كيف أوالف بين الببغائتين حقي وماهو حجم قفص التفريخ وشكله (الدرة)...صور واضحة بالداخل

[K-O-H]

السلام عليكم ورحمة الله وبركاته

سؤالي هو كم حجم القفص الممتاز لتزاوج+تفريخ ببغاء الدرة

وماهي العوامل المساعدة على التزاوج....اللي أقدر أوفرها

لانه الببغاء اللي عندي ذكر 6سنوات عمره قبل شهرين أخذت له أنثى عمرها مادري كم لكن أصغر وضخمة

ولين أحين كلا بعيدين +ضرب.....غير عن انه الذكر يهرب اذا تقربت جنبه لكن اذا حصلت له الفرصة يحاول ياكل أحد أصابيع الانثى...مرة جرحهم وطلع دم لكن مانقطع ولا صبع الحمد لله



ياليت لو تعطوني المعلومات أو صورة توضح شكل القفص وحجمه+معلومات عن كيف أخليهم يتقبلو بعض


هذا بعد الذكر معاه مرض نتف ريش الجسم (النفسي) :s





صورة للذكر
http://www.pusup.com/up/get-10-2008-bne90lwi.JPG (http://www.pusup.com/up)



صورة للانثى من بعيد لانها تخاف
http://www.pusup.com/up/get-10-2008-r1qs4hmh.JPG (http://www.pusup.com/up)

ننتظر الرد بشرط يكون صاحبه عارف الجواب 100% مو يعطي حجم وبس

لاني ناوي آخذ قفص جديد



>>>وآسف على صغر الخط لانه مايطلع عندي الازرار اللي تغير اللون+الحجم...الخ<<<


موفقين ان شاء الله

[كاسكوكيه]

الله يوفق بينهم ;)


بس هل بتتقبله وهوه مب كاشخ؟ :)

[كاسكوكيه]

لقيت لك بعض المعلومات عن اقفاص التفريخ... في هالموقع الي يبيع الأقفاص

http://shop.parrotcare.com/breeding-cages-9-c.asp

اضغط على كل صوره و بتلقى احجام الأقفاص و تقدر من خلالها انك تبني فكره عن القفص اللي ناوي تاخضه للطيور اللي عندك

و لاحظت انهم كاتبين انه لازم يكون فيه بيت للبيض و له حجم معين بعد


ان شاء الله تكون استفدت من الرابط.. موفق خير :)

[K-O-H]

مشكوووور أخوي على المعلومات ومرورك المعطر بالكرم :)

ويسلمووو عالرابط :)


اللي لفت نظري أسعار الاقفاص :s

[كاسكوكيه]

معاك اختك كاسكوكيه ;)


بس احتمال يكون السعر اقل في دول الخليج :)

[mhmd70000]

الله يوفقك اخي الكريم

[عازف الكيبورد]

أخوى انا أفرخهم بقفص متر في متر

لكن الذكر ما أعتقد بينتج وهو بهذى الحاله

[طير حر]

الذكر بتكون عنده مشكله في التوازن وهذي مشكله كبيره للأسف!

تمنياتي لك بالتوفيق

[K-O-H]

مشكورين كلكم على المرور

طيب كوخ مادري شسمه حق التفريخ خخخ أحطه فوق والا تحت أحسن؟


ومثل ماقلت لكم لحد الآن مايكلمو بعض ولا شي أبد


لكن باين انه الانثى هذا موسمها ;)


+شكل الكوخ كيف راح يكون :s


وآسف على الاطالة :)

[كاسكوكيه]

امممم... اظني المفروض انهم يتوالفون بالاول عشان يصير بينهم نصيب

والله اعلم.. :)

بس انا لاحظت شي انه كوخ الفراخ يكون محطوط في القفص من برا مثل ما بتلاحظ في هالصوره

http://shop.parrotcare.com/mb3612-83-p.asp

و شفت فيديو عن طريقة التركيب هاي عشان يكون اسهل للمربي انه يتطمن على حال الفراخ :)

[K-O-H]

مشكووور أخوي بس

أبي أعرف كيف أوالف بينهم :s

[كاسكوكيه]

أخوي انا اقول تخليهم ابروحهم بيتفاهمون :)



أنا وحده :) >>> يعني اختك ;)

[K-O-H]

هلا أختي كاسكويه

لا والله الذكر يكره الانثى ومايطيقها أبد ومن تجي جنبه يرفع رجله ويسوي حركه غريبة كأنه يمشط رش راسه جنب عينه وهو معصب

والحل معاه :(

[كاسكوكيه]

:D

شي حلو.. اتوقع انه يسوي هالحركه "إغراء" ماله غير هالريشتين مسكين خله على حاله.. و صبر جميل والله المستعان :)

[K-O-H]

اي والله

الطوق مانفع

وترى فصلت بين الذكر والانثى من يومين

والانثى تحاول تمد منقارها للذكر هع لكن مع ذلك يرفض ويروح بعيييد

هذا من قفص لقفص بعد :S

أقول

مافي تصفير شي تخليهم علطول يفرخو خخخخخ

سلام

[كاسكوكيه]

ههههههههههههههه :D

تعرف اليوم قريت موضوع في موقع ثاني يقول انه الطيور المستورده تنعطى ابره لمنع الحمل!!!

و غير جيه انته لازم تتأكد من عمر طيورك!! احتمال الذكر بعده مراهق :S

[K-O-H]

الله


طيب أنا عندي سؤال مهم أعتبره

كيف أعرف الذكر هندي والا افريقي والا ايش ونفس الشي الانثى

الصور في الصفحة1

أنتظر الرد من الخبراء....

[مزون]

وعليييييييييييييييييييييييييييييييه شفيه الذكر وين ريشاته الانثى ترى مستغرفه من شكله هو مريض ولا صغير بيبي شسالفه؟؟؟؟؟؟؟؟؟؟؟؟؟؟؟؟؟؟

أظن أن تجيب ذكر إزكرت وتشيل الصغير ليما يتحسن وتجيب له عروس بعمره

ياخي لو أدمي شكله جيه متقدم لعروس بتشرد ماتشوف الا غبارها :D:D:D

[مزون]

الذكر الهندييييي يكون أخضر زاهي مع لمعه زرقاء تبان اذا كان فرحان وله طوق برقبته ملون اسود أحمر بس اي شي زياده غيرمب هو

[أبو العيناء]

كلاااااااااااااااااااام جميل وموضوع رائع

[كاسكو حبوب]

خل كل واحد بروحه أحسن