مالحل مع البغبغاء الذي يرفض تناول الفواكه؟

[طير حر]

مالحل مع البغبغاء الذي يرفض تناول الفواكه؟

افيدونا جزاكم الله خير

[البطريقه]

مانوع ببغائك؟

انت ممكن تقطع له الفواكه قطع صغيرة وتخلطها مع الحبوب

[طير حر]

عندي كاسكو وبجرب معاه الخلط

[Solitary passenger]

عطه الفواكه بيدك
في البداية يمكن ما يرضى ياخذها, إذا رفض كل قطعة قدامه و ناوله الثانية.. و تم كذا لين ما يطفش و يقرر ياخذها منك, و يمكن يرميها! من غير ما ياكلها أو يقطعها بس و يرميها!

إذا سوى كذا لا تتوقف عن إطعامه بيدك لأنو هاذي هي البداية,

عوده, و خليك معاه كذا كل يوم.. و بعد يوم أو إثنين بتلاحظ عليه بدأي ياكل قطعة أو قطعتين (لأن طعمها حلو) و عجبه!

بهذي الطريقة هو أيضاً راح يحب يتقرب منك و ما يخافك.

[طير حر]

تسلم عزيزي سوليتاري
انا جربت معاه الرمان وعجبه مرره لانه فكره حب شمسي
لاكن باقي الفواكه ياخذها ويرميها
بجرب معاه اكثر انشاء الله

[K-O-H]

السلام عليكم

أخوي حط له تشكيلة ...تفاح))عنب..اللي داخله حب بس))قطع الرومّان))قطعة صغيرة من الجح))قطعتين موز صغار))


ورتبهم وشيل عن أي أكل آخر

وخله ينتبه لما تحط الفواكه

وان شاء الله ياكلهم كلهم

موفق ان شاء الله :)

[طير حر]

اجمعين انشاء الله بجررب وبرد عليك خبر
مشكور اخوي كي او اتش

[ابو وائل]

كان عندي كا سكو زي كذا ما يكل الفواكه وقمت بتكطيع الفواكه مربعات كبيره وسار ياكلها ولا يرميها
هذي الطريقه مجربه

[كاسكوكيه]

هل في نوع من الفواكه اللي لازم نبتعد عنه يوم نطعم الكاسكو؟ ولا كل شي جايز انه ياكله؟

[abuassel]

السلام عليكم
بالنسبه لسؤال اخونا طير حر فقد اجاب وافاد الاخ Solitary passenger
اما بالنسبه لسؤال كاسكوكيه فلم اسمع عن منع نوع من الفواكه ولكن الانتباه
من بذور التفاح وبذور الكيوي
اخوكم ابو اصيل