تعويد الببغاء الجديد عليك ( فيديو )

[المري1]

هذا مقطع فيديو رائع للتعامل مع الكوكاتيل والببغاء الجديد

اتمنى انه يفيد الجميع

http://www.birdtricks.com/PowerPause/

[CENA]

موضوعك اكثر من رائع....
ويشرفني اني اكون اول من يرد عليك

[sweet angel]

مشكور اخوي ترى الموضوع شفتة في يوت يوب وقلت اجربه نفع معاي بس مو 100% يعني الحين اقدر امسح على راسه بس لازم يكون بمزاج جيد

[المري1]

CENA & SWEET ANGEL
شكرا على المرور والتعليق

[كاسكوكيه]

تسلم ع الموضوع.. اليوم شفته و قلت خلني اجرب و تراه العض متعودين عليه

و ما شاء الله قدرت اتجرب وايد من الطير بس طول معاي الموضوع اكثر من خمس دقايق مثل ما صار معاهم في الفيديو :)

[طير حر]

فعلا طريقه فعاله
تسلم يالمري عالموضوع

[المري1]

كاسكوكيه - طير حر

مشكورين على المرور

بس والله تمنيت ان فيه فيديو تدريب باللغة العربية حتى يستفيد الجميع

[عاشق_الطير]

مشكور
والله يعطيك العافية

[المري1]

الله يعافيك عاشق الطير


ومشكور على المرور

[كاسكوكيه]

كاسكوكيه - طير حر

مشكورين على المرور

بس والله تمنيت ان فيه فيديو تدريب باللغة العربية حتى يستفيد الجميع

انا احاول احول صيغة الفيديو عشان انزل عليه ترجمه للعربيه بس ماقدرت :(

لو أقدر بنسوي ترجمه للافلام :)

[المري1]

الاخت المجتهدة كاسكو كيه

ممكن ترجمين النص على شكل نقاط كتابية ، وما يحتاج تدمجين النص مع الصورة لان هذا يحتاج الى جهد كبير

وشاكر لك اهتمامك بمواضيع المنتدى

[كاسكوكيه]

العفو :)
هذا بفضل الجهد اللي اجوفه موجود في المنتدى ^^

انا اللي سويته في الدوره التدريبيه اني ترجمت النص بدون الصوره و نزلت الرابط للي يريد يجوف :)

و ان شاء الله حاضرين باللي تطلبوه ^_^

[الببغاء الافريقي]

مشكووور اخوي والله ما قصرت والدقه حماسيه والله هههه

[ابو وائل]

ممكن احد يقولي اش افعل عشان مافهمت من المقطع


وشكرا

[كاسكوكيه]

أبو وائل..

الفيديو يعلمك في خلال خمس دقايق انك تقدر تقلص الخوف اللي بينك و بين الببغاء..

لكن عليك انك تعرف شيئين قبل ما تبدأ

الشي الأول انك تعرف كيف تكافئ طيرك
و الشي الثاني انك تعرف عن الجهاز اللي يسمى "الطقاق" (يطلع صوت طقه اول ما تهوس عليه)

يقول لك لو طيرك ما يحبك فهم بيتبعون طريقة مكافأة الطير بانه يظل اروحه فتره قصيره و لكن هذا بس لو سمح لك انك تلمسه

و متى تحدث المكافأه... اول ما يسوي الببغاء شي انته تريده اضغط على "الطقاق" و ابتعد عن الطير.. فالطير بيربط الصوت و بالسلوك الصح الي سواه

والحين لازم تعرف متى تضغط على الجهاز.. اترقب من الطير و خله يعبر عن شعوره بالصريخ و اللي يريده.. واول ما اتجوف لحظة سكون اضغط على الجهاز و ابتعد عن الطير

وهم استخدمو في الفيديو نوعين من الطيور المكاو (الطير الكبير) و الكوكاتيل (الصغير) عشان يبينون لكم انه التقنيه هاي تستخدم مع كل انواع الطيور :)

بدا الاختبار مع الكوكاتيل.. اللي ما يحب انه حد يلمسه.. بتلاحظ يوم تجربت الايد منه العصفور ماكان عايبنه.. و الريال انتظر الين ما استرخى جسم الطير و من بعدها ضغط على الجهاز و ابتعد.. طبعن حركة الريال و هوه يبتعد ممكن انها تثير الطير.. و يرجع يكرر نفس العمليه مع الاقتراب في المسافه شوي شوي الين ما يخليك الطير تمسح على راسه

و نفس الموضوع يتكرر مع المكاو.. ولاحظ انه كل مره يطول الفترة الي يكون فيها الطير هادي لانه الطير فهم انه لو بيكون هادي انته بتخليه و بتروح

و انتبه انه في حالة المكاو الحرمه حاولت تفهم بعد المسافه الي بتبدا فيها و بيكون معاها الطير مرتاح


ان شاء الله تستفيد من هالتلخيص السريع :)
موفق خير

[المري1]

تسلم ايدك كاسكوكيه

ترجمة رائعة وموفقة

يللا شدي حيلك ونبي ترجمة بالفرنسي :D

[ابو وائل]

طيب ينفع اسويها للكوكاتو وتر الكوكاتو مايخليني المسه

وين القى جهاز الطقاق بمكة

[حياتي كلها كاسكو]

او ماي قاد . شكرا عالمقطع الرااااااااااااائع

[المري1]

الاخوة الكرام

مشكورين على المرور والتعليق

بالنسبة للطقاق أنا اسوي الصوت بفمي

جرب وبتشوف انك تقدر تجيب نفس الصوت

القصد انه فيه صوت يربط الطير بينه وبين الهدوء والسكوت

[نونو الصغيرة]

يعطيك العافية
مواضيع متميزة ومفيدة جدا
في انتظار جديدك
:):):):)

[المري1]

مشكور نونو الصغيرة

وهاذي شهادة اعتز فيها