيض مكتوب عليه مصنوع من مواد طبيعيه بالانجليزي
المهم مالك بالطويله انت ارسل عينه للمختبر وهم بيقولون لك هلو يوجد لديه مرض اهتراء الريش او لا

Reyad

29-09-2008, 03:34 AM

K-O-H

29-09-2008, 06:00 AM

مشكووورين كلكم عالتفاعل :)

وبصراحة المشكلة ان طيرته راح يهرب منّي وان مسكته يعضضض

مو متعود على المسك أبد

بس أنا متأكد انه نفسي 100% من سلوكه اللي يضرب نفسه اذا مشيت عنه

يضرب راسه مقل المطرقة بأرضية القفص

ويمسك رجوله ويتكلم معها!!

راح أجرب اللي قلتوه بس ماتوقع انه المرض أبد لانه صار له 3سنوات ومعاه طيور أخرى وماصابها شي

وبالنسبة اني أرسل عينة فماقول الا الله كريم :s

عادي لو حطيت الملعقتين سكر في الماء وتشرب منه الانثى اللي معاه؟؟

وبالنسبة للفيتامينات أنا أعطيه كل شي بس هو مايحب ياكل من جبنا الانثى وهو كارهني

الخس مايبيه ولا الجزر

ممكن تقولون لي الاطعمه اللمهمة كلها وراح أوفرها

+

الزيت الزيتون راح أجربه

+

ماراح أقصقص الجناحين أبد :)

+
أنا مافي دكتور بيطري جنبي يعني لو ممكن توضحون لي اسم دواء معين أطلبه من صديق مسافر

وبالنسبة للطوق ماعتقد محلات الطيور عندهم الطوق وأخاف يجيه تشنج أو انه يتألم من الهواش مع الانثى قـ هي تضربه وكأنها تلعب وهو يكتفي بالهروب السريع تاركاَ ذيله لتعضه وتكسره

مشكووورين مرة ثانيه وراح أجرب كل الطرق

موفقين ان شاء الله :)

محبه الببغاوات

29-09-2008, 02:39 PM

انا اقول لك لاتقص جناح الطير..بعدين بتتسبب في المشاكل....وده حق المحترفين حق الطيور..

K-O-H

29-09-2008, 07:25 PM

راح أشتري بخاخ مثل حق الحلاقة وبعبيه زيت الزيتون لانه جلده بصراحة قرف

وبشتري قفازين لانه يعضضضض

وباجرب أسبحه مرتين في الاسبوع

وبالنسبة لسعف النخل....أخوي قصدك السعف والا الورق؟؟ يعني الاخضر والا الاصفر ^_^

موفقين ان شاء الله

عبدالله عيسى

29-09-2008, 11:00 PM

ما شاء الله الطير جميل جدا بس للاسف ما عندي اي فكرة عن العلاج
وبالنسبة لكلام الاخ السعف يعني قصده الجريد كامل تقص منه وتحط في القفص
انت امشي على كلام الاعضاء وانشاء الله يشفى من المرض

K-O-H

30-09-2008, 02:19 AM

مشكووور على المرور وأنا بدأت العلاج بالزيت الزيتون وراح أحط صور قريباً

مربي الطيور

30-09-2008, 03:15 AM

انا عندي نفس مشكلتك

K-O-H

30-09-2008, 04:35 AM

أهااا ممكن ترسل لي ايميلك على رسالة خاصة عشان نتبادل المعلومات؟

أبغى أعرف اللي يسويه من عصبيه وحركات عندك والا لا

انتظر أرفع الصور بتكون أوضح

موفق ان شاء الله

K-O-H

30-09-2008, 08:39 PM

تم بحمد الله رش زيت الزيتون على كامل الجسم ولما طلعت الطير قام يصارخ ويعض بقوة طول وقته

بس أنا كنت لابس قفاز قطن خخخ...

المهم هاذي صور أوضح للبغاء وتراه حلو لولا المرض وان شاء الله يتعافا(الصور بعد وضح زيت الزيتون)

http://up.dwltna.com/files/od45f2o4bvkt2t60y0io.jpg (http://up.dwltna.com/)

http://up.dwltna.com/files/a59t2nold8bpqoc1l7h2.jpg (http://up.dwltna.com/)

http://up.dwltna.com/files/vicsl4fktqncsqkhdrpm.jpg (http://up.dwltna.com/)

K-O-H

30-09-2008, 08:41 PM

بعد وضع الزيت الزيتون صار ريشه مثل اللي في الصور لمدة أكثر من يوم مادري لين متى

وصار خلاص يكرهني يعض القفص ويمشي بعيد :S

K-O-H

30-09-2008, 09:45 PM

والله أبي أغير رابط الموضوع عشان الكل يدري انه الصور الواضحة في الصفحة 3 لكن ماقدر

الادارة مانعة صلاحية التعديل:(

K-O-H

01-10-2008, 12:52 PM

بعده ينتف الريش أصلا كل مرة يشوفني ينتف في ريشه وعاد أنا أتقزز بصراحة لانه قاعد ينتف الريش الابيض(الداخلي) بعد :s

ماتوقع نفع الزيت الزيتون و أحين السؤال كيف أشيله :s

مادري هل انه اللي قال لي لاعب علي ولا مجرب وصحيح

بس مافي الا حاجة وحده عجبتني (حلقة اللسبايكي اللي في راسه) ^_^

كاسكوكيه

01-10-2008, 01:05 PM

الطير ما ينتف إلا لو كان مريض او متأذي نفسيا :S

شو مسويييييييين فيه؟؟؟

و ليش زيت الزيتون؟

>"<

بطرش لكم روابط حول الموضوع بتنفعكم ان شاء الله

كاسكوكيه

01-10-2008, 01:06 PM

http://www.2zoo.com/vb/showthread.php?t=36866

اقرووووووووه كامل و بعدين طبقو و ان شاء الله تلقون الحل

^^

K-O-H

01-10-2008, 08:56 PM

هـلآ أخوي

والله هاذي النصيحة من أعضاء المنتدى!!! أنا مستغرب بعد

لو صحيح يبي يطلع كان ماعضني لما طلعته وقام يصارخ طول الوقت

وشرينه له زوجه وأمس عض رجلها لدرجة طلع دم لكن ماقدر يقص الصبع

وبالنسبة للموضوع فهو مخصص للكاسيكو ولن يتقبل أي من المكتوب اللببغاء حقي

فـ ذا طلعتها تهرب بعيد الا أعلى السقف في أي غرفة كانت

واذا طلعتها وماسكها تصارخ وتعض

والقفص مو صغير لكن مافيه مكان للتفريخ أو اللعب

يعني ماقدر الا بس بالغصب أسبحها وبسسس غير هذا وأنا ماسكها ماراح تتقبل...والخضار ماتاكل شي منه

والحل؟؟!!

أبو ريـــــــــــــان

01-10-2008, 10:45 PM

لا ياخوي أنا ماقصيت عليك بطريقة زيت الزيتون وعيب عليك هالكلام والطريقة مجربة من كذا عضو وفادة معاهم كثير وغير كذا انت تبي النتايج من اول يوم بعد مايصير الدنية انخلقت بسبع ايام ياخوي عليك بالصبر فترة , وغير كذا انا قريت ردك تقول فية ان طيرك كل مايشوفك ينتف بريشة هذا يدل ان طيرك يكرهك شوف راجع نفسك يمكن انت مسويله شي كرهتة فيك لأن الطير حساس جداً من أي رده فعل مهما كانت بسيطة , وسامحنا ان حصل منا تقصير وكل عام وانت بخير

K-O-H

01-10-2008, 11:24 PM

وانت بألف خير أخوي :)

اي في شي خلاه يكرهني

وهو الزيت الزيتون

لين أحين فيه من 3أيام مدري أغسله والا كيف عشان أشيله لانه صار ينتف أكثر !! وشكله أقبح كثيير

طيب الطريقة المجربة وشي؟؟

ان شاء الله تقصد ذاك الموضوع اللي مكتوب فيه مليون حاجة تسويها وكلهم ماراح يتقبلهم لانه عمره 6سنوات ومو متعود أمسكه أبد

مافي حل :(

طير حر

02-10-2008, 03:15 AM

سلامة طيرك ياخي فعلا شي مؤلم

الضاهر ان مافي حل الا انك توديه حق بيطري مختص في الطيور

؟!بدون اسم؟!

02-10-2008, 04:08 PM

وده الطبيب وانا شاء الله يتشافه...

K-O-H

03-10-2008, 02:46 PM

ماعرف طبيب بيطري في الشرقيه

لين أحين آثار زيت الزيتون في ريشه شكلي باسبحه بشامبو اليوم

هو نفسي 100% بس الزيت الزيتون خلاه يزيد الوضع سوء

أنا أشوفه قدامي ينتف الريش ويتكلم مع رجله

رغم انا احنا كل يوم نكلمه واذا طلعناه من القفص مايتقبلنا يروح بعيد

والحل!

كاسكوكيه

03-10-2008, 02:49 PM

انته بعدك مع راعي زيت الزيتون :P

ليش ما تحاول تحط له العاب في القفص بيعضها بدال ما ينتف ريشه و هاي طريقه مفيده انه يتلهى عن نتف الريش ^^

و ما انصح بالشامبو... :)

K-O-H

03-10-2008, 03:03 PM

مشكووور عالمرور

وشي الالعاب *_*

كل الالعاب يخاف منهم

والظاهر يبيله قفص أكبرررر بعد

شامبو جون سون لادموع بعد اليوم؟ في مشكلة؟

أغسله بالصابون يعني؟

K-O-H

03-10-2008, 03:05 PM

لعلمك هو كلا يحاول ياكل أي رجل طير يشوفها

قبل أمس عض رجل زوجته بس ماقدر يقطعها لكن طلع دم كثير

لكن زوجته تحاول تعضه أو تعضني لاني أكلمه خخخ مو متربيه لووول

مادري أتركهم عشان يتوالفو والا ايش

طير حر

04-10-2008, 11:06 PM

عزيزي كي او اتش لقد وجدت خلطة لعلاج نتف الريش وسأفتح موضوعا جديدا بهذا الشأن انشاء الله!

K-O-H

05-10-2008, 01:03 PM

أشكر لك مرورك طير حر وبنتظارك :)

Reyad

05-10-2008, 01:48 PM

sweet angel

05-10-2008, 03:25 PM

الصراحة اخوي
انا سمعت ان الببغاء لمن يطفش يسوي اشياء وحركات
مثلا :
يبدا ياكل الجرائد بارضية القفص
او ينتف ريشة

عشان كذا احسن يكون في العاب بالقفص
المهم اخوي ببغائي درة وذكر مثل حقك
كان قبل اسبوع يقرض الجرائد بارضية القفص خفت انه يموت او يتسمم
ايش سويت؟؟:confused::confused:
رحت اطلعة من القفص اكثر من اللازم
والحين الحمد لله
ما صار معاه شي

يعني باختصار حاول تطلعة من القفص اكثر من المدة اللي
هو يطلع فيها
وحط له بالقفص العاب
ويمكن انك تحاول تخليه يستحم
بالتوفيق:rolleyes::rolleyes:

K-O-H

05-10-2008, 10:47 PM

يسلمووو عالمرور الطيب

هو مايتقبلني لما أطلعه يخاف ويعض لما أمسكه

طير حر

05-10-2008, 10:58 PM

سم وانشاء الله تستفيد
http://www.2zoo.com/vb/showthread.php?t=78262

K-O-H

05-10-2008, 11:14 PM

مشكوووووووور حبيبي

Reyad

06-10-2008, 09:09 AM

جرب طريقة سعف النخل وراح تدعيلي.

K-O-H

06-10-2008, 11:56 PM

أوكي أخوي وحده وحده انجرب ^_^

اذا شفت نخلة نازلة للارض باخذ شوية سعف

سلام

الضوء الأبيض

07-10-2008, 02:52 PM

السلام عليكم :)
اتمنى اني افيدك :D
طبعا" اني قرأت موضوعك واللي فهمته من خلال ما كتبت ان المشكلة نفسية لأن من تبعد عنه ينتف ريشه ويضرب منقاره بالقفص وهذا السلوك لجذب الانتباه
وكونه ابتدى معاه من لما كان عمره 3 سنين معناه ان في امور اتغيرت عليه و أسلوبك واهتمامك به ممكن يكون قل وصار يجلس لوحده فترات طويلة ومن الطفش والملل أتجه لريشه ينتفه وباين انه لفترة طويلة تركته ينتفه :( لحد ما قلع تقريبا" أغلب الريش :eek:
العلاج لهذا الشي بيكون نفسي وبيعتمد على المربي أكتر شي
1) أهم شي انك توفر الطوق : لأنه بيمنع انه ينتف الريش وتتركه لفترة لحد ما ينمو له الريش وخلال هذي الفترة بتضمن انه ما ينتف الريش الجديد اللي بينمو له وتبدأ علاجه سلوكيا" اللي قرأته انه يحب ياكل الأصابع :p خلاص جيب له أعواد كبريت وأقطع جهة الكبريت و بيتسلى فيها ويعضها وممكن بعد تجيب له سواك بعد و وفر إله الالعاب في الأوقات اللي انت ما بتتواجد معاه عشان يتسلى فيها وما يمل .
2) نفسيا " هنا مهم دورك معاه وسلوكك اللي الطير كان متعود عليه منك وانت بتكون ادرى بالأشياء اللي يحبها والأشياء اللي يكرها يعني ما يحب يطلع من القفص وتحسه يتضايق خلاص ما تطلعه لأن الطيور متباينة اللي يحبه طير مو شرط يحبه طير تاني من نفس النوع.
3)الغذاء طبعا" مهم توفر له الفواكه لأن بها نسبة كبيرة من الماء والحبوب المدعمة بالفيتامينات والمكسرات لأن التغذية المتوازنة مهمةلصحته و لنمو الريش .
و اتمنى نقرأ رد انه رجع زي قبل وصار أحسن :D وما عليه الا العافية وما أوصيك دلعه وأهتم فيه واجد :p .

K-O-H

08-10-2008, 02:13 AM

مشكوووور ألف شكر أخوي الضوء الابيض

وبالنسبة للاصابع تراه يعرف

اليوم الحمدلله طلعته من القفص وطار من يدّي

والحمدلله لما أجي له عادي يكلمني لكن اذا مسكت شي غير منقاره يطير

لكن وهو خارج القفص طول الوقت قاعد ينتف في الريش :( :(

ومايرضى يركب على أحد الاصابيع أبد

بعد ربع ساعة رجعته القفص مع زوجته

وبعد ساعة سويت طريقة قال لي عنها أحد أعضاء المنتدى

وهي اني أفصل الانثى عن الذكر على الاقل 3أيام

وبالفعل عندي قفص أصغر شوي الانثى خليتها تدخل بنفسها له

أما الذكر لو تترك باب القفص مفتوح 24ساعة مايطلع ههههههههههههه

وبعد الفصل خليت القفصين جنب بعض

والذكر حاول كثير يعض أحد اصابيع الانثى لكن معظم المحاولات فشلت بعد تدخل سريع منّي

بالنسة للغذاء فهو 100% متكامل كل يوم دلع×دلع

وأنا أجلس معاه كثير في اليوم

والطوق مادري وين أحصله :s

وفي حركة غريبة يسويها من حطينا الانثى معاه لين أحين

اذا اقتربت منه يرفع رجله ويسوي حركه كأنه يظف ريش رأسه !!!

وأحياناً تصل لفتح العين بالاظفر !

السؤال أحين وين أحصل الطوق :(

ابولمعه

08-10-2008, 02:05 PM

اخوي يوجد طريقة لعمل الطوق قراتها في احد المنتديات باسم كنج بارروت
طريقه عمل الطوق

1- انتم تعرفون صور الاشعه اللى تتعمل فى المستشفيات اكيد عندكم وحده بعد الشر عليكم

2-تجيب ورقه الاشعه وتجيب غطاء علبه الحليب الصغير او اى مساحه شكل دائرى مثل( قرص السى دى )تشوفه مناسب وترسم بمساحه الغطاء دائره فى وسط ورقه الاشعه

3- تقص الدائره التى رسمتها فى وسط ورقه الاشعه يصير عندنا طوق دائرى من ورقه الاشعه

4- فى وسط هذا الطوق ترسم دائره صغيره مساحتها مناسبه لرقبه الببغاء بحيث انها ماتضايقه وتقصها بالمقص

5- صار الشكل اللى عندنا طوق وفى وسطه دائره مفتوحه بحيث تقدر تدخل فى رقبه الطير

6- الحين كيف تدخل الطوق فى رقبه الببغاء تمسك المقص وتقص من بدايه الطوق من اى جهه الى الدائره المفتوحه فى وسط الطوق بحيث يسهل تريكيبه ونزعه من الطير

ممكن استخدام بلاستك مقوى وبالتوفيق لكم

اخي طير حر اسأل الله العظيم رب العرش الكريم ان يشفيك ويعافيك

K-O-H

08-10-2008, 03:55 PM

تسلم أخوي وراح أحاول أسوي الطريقة

موفقين ان شاء الله

parro0ts

08-10-2008, 04:01 PM

بصراحه انا ما اعرف شنو علاج هاي المرض ( ان شاء الله الخبراء ايفيدونك ) بس في موضوع شلون اتقصون جناح الطير باحاول اطلعه

كاسكوكيه

08-10-2008, 05:49 PM

^^

بس اخونا مب ناقصنه تقصيص ريش .. لانه طيره ينتف ريشه اروحه =$

K-O-H

09-10-2008, 01:51 PM

مشكورين عالتعليق

أمس سويت له طوق بستخدام الكأس البلاستيك المخصص لشرب المياه

أخذت أرضية الكأس

وسويت فتحة في الوسط باللحّام

وقصيت خط

وركبناه على الببغاء لكن مع الاسف من ركبناه فوراً راح ينتف في ريش ظهره واستطاع ينتف وبعدها مسك البلاستيك بقوة في أقل من ثانيه شاله :S

أبحث حالياً على شي أسوي به طوق قوي وناعم

اللي يعرف ياليت يتكرم ويقول

وأمس الانثى حاولت توصل منقارها للذكر من قفص الى قفص لكنه رفض وذهب بعيد عنها وهو يحاول يعض أصابيعها واليوم عض أحد الاصابيع لكن طلع بس نقطة دم

سلالالام

ابولمعه

11-10-2008, 10:45 AM

اخوي هل جربت صورة الاشعة مثل ما ذكرت لك ؟
بعدين حاول تكبر حجم الطوق يعني يصير تقريبا بحجم سي دي لان حجم كاس المويه البلاستيك صغير جدا

K-O-H

11-10-2008, 03:34 PM

بصراحة لا .....

بس بسألك لو باسوي سي دي

باللحام أكبر الفتحة؟

+المشكلة أعاني في تركيب الطوق على الطير مادري اذا في أداة تساعدني أمسكه+أخاف يكون ضيق ويسبب الاختناق

ولو حطيته أحط بودره والا ايش عشان مايشمخه؟

سلام

ابولمعه

11-10-2008, 03:55 PM

لا اخوي مو القصد تسوي سي دي انا اقصد يكون بحجم السي دي لان السي دي ثقيل وبيتعبه
وبالنسبه لوضعه انت بتقصه قص طولي وبتفتحه وتحط الرقبه فيه وما تحتاج اي بودرة او شي اخر
انا بحاول اشوف لي صورة اشعه واوريك بالصور بس انشالله ما اتاخر عليك لاني كثير مشغول هالايام

K-O-H

12-10-2008, 05:52 PM

أهااا تسلم أخوي

بس اذا دخلت راسه مافي فايدة الفتحة بتكبر!
لازم أقصه بشكل خط على ماظن

والا ايش رايك؟

ابولمعه

14-10-2008, 10:38 AM

ايوا بالضبط اخوي على شكل خط مستقيم وتفتحه بيدك وتدخل راسك الببغاء

Reyad

16-10-2008, 09:46 AM

K-H-O
انا عندي الحل , بس يمكن يكون صعب عليك بس راح يكون من مصلحة الطير اذا كنت فعلا تحبه , انا صار عندي نفس المشكله وبالنهايه مات الطير , والحل انك تعطيه حريته وتطيره , اتوقع اكثر الاعضاء يوافقوني الراي , وشكرا...!!!

K-O-H

20-10-2008, 03:38 PM

اخواني الطير اذا طلعته خارج القفص سواءً بيدي أم لا

طول وقته ينتف ريشه وياكله بشراسة !!

و والله المكان الهواء فيه يصير يخنق من الاوساخ اللي فيه رغم اني أنظفه كل اسبوع على الاقل

دورت في البيت ماحصلت صورة أشعة :p

ابولمعه

20-10-2008, 03:56 PM

اجل الله يعينك تكسر يدك وتروح تصور اشعة هههههههههههههه

الجناحي 10

20-10-2008, 05:49 PM

حبيبي ا>ا انت من الدمام في بيطري طريق الدمام الخبر
في بيطري قبل وكالة الدبابات حق هارلي دفتسون في دكتور امريكي
وعندهم رعايا زينه وانشالله راح يكون زين

المختفي

31-10-2008, 03:41 PM

الله يشفيلك طيرك والله انا مب خبير ولا ساعدتك

اسمحلي_________________________________سووري
والله انا متأسف على طيرك والسموووووووحة

المختفي

31-10-2008, 03:43 PM

وانا في الإمارات

K-O-H

01-11-2008, 02:55 PM

مافي مشكلة أخواني مشكورين على ردودكم العطرة

الطير زوجته ماتتقبله حتى بعد الفصل تحاول تضربه اذا قرب منها

أخوي : الجناحي 10 :

يسلمو عالمرور وياليت لو تعطيني عنوان:

في بيطري قبل وكالة الدبابات حق هارلي دفتسون في دكتور امريكي

وين الوكالة؟! +الشركة ايش اسمها ياليت توصف أدق وشاكر لك تعاونك :)

7amode

01-11-2008, 08:26 PM

السلام عليكم

الله يشفيلك اياه

حطله فيتمينات فالمي

وشكرااااااااااااااااااااااااااا

محبه الببغاوات

09-11-2008, 04:07 PM

الطير يتملل بروحه ومحد وياه واصلن الصيدين صايدينه من بيئته يعني حراام شيسوي الطير متضايق ومايعرف يتكلم نفسنا احنا الانسان!ينتف ريشه!

K-O-H

13-11-2008, 09:39 PM

والله كل اللي تقول ماينفع

علاقتي مع الطير قوية جداً

لدرجة يعرف اسمه واسمي

ويقلوهم

وهو ينتف ريشه بنفسه وياكله<<للمرة المليون أعيدها :S

الاكل ومنوع وكل يوم وجبة فواكه+حبوب

وأنا أجلس معاه كثير والله

أنظفه بستخدام الرشاش كل 3أيام في الشمس

كل يوم يشوف الشمس

أطيره خارج القفص.....= يتف بريشه علطول

والحل معاه!

ابو وائل

13-11-2008, 11:31 PM

ريح نفسك وحطله الطوق الواقي من النتف

كاسكوكيه

14-11-2008, 08:27 AM

هلا اخوي
اخبارك؟ واضح انك الين الحين ما عالجت الطير ^_^

ممكن تحط صورة الببغا الحين؟ اريد اتطمن عليه ^^

K-O-H

14-11-2008, 10:54 AM

هـلآ بيكم....

أختي كاسوكيه....

مافي شي جديد

والانثى شرسه جداً وتضرب الذكر اذا كلمني من بعيد ...لانه من قريب تخاف منّي

الجديد هو انه الانثى اللي عمرها 3سنوات

صارت تاكل من يدي !

بس تخاف وذا بسرعة تروح بعيد عني

تاكل حتى الحب من يدي :)

لانها عرفت اني آمن بالنسبة لهم وما أعتدي على أحدهم الا اذا أحدهم اعتدا على الآخر

مممم بحاول أحط صورة ومافي فرق ترى

ومن بعد الزيت الزيتون صار الطير يكرهني الاول كان يجي لي

أحين صار يروح بعيد ذا جيت له !

see you later...

روهلات المعالي

14-11-2008, 11:04 AM

عندي اقتراح بالنسة للزيت عرضه للشمس

بكثرة

وأقرأ عليه رقية بالقرآن كل شيء يجي

بو زياد

14-11-2008, 06:15 PM

انشاء الله يفتح المحل

بو زياد

14-11-2008, 06:20 PM

صح اللي يقولة

بو زياد

14-11-2008, 06:26 PM

اجو الشفاء العاجل

بوسارة

16-11-2008, 08:45 PM

الله يطمنك عليه

بوسارة

16-11-2008, 08:46 PM

الله يكون بعونه

ماما ريوما

16-11-2008, 11:29 PM

ياقلبي عليه والله يقطع القلب :(

اخوي خذ الوصف باالضبط من الأخ اللي ذكر لك انو فيه عياده بيطريه في الدمام عندكم ووده للدكتور تراه امانه برقبتك
او كلم الاستعلامات واطلب رقم بيطري في الدمام
وياليت تطمنا عليه :(

وباالنسبه للطير الجديد حرام لاتحطه عنده ماله ذنب يسوي فيه اجرام يقعد يعضعض في اصابعه حرااام << وقسما خانقتني العبره تهيء تهيء :(

كاسكوكيه

17-11-2008, 09:30 AM

اممم... مشكلة زيت الزيتون انه يلزق ولا يروح.. يبالك تسبحه من فتره للثانيه >_<
انا مب مقتنعه بزيت الزيتون ابدن ^_^

بس حلو انه الأنثى تاكل من ايدك D:

استانست والله ^_^

الطااائر

03-12-2008, 12:38 AM

الشيخ والله اني متابع موضوعك من البدايه وكل ماتمر فتره ادخل ادور موضوعك عشان اتطمن عليه

فأتمنى انك تقول لنا وش صار مع الطير ان شاء الله انه اتحسن

hawi56

03-12-2008, 12:29 PM

يا جماعه لازم تاجعي البيطري انا اخاف يكون مع الطير مرض اهتراء الريش الفيروسي PBFD (وهو معدي)

لان هالفايرس مالو علاج لحد الأن والمشكله انو معدي لو جلس الطير الآخر فتره كافيه ممكن انو يصيبو نفس المرض...

اتمنى تعزليهم عن بعض لغايه استشارة البيطري

سماوي الجبه

03-12-2008, 08:35 PM

مساء الخير للجميع، حبيت اضيف نقطه يجب عليك وضع طير اخر معا هذا الطائر المسكين وانا عندي نفس البغباء افريقي ومن اكثر من 5 سنوات بهذا الشكل ،لكن اذا وضعت معه طير اخر يشفىالطير لانه ماينتف الريش ،،وغير له البيئه من قفص ومن مكان القفص،،

ولييد1122

17-02-2009, 04:57 AM

خذ اجر فيه واطلقه في الهواء دعه يذهب وريح نفسك

((محبة الببغاء))

18-02-2009, 03:28 AM

الصور مو موجودة للاسف
غير صورته الاولى

لوتيه

18-02-2009, 03:33 AM

سبحان الله نفس الكاسكو لي عندي
نفس المرض و وديتها البيطري قالولي هذا مرض نفسي و هذا مرض مايعادي
الانه هيه معاها و حده ثانيه في نفس القفص و خذت من عندهم صوق عباره عن بلاستيك
مدوره تنحط في رقبه الكاسكو لاكن ماهانت عليه احطها الانه كل ما اقرب الطوق عليها احسها تعصب
فماحطيته حقها خليتها نفس ماهيه و ان شاء الله يطلع ريشها ..