شو الفرق..؟

[كاسكوكيه]

السلام عليكم و الرحمه

شو الفرق بين الببغاء الأفريقي الرمادي و الببغاء الغيني؟

سمعت انه اللون عند الغيني اغمق!! ولا هم شبه بعض

كيف ممكن نميز بينهم؟؟

[bahzad_76]

الببغاوات الافريقية الرمادية تنقسم الى النيجيري ( الرمادي الفاتح) والنيجيري السوبر وهو نفس الاول بس اكبر والغيني( الرمادي الغامق ) وهو اصغر الانواع

يعني ماكو افريقي وغيني هي كلها افريقية

[كاسكوكيه]

:)

تسلم ع المعلومه ... بس قريت انه الغيني (يظل افريقي مثل ما تقول) عنادي و تعلمه لاي شي يكون بطيء =$

معنات هذا انه اللي عندي يطلع نيجيري ^_^

[bahzad_76]

اهم ملاحظة نسيت اذكرها انو النيجيري ذيلو احمر فاتح والغيني ذيلو احمر رمادي او مايل للسواد فشوفي الفرق

[كاسكوكيه]

انا قريت انه الفرق بين الذكر و الانثى في ببغاء الكاسكو انه الأنثى يكون نهايات اللون الاحمر في ذيلها ممزوجه بالرمادي.. اما الذكر فيكون ذيله احمر ساده ..

أحس بضيع بينهم الحين :S

[bahzad_76]

انشاء الله ماراح تضيعي والتفرقة بين الذكر والانثى في الكاسكو مو بهذه السهولة بل صعب جدا ويحتاج احيانا وللدقة الى تحليل الدم .
اذا تقدرين حطي صورة الكاسكو مالك وانشاء الله نفيدك في نوعه ولو استطعنا ممكن نقول لك جنسه اذا كانت الصور واضحة وقريبة وخاصة صورة عينه . واحب اضيف مثلا صورة الكاسكو الموجود تحت اسمك هو رمادي نيجيري وليس غيني لانو رمادي ابيض والذيل احمر وغير ذلك ماكو شي ثاني .