ودي اطلع طيري الجديد خارج القفص

[المري1]

طيري الرمادي له معي اسبوع

ودي ابدا من الغد اخرجه برا القفص

بس عندي تخوف من انه يتعبني في العودة الى القفص ، فما الطريقة المثالية التي تخليه يرجع الى القفص بدون مشاكل ولا عض

ارجو الافادة

[المري1]

الظاهر السؤال صعب

والشباب ماذاكروا زين
:D :D :D :D :D :D :D :D :D :D :D :D

[كاسكوكيه]

انا بقول لك نصيحه :)

احتمال اكون صح واحتمال اكون غلطانه

بس انا الكاسكو عندي خوزت عنه الغطا اللي ع القفص من فوق (سقف القفص)
ولانه يديد بعدني مخليه السلسله في ريله

يعني مرده للقفص

هذي الانثى و الذكر ما شاء الله عليه يفتح السلسله و يتمشى على كيفه (مكبر راسه)

و حتى لو تجربت منه تراه القفص تحته و جريب منه

و يوم اريد انظف القفص اخوز القفص و يتم الستاند ماله فيوقف عليه

و اخليه ع الستاند لانه اسهل اتعامل معاه بدون القفص.. بس لاحظت انه اول ما يجوف القفص ينقز عليه

^_^

[كاسكوكيه]

يوم رديت عليك ظهرت ;)

[المري1]

مشكور كاسكو كيه

لكن المشكلة كيف نحط السلسلة

الاخت ميمي خانو عصبية وعضتها والقبر >>>>> http://tbn0.google.com/images?q=tbn:Nh0wNfQbv3lMSM:http://www.mdmn.net/uploads/9fa0f535d7.jpg

[Reyad]

الامر جدا عاادي , افتحله الباب واهو راح يطلع بروحه , واذا جاع او حس بالعطش راح يدخل بروحه, الامر بسيط جدا..

[كاسكوكيه]

انا لازم اتحااااااااارب معاه عشان يلبس السلسله =$

و ايدي مشلخه من العض.. كلها خطوط و شوارع


Reyad

القصد من تطليع الطير من القفص برغبتنا .. مش بس يخليه يظهر اروحه :)

السالفه فيها عنااااااااد و حرب =$

[Reyad]

اي اول شي لازم الطير يتعلم يطلع من القفص بروحه بعدين راح يحس بلذة الحريه , بعدين تبدي تتحكم فيه, عرفت.

[كاسكوكيه]

بس أول شي لازم تحط في بالك انه لازم الطير يوالفك :)
ولو ما والفك.. فليش بيرضى انه يظهر من القفص ماله و اللي يعتبره مملكته الخاصه؟؟

[ابدووية كوول]

مبروك عليك الطير الجديد

انا اول مره جبتها قبل 10 ايام تقريبا

و فتحت لها الباب اللي فوق

وطلعت منه

بس كانت المشكله اني قربت منها وطارت وراحت عالدولاب

وبعدين دخلت تحت الدولاب

وجلست 3 ساعات

مارجعت

اتصلت ع عمو وجاء ولبس القفازات وجابها ودخلها القفص ورجعت تجعر

..

وبعدها بيومين او 3 ولفت عليا وصرت ااكلها من يدي بس وهي جوت القفص

وفتحت لها باب القفص من فوق .. وطلعت وحدها .. وتجولت في البيت لوحدها .. يمكن حق ربع ساعه .. وبعدها شافت القفص ورجعت له لوحدها

يعني انت افتح لها الباب وهي تطلع .. بس لو طارت بعيد عن القفص مرااح ترجع الا بالهواش هههه

[جـــوي]

اخوي

مدري ليه انت والاخوان متخوفين من رجوعه للقفص؟

هو مو اسد :p

شوف اخوي اول شي واحسن شي انك تجيب له ستاند عشان يطلع عليه وينسى القفص يوم يشوف الستاند ويكرهه بعد

والطريقه عشان يطلع على الاستاند بسيطه كثير!

تفتح القفص من فوق وتقربه من الاستاند وراح تلاحظ انه يطلع تلقائيا على الاستاند ولو كان فيه عناد حط القفازات و امسكه بالقوه وحطه

لو ما كان عندك ستاند افتح القفص من فوق وحط عليه خشبه في النص(تكون بين ظرفتين القفص اللي فتحتها من فوق) واتركه

اخرج عنه لو كان مو والف عليك وارجع بعد عشر دقايق تلاقيه قاعد ينتظرك فوق القفص

ولو خرج من القفص وما تبي تسوي معه حرب وصواريخ عشان يرجع بالقوه جيب له القفص بالقرب من المكان اللي جالس فيه واخرج عنه


راح ترجع بعد شوي وتلاقيه داخل القفص او فوقه

ان شاءالله اكون وضحت لك وافدتك

تحياتي لك

[كاسكوكيه]

هذا بالضبط اللي انا قلته واسويه :D

[المري1]

مشكورين جميعا على التفاعل

اللي صار معي بالضبط مثل ماصار مع ابدويه كوووووووول

لما قربت طار بعيد

بعد فترة حاولت ادخله القفص ، فقربت منه القفص لكنه مارضي يدخل

طبعا لبست قفازات دبل ودخلته بالقوة

المشكلة كنت ابغا احد يفيدني : هل لابد ان يكون الطير موالف علي حتى اخرجه

لاني لما خرجته حسيت اني بديت من جديد لما قعدت الاحقه وصدته ودخلته بالقوة

من التجربة الاولى صراحة وقفت اطلعه بعد مادوخته ودوخني

[كاسكوكيه]

انا اقوووول و اعيد لاااااااااااازم يكون موالف لانه لو الطير ما يطيقك ما بيسمع كلامك و لا بيجابلك :)

^^'

[أبو ريـــــــــــــان]

أخوي المري1

مساك الله بالخير

اتمنى انك ماتستعجل على طيرك علشان مايكرهك لأنة للحين ماعرفك زين ولا تعلق فيك أصبر علية اشوي لحد ماياخذ عليك ترا الموضوع يبيلة صبر وإذا تبي اتطلع طيرك على يدك شوف موضوع مستر ميمو تراه بيفيدك واجد لاكن انتبة لاتسويها الحين خله لحد مايولف عليك اشوي لاتخوفة منك ويكرهك لأن الطير إذا كرهك يبلك مدة طويلة علشان يرجع مثل ماكان وأفضل شي حط لة استاند ووقفة علية ولا تورية القفص وخلة صدقني بعد كم اسبوع راح تشوف العجب , انا طيري كان شرس إلى ابعد درجة وخليتة على الاستاند وكل يوم اجي اكلمة واغير لة اكل وأكلة من يدي بعد اسبوعين او ثلاثة تقريباً صار مافية احسن منة . وفي النهاية اقولك عليك بالصبر الصبر الصبر لاتستعجل

[المري1]

مشكور كاسكوكيه على الاهتمام والاجابة

الاخ بو ريان : اذا حطيته عل الاستاند اخلي في رجله سلسلة أو ماللسلسلة داعي ؟؟؟؟؟

[طير حر]

ابسط طريقه يالمري
خذ لك قفازات جلديه تكون متينه شوي وجوف شغلك معاه
جمن يوم الا الطير مايحتاي
والسالفه لايبيلها علم ولادكتوراه خخخ

[كاسكوكيه]

و انا اكتب لكم هالمشاركه توني هااااااه في هالدقيقه و الثانيه قدرت اني اخلي شامبيه يوقف على القفاااااااز من دون ما امسك له وحده من ريوله (اثبته) طبعن هوه عنده مقاومه بسيطه و ان شاء الله بتشجع و بضحي بايدي

و صرت اطلعه ع القفاز .. و امشيه في الغرفه و ارجعه للقفص ماله بكل بساطه :D

و اخيرن السهر ياب نتيجه :D

[المري1]

عموما انا ماشي على خطتي الاولية

بعد اسبوعين بطلعه ان شا الله

وبعدين لكل حادث حديث

[كاسكوكيه]

:)

نترياااك تقوللنا عن التجربه ^^

موفق خير