كيف أعلم الكاسكور الاستلقاء؟

[dubaipant]

السلام عليكم ورحمه الله وبركاته

يعطيكم العافيه على هذا المجهود الطيب
الحمد لله رب العالمين قدرت اعلم روزي (الكاسكو) اتميز الالوان الاصفر و الاخظر و الاحمر و علمتها اني لما اناديها تجديني وعلمتها السلااام يعني لما حد يقولها سلام عليكم ترفع رجلها الايمن
للعلم ان عمرها 5 شهوور
لمهم انا اليوم ابي طريقه اني اعلمها الاستلقاء على الظهر كيف حاولت وايد ولكني حسيتها اتضايقت

طريقتي في التعليم كانت اني اخلي الطير على ايدي و ألف ايدي بحيث الطير يكون على تحت و انزله شويه شوي على الارض لكن اول ما ظهر الطير يوصل للأرض احسه يتضايق و يدز ايدي لبعيد

[كاسكوكيه]

بحط لك رابط عشان تعلم الطير .. شوي شوي انه ينام على ظهره

في الفيديو يعلمك الريال كيف تحطه على ظهره..

اول شي و بالتدريج.. شوي شوي علمه انه يتعود انك تمسحه.. و شوي شوي الين توصل انك تمسك ظهره.. و شوي شوي خله يحس انه يوم شوي تخليه ينحني معاك انه هالشي امن ولا بيضره.. و كل مره حاول تنزله اكثر و اكثر.. طبعن كل ما يخليك تمسكه و تنحني به عطه مكافأه .. وشوي شوي بيتعود على الحركه و ما بتضايقه

و هذا هوه الرابط

http://www.youtube.com/watch?v=xM_LNoNqlZc

طبعن الريال عنده المكاو و هذا حجمه اكبر من الكاسكو

موفق خير
ان شاء الله اكون فدتك
:)

[عاشق الببغاء 2]

شكرا لمرورك كاسكوكيه دوما جاهزة بالردود..............

[كاسكوكيه]

العفو :)

حاااااااااااااضرين .. و ترانا نفيد و نستفيد :D

[عاشق الببغاء 2]

بارك اله فيك .........