الحيه ليلحين مو راضيه تاكل, شـ الحل؟

[Guccino]

حطيتها بماي دافي
حطيتلها فار
حطيت هامستر
حطيت كتكوت

صاروا ربع و يلعبون مع بعض =\

شـ العمل؟

[ALmaSteR]

اخوي Guccino شوف جرب هالطريقه
طبعاً الاصله محطوطه بوسط حوض حط بوسط الحوض معاها كرتون صغير ومنخفض وسوي فتحه بالكرتون مثل البوابه عشان الاصله تقدر تدخل وتخرج منه يعني بيكون الكرتون مثل جحر لها وملظم وحط الوجبه بوسط الحوض وغطي الحوض بشرشف او بطاينه بحيث انه لا أحد يرى الحوض وخليهم 24 ساعه وشوف

إذا ماأكلتها مالك الا التغذيه الإجباريه والي لاأنصح بها احد وتكون أخر الخيارات

[الخيّال]

اولا ممكن تكون ماكلة من فترة قريبة انتظر اسبوع او اكثر

وشف هل هي تطلع لسانها او لأ

وحاول تسمع هل يصدر صوت عند التنفس

بعدين حطها بنور شبة مظلم واترك الفار عندها و شيّك كل شوي لان الفار ممكن يعضها اذا طول معاها

وأهم شي درجة الحرارة تأكد انها مناسبة تقربا من 27 الى 30 درجة مئوية لأن اذا كان الجو بارد في الغرفة ما راح تاكل

[Bedro]

أخي الكريم .. جرب هالطريقة وإن شاء الله تنجح معك لأنها نجحت معاي .. حط الأصلة والفأر في صندوق صغير وضعهم في مكان مظلم ودافيء .. وإن شاء الله خلال 3 ساعات تكون أكلت الفأر ..

[LiMiTeD]

لاتخلي الفار معاها على طول دير بالك من هالشغله لان ممكن تروح وترد تلقى اصلتك ميته

وبالنسبه للاكل لا تتحبط لان الاصله الملكيه لها مشاكل وسالفتها سالفه اذا كانت مصيوده

والشباب عطوك اكثر من طريقه جربها وان شاءالله تنجح

[Guccino]

الله يعطيكم العافيه

جربت كذا طريقه مع بعض, و انشالله باجر اردلكم خبر

[BLUE SHARK]

ليش اذا خليت الفار معاها مدة القاها ميتة ؟؟؟ limited

[Octopus]

ليش اذا خليت الفار معاها مدة القاها ميتة ؟؟؟ limited أسمحلي أجوبك على سوالك:)
لان الفار يقوم أحيانا بعض الحية ليدافع عن نفسه :)

[LiMiTeD]

مثل ما قال اذا خليت الفار بالحوض واهي موراضيه تاكل ممكن دفاعه عن نفسه يذبح الحيه