اهل البحرين ... وينكم ؟!؟!

[M a Y e D]

السلام عليكم ورحمة الله وبركاته

يا جماعة الخير انا الحين في مملكة البحرين الحبيبة ... وهذي اول زياره لي وما شاء الله عليها وايد حلوه واهلها احلى ... وحجيهم يخبل :D

حبيت اعرف وين مكان محلات الطيور اللي يبيعون ستاندات الطيور وعلى كم اسعارهم ، ووين سوق الطيور .... للعلم انا ساكن في الجفير.


واتريا ردودكم الحلوه :)

[طير حر]

وعليكم السلام ورحمة الله

محل "عزام" عنده قفاصه كشحه (مثل الي تجوفهم في الافلام) وعنده كذا نوع ستدات واكسسوارات
ويصير في منطقة (البرهامه) على نفس الشارع الي فيه مجمع راكان لبيع السيارات
وذي رقمه 17550564

[M a Y e D]

مشكور اخوي طير حر ... وما قصرت :)

[M a Y e D]

اخوي طير حر انا رحت للمحل ولقيت عنده 2 استاند بس .

انا بغيت اشكال غير ، ويا ريت اللي يعرف محل ثاني يخبرني.

وبغيت اعرف وين المحلات اللي تبيع الطيور ؟؟؟؟

[الكاسيكو]

السلام عليكم اخي العزيز يوجد محلات كثير لبيع الطيور ومستلزماتها عندك مثل ماقال الاخ عند عزام ويوجد محلات كثيره في سوق مدينه حمد (سوق واجف) ويوجد محلات في منطقه تسمى جدعلي

[M a Y e D]

مشكور اخوي الكاسيكو

وان شاء الله اليوم بحاول اروح :)

[طير حر]

شسمه الي في جد على
ارض الاحلام ؟ والا الاحلام للطيور؟

[M a Y e D]

السلام عليكم ورحمة الله وبركاته

انا رحت لسوق واقف ولقيت فيه محلين للطيور جنب بعض ، والصراحه عنده طيور وايد حلوه بس للاسف ما اقدر اشتريهم لاني صعبه ادخلهم من الحدود :(

بس دورت على ستاند للكاسكو لكن ما لقيت بجرب اروح للمحل اللي في جدعلي.

مشكورين وايد :)

[طير حر]

للعلم
المحل الي في جد علي مافي
ماعنده الا استاند ارضي ارتفاعه 30 سم تقريبا

وسوق واقف الصفه الي في صفة الدانه للطيور عنده نوعين واحد ارتفاعه متر وواحد ب6 ارتفاعه متر ونص ب11 او 10
بس دزاينهم مب شي كلش ..

[M a Y e D]

انا شفت اللي في سوق واقف لقيت نوعين صح بس مب شي بصراحه

انا اللي ادور عليه مثل هذا الشكل بس مب شرط بالضبط

http://www.birdscomfort.com/Image/bird_stand.jpg

[M a Y e D]

محد يعرف ؟!؟!؟؟!؟

[بحريني رومنسي]

عندك في المحرق!! يم راامز من جدام فيه محلين و خلف راامز في بعد 3 محلات!!
و اسأل عن محد مجابل مدرسة المحرق التجاريه في المحرق
في محل مجاابله بعد فيه طيوور وخراابيط
و صووب المدرسه بعد حوالينه اسأل بيدلوونك اهنااك
وتحياتي العيفه لك وسلملمــــــــــــــ،،،

[M a Y e D]

تسلم يالرومانسي :)

وان شاء الله اليوم بروح

[M a Y e D]

مشكورين يا شباب البحرين البحرين على الردود الحلوه وما قصرتوا بصراحه كفيتوا ووفيتوا ... بس للاسف انا لفيت على كل المحلات اللي خبرتوني عنها ولكن ما لقيت لستاند اللي ادور عليه الظاهر مب موجود في البحرين.

على العموم مشكورين وايد ولكم جزيل الشكر والاحترام :)