كاسكوكيه
08-10-2008, 03:02 PM
السلام عليكم و رحمة الله و بركاته
هذا الجزء الثالث من مجهودي الشخصي في طرح دوره تدريبيه حول تدريب الببغاءات.. طلب البعض دروس لتعليم الطيور بعض الخدع أو الحركات و هذا اللي قدرت احصله لكم .. السموحه ع التأخير بس لانه التدريس ماخض معظم وقتي :)
الدوره الأولى (http://http://www.2zoo.com/vb/showthread.php?t=78063)
الدوره الثانيه (http://http://www.2zoo.com/vb/showthread.php?t=78613)
تعليم الطير الشقلبه
http://www.youtube.com/watch?v=nN9OEAcS8yw
في هالفيديو.. بنتعلم كيف نعلم الطير يسوي حركات .. اول شي لازم نتبه له انه الحركه "الخدعه" تتطور من حركه يسويها الطير في يومه العادي .. و هالشي ينطبق على جميع الطيور و حتى الحيوانات .. فمثلا لو الطير يرفع يناحه.. تقدر تعلمه يرفع يناحه متى ما تعطيه انته امر .. ولو كان الطير يستلقي على ظهره مثل معظم طيور الكونيور تقدر انته تعلمه أمر كل ما يسمعه يقوم و ينام على ظهره..
أفضل طريقه عشان تعلم طيرك يسوي حركات او خدع.. انك تستخدم حركه عاديه يسويها الطير و تعلمه يسويها مع الأمر..
الحرمه هنيه تتكلم عن تجربتها مع الحركه اللي علمتها لطيرها في هالفيديو و هيه "الشقلبه" .. و هيه قالت الطير متعود انه ينام على ظهره.. فبمجرد ما انها تقول له الأمر "تشقلب" طبعن هيه تقوله بالانجليزي ^_^
و الحين الطريقه عشان تعلمون طيوركم :)
مع الطيور الصغيره.. اللي نقدر نسمكها في راحة ايدنا.. اول شي خلها تكون مرتاحه و هيه نايمه على ظهرها في راحة ايدك..
** هالشي مش مذكور في الفيديو بس الطريقه عشان تخلي الطير ينام في ايدك انك اول شي تعلمه انه يتعود عليك وانته تمسح على ظهره.. و شوي شوي مع الايام.. يوم بيتعود عليك تمسح على ظهره.. امسك الطير و هوه على ايدك و ايدك الثانيه على ظهره.. انحني بايدك شوي و انته ساند ظهره كأنك بتنيمه على ظهره.. بس لا تنزل وايد بالطير لانه ما بيكون مرتاح.. و كافأه لو ما تحرك.. كرر الحركه و كل مره زيد انحناء الطير حتى توصل مرحله يكون الطير فيها شبه نايمه على ظهره و للفايده شوفو هالفيديو بس لا تنسون المكافأه
http://www.youtube.com/watch?v=xM_LNoNqlZc
المهم نرجع للفيديو الأول .. ^^ بعد ما تعلم الطير ينام على ظهره و خلاص تجرب الحركه معاه اكثر من مره و تتأكد انه متطمن فيها.. تقول الحرمه في الفيديو .. انه علينا انلاحظ على الطير.. لو حاول انه يعتدل من الوضع اللي هوه عليه على ظهره .. و الطريقه الي بيتبعها انه يمسك اصابعها بريوله و بينجلب.. اللي علينا انسويه انا .. نربط حركة الطير و هوه يحاول ينعدل بأمر .. مثل تشقلب!! كيف نعزز حركة الشقلبه؟ الطريقه.. و الطير نايم على ظهره.. حاول انك بحركه بسيطه تحط اصبعك في اخر ظهره و شوي شوي تساعده يتقلب.. او انك تميل بايدك للورا شوي عشان يحس انه يقدر ينقلب.. و انته تسوي هالحركه قول الأمر اللي تريده مثل "تشقلب"
و تقدر تساعده يتشقلب لما يوقف مستوي على ايدك :)
طبعن الطير بيربط الأمر "تشقلب" مع الحركه و المكافأه بانه هالأشياء مرتبطين.. فكل ما تقول "تشقلب" الطير بيتشقلب و بينتظر منك المكافأه.. ^_^
و الأخت اللي في الفيديو علمت الطير حركه .. بانها كل ما تريد الطير يتشقلب.. تروح ترخي ايدها عنه.. و هالشي عشان تخلي الطير يسمع كلام الغير.. فمثلا هيه قالت الكلمه "علكه" و بنقس الوقت رخت ايدها عن الطير فتشقلب.. و طلبت من واحد من طاقم التصوير انه يقول كلمه فاختار "سمك" و بمجرد ما قال الكلمه راحت الحرمه رخت ايدها و تشقلب الطير.. هالحركه حلوه عشان تكشخون بطيوركم جدام الخلق :D
تعليم الطير كيف يمر من خلال حلقه
http://www.youtube.com/watch?v=VGSlV91P8WY&feature=related
الطير اللي اتجوفوه في الفيديو اول مره يتعلم هالحركه.. تابعوه زين لانكم بتحسون قد شو ممكن انه الواحد يبدأ من الصفر و لكن يوصل لنتيجه في الاخير ..
اول شي خل الطير يجوف الحلقه و يتطمن من وجودها.. و خل الحبوب جاهزين عدالك للمكافأه.. اول شي .. امسك الأكل و حط الحلقه بين الطير و بين الحبه اللي انته ما سكنها.. كل ما يتجرب الطير من الحلقه يحاول انه يوصل للحبوب .. كافأه.. خله يحس بطعم الحبوب.. و استمر بنفس الحركه ألين ما يقدر الطير يدخل من الحلقه و يمرر جسمه كامل من خلالها ...
ويقول الريال .. انه الطير الي يدربها كانو معلمين امها تلعب سله.. فلما شافت كيف انهم يكافؤون امها كل ما دخلت الكوره في السله .. حاولت انها تدخل الكوره مثل امها و بدت تلعب سله.. الحلو في الموضوع انه لو كان عندك طير متعلم كون متأكد انه الطير الثاني بيتعلم منه :)
و هالشي بتجوفوه في هالفيديو عند الدقيقه: 4:50 و لنهاية الفيديو
http://www.youtube.com/watch?v=V1lPIltqNqc
الطير الأبيض عمرها سنتين و الأخضر عمره 18 شهر .. بس عنده صعوبه في تعلم الحركات ..
اللي يصير انه الطير الأخضر بيحاول انه يحصل الحبوب .. فبيقلد الطير و بيمسك الكوره :)
لاحظو كيف تتنافس الطيور عنده عشان تحصل المكافأه !!
في نهاية الفيديو.. قال الريال انه ممكن الطير يقلد حركه يسووها شخصين.. و الطير يعتبر اي شي يصير جدامه مثال و يتبع اسلوب المحاكاه في التعلم .. (التقليد) و بتلاحظون في الفيديو الي بحط الرابط ماله الحين .. كيف انه الببغاء اتجوف راعيها شو يسوي و تسوي مثله
http://www.youtube.com/watch?v=xytTn-t_0ds&feature=related
تعليم الطير كيف يلوح بايده عند السلام
يبدأ المدرب في هالفيديو بشرح اهم شي الواحد يمكن يتبعه في تدريب الطير.. اول شي انك تاخض الطير لمكان غير القفص.. حاول انه يكون مكان مستقر ما تغيره في كل مره.. و هوه اختار طاولة المطبخ.. و جهز له الحبوب عشان كل ما سوى شي صح تعطيه مكافأه.. بهالطريقه انته بتعود الطير انكم يوم تكونون في هالمكان انتو مب يالسين بس تضيعون وقت.. انتو يالسين تتعلمون :)
المهم.. المدرب بيشرح كيف علم الطير يلوح يوم يقول له هاي... اول شي.. لازم تلوح بايدك جدامه عشان يعرف الحركه.. و بعدين .. عطه امر انه يوقف على ايدك .. و اول ما تجوفه رفع ريله عشان يركب علي ايدك بعد ايدك و كافأه.. كل ما تسوي الحركه الطير بيربط حركة ايدك بانه هوه يرفع ريله و كلمة السلام و المكافأه.. بيفهم انه كل اللي لازم يسويه انه يرفع ريله و بالتعويد و تكرار الحركه بيتعلم عليها
http://www.youtube.com/watch?v=IFdZr2ejwr8&feature=related
من بعد الدقيقه الثالثه.. شرح كيف نعلم الطير لو رمينا شي يروح و اييبه الين عندنا.. هوه ما شرح كيف بدت الحركه.. بس مثل ما تعودنا انه الطير يقلد.. وانا هنيه بقترح الطريقه و ان شاء الله تكون صح :)
اول شي حط اي شي بلاستيك او خشب.. ابتعد عن المعادن عشان ما تسمم الطير.. حطه جنب الطير و بعدين شله و حطه في ايدك.. حطه امام الطير و انتظر انه يحرك الماده اللي امامه.. طبعن الطير الين ما يستوعب شو مطلوب منه ممكن انك تمل و تحس الموضوع مش ضابط.. بس بالصبر و تجرب اكثر من طريقه عشان تمثل الحركه جدامه بيستوعب عليك.. المهم كافيء الطير قد ما تقدر :) ولا تفقد الأمل منه
و من هالحركه بيصير سهل عليك انك تعلمه كرة السله.. و فيها نفس المفهوم... جرب جدامه كم مره و بيستوعب شو المطلوب منه ^^
و بالنسبه لحركة جمع الأكواب.. بدوا بكوبين بس.. و الطير تعلم من بعد ما لاحظ الناس يجمعون الأكواب من على الطاوله .. واخر شي راجع معاها الحركه الي علمها اياها و اللي هيه انه تدخل في الحلقه ^_^
اهم شي انك تلاحظ انه الموضوع متدرج .. يعني من جمع المفاتيح للعب كرة السله.. دايمن اربط المفهوم .. في الحركات و تدرج فيها..
ان شاء الله تكونون استفدتو .. :)
و للي بيجرب نتريا نجاحاته في الموضوع التالي ^_^
$تجربتي$ (http://http://www.2zoo.com/vb/showthread.php?t=77898)
هالموضوع طرح فيه الكثير من الأخوان تجاربهم الناجحه اللي فادت غيرهم في نفس الوقت :rolleyes:
^_^
هذا الجزء الثالث من مجهودي الشخصي في طرح دوره تدريبيه حول تدريب الببغاءات.. طلب البعض دروس لتعليم الطيور بعض الخدع أو الحركات و هذا اللي قدرت احصله لكم .. السموحه ع التأخير بس لانه التدريس ماخض معظم وقتي :)
الدوره الأولى (http://http://www.2zoo.com/vb/showthread.php?t=78063)
الدوره الثانيه (http://http://www.2zoo.com/vb/showthread.php?t=78613)
تعليم الطير الشقلبه
http://www.youtube.com/watch?v=nN9OEAcS8yw
في هالفيديو.. بنتعلم كيف نعلم الطير يسوي حركات .. اول شي لازم نتبه له انه الحركه "الخدعه" تتطور من حركه يسويها الطير في يومه العادي .. و هالشي ينطبق على جميع الطيور و حتى الحيوانات .. فمثلا لو الطير يرفع يناحه.. تقدر تعلمه يرفع يناحه متى ما تعطيه انته امر .. ولو كان الطير يستلقي على ظهره مثل معظم طيور الكونيور تقدر انته تعلمه أمر كل ما يسمعه يقوم و ينام على ظهره..
أفضل طريقه عشان تعلم طيرك يسوي حركات او خدع.. انك تستخدم حركه عاديه يسويها الطير و تعلمه يسويها مع الأمر..
الحرمه هنيه تتكلم عن تجربتها مع الحركه اللي علمتها لطيرها في هالفيديو و هيه "الشقلبه" .. و هيه قالت الطير متعود انه ينام على ظهره.. فبمجرد ما انها تقول له الأمر "تشقلب" طبعن هيه تقوله بالانجليزي ^_^
و الحين الطريقه عشان تعلمون طيوركم :)
مع الطيور الصغيره.. اللي نقدر نسمكها في راحة ايدنا.. اول شي خلها تكون مرتاحه و هيه نايمه على ظهرها في راحة ايدك..
** هالشي مش مذكور في الفيديو بس الطريقه عشان تخلي الطير ينام في ايدك انك اول شي تعلمه انه يتعود عليك وانته تمسح على ظهره.. و شوي شوي مع الايام.. يوم بيتعود عليك تمسح على ظهره.. امسك الطير و هوه على ايدك و ايدك الثانيه على ظهره.. انحني بايدك شوي و انته ساند ظهره كأنك بتنيمه على ظهره.. بس لا تنزل وايد بالطير لانه ما بيكون مرتاح.. و كافأه لو ما تحرك.. كرر الحركه و كل مره زيد انحناء الطير حتى توصل مرحله يكون الطير فيها شبه نايمه على ظهره و للفايده شوفو هالفيديو بس لا تنسون المكافأه
http://www.youtube.com/watch?v=xM_LNoNqlZc
المهم نرجع للفيديو الأول .. ^^ بعد ما تعلم الطير ينام على ظهره و خلاص تجرب الحركه معاه اكثر من مره و تتأكد انه متطمن فيها.. تقول الحرمه في الفيديو .. انه علينا انلاحظ على الطير.. لو حاول انه يعتدل من الوضع اللي هوه عليه على ظهره .. و الطريقه الي بيتبعها انه يمسك اصابعها بريوله و بينجلب.. اللي علينا انسويه انا .. نربط حركة الطير و هوه يحاول ينعدل بأمر .. مثل تشقلب!! كيف نعزز حركة الشقلبه؟ الطريقه.. و الطير نايم على ظهره.. حاول انك بحركه بسيطه تحط اصبعك في اخر ظهره و شوي شوي تساعده يتقلب.. او انك تميل بايدك للورا شوي عشان يحس انه يقدر ينقلب.. و انته تسوي هالحركه قول الأمر اللي تريده مثل "تشقلب"
و تقدر تساعده يتشقلب لما يوقف مستوي على ايدك :)
طبعن الطير بيربط الأمر "تشقلب" مع الحركه و المكافأه بانه هالأشياء مرتبطين.. فكل ما تقول "تشقلب" الطير بيتشقلب و بينتظر منك المكافأه.. ^_^
و الأخت اللي في الفيديو علمت الطير حركه .. بانها كل ما تريد الطير يتشقلب.. تروح ترخي ايدها عنه.. و هالشي عشان تخلي الطير يسمع كلام الغير.. فمثلا هيه قالت الكلمه "علكه" و بنقس الوقت رخت ايدها عن الطير فتشقلب.. و طلبت من واحد من طاقم التصوير انه يقول كلمه فاختار "سمك" و بمجرد ما قال الكلمه راحت الحرمه رخت ايدها و تشقلب الطير.. هالحركه حلوه عشان تكشخون بطيوركم جدام الخلق :D
تعليم الطير كيف يمر من خلال حلقه
http://www.youtube.com/watch?v=VGSlV91P8WY&feature=related
الطير اللي اتجوفوه في الفيديو اول مره يتعلم هالحركه.. تابعوه زين لانكم بتحسون قد شو ممكن انه الواحد يبدأ من الصفر و لكن يوصل لنتيجه في الاخير ..
اول شي خل الطير يجوف الحلقه و يتطمن من وجودها.. و خل الحبوب جاهزين عدالك للمكافأه.. اول شي .. امسك الأكل و حط الحلقه بين الطير و بين الحبه اللي انته ما سكنها.. كل ما يتجرب الطير من الحلقه يحاول انه يوصل للحبوب .. كافأه.. خله يحس بطعم الحبوب.. و استمر بنفس الحركه ألين ما يقدر الطير يدخل من الحلقه و يمرر جسمه كامل من خلالها ...
ويقول الريال .. انه الطير الي يدربها كانو معلمين امها تلعب سله.. فلما شافت كيف انهم يكافؤون امها كل ما دخلت الكوره في السله .. حاولت انها تدخل الكوره مثل امها و بدت تلعب سله.. الحلو في الموضوع انه لو كان عندك طير متعلم كون متأكد انه الطير الثاني بيتعلم منه :)
و هالشي بتجوفوه في هالفيديو عند الدقيقه: 4:50 و لنهاية الفيديو
http://www.youtube.com/watch?v=V1lPIltqNqc
الطير الأبيض عمرها سنتين و الأخضر عمره 18 شهر .. بس عنده صعوبه في تعلم الحركات ..
اللي يصير انه الطير الأخضر بيحاول انه يحصل الحبوب .. فبيقلد الطير و بيمسك الكوره :)
لاحظو كيف تتنافس الطيور عنده عشان تحصل المكافأه !!
في نهاية الفيديو.. قال الريال انه ممكن الطير يقلد حركه يسووها شخصين.. و الطير يعتبر اي شي يصير جدامه مثال و يتبع اسلوب المحاكاه في التعلم .. (التقليد) و بتلاحظون في الفيديو الي بحط الرابط ماله الحين .. كيف انه الببغاء اتجوف راعيها شو يسوي و تسوي مثله
http://www.youtube.com/watch?v=xytTn-t_0ds&feature=related
تعليم الطير كيف يلوح بايده عند السلام
يبدأ المدرب في هالفيديو بشرح اهم شي الواحد يمكن يتبعه في تدريب الطير.. اول شي انك تاخض الطير لمكان غير القفص.. حاول انه يكون مكان مستقر ما تغيره في كل مره.. و هوه اختار طاولة المطبخ.. و جهز له الحبوب عشان كل ما سوى شي صح تعطيه مكافأه.. بهالطريقه انته بتعود الطير انكم يوم تكونون في هالمكان انتو مب يالسين بس تضيعون وقت.. انتو يالسين تتعلمون :)
المهم.. المدرب بيشرح كيف علم الطير يلوح يوم يقول له هاي... اول شي.. لازم تلوح بايدك جدامه عشان يعرف الحركه.. و بعدين .. عطه امر انه يوقف على ايدك .. و اول ما تجوفه رفع ريله عشان يركب علي ايدك بعد ايدك و كافأه.. كل ما تسوي الحركه الطير بيربط حركة ايدك بانه هوه يرفع ريله و كلمة السلام و المكافأه.. بيفهم انه كل اللي لازم يسويه انه يرفع ريله و بالتعويد و تكرار الحركه بيتعلم عليها
http://www.youtube.com/watch?v=IFdZr2ejwr8&feature=related
من بعد الدقيقه الثالثه.. شرح كيف نعلم الطير لو رمينا شي يروح و اييبه الين عندنا.. هوه ما شرح كيف بدت الحركه.. بس مثل ما تعودنا انه الطير يقلد.. وانا هنيه بقترح الطريقه و ان شاء الله تكون صح :)
اول شي حط اي شي بلاستيك او خشب.. ابتعد عن المعادن عشان ما تسمم الطير.. حطه جنب الطير و بعدين شله و حطه في ايدك.. حطه امام الطير و انتظر انه يحرك الماده اللي امامه.. طبعن الطير الين ما يستوعب شو مطلوب منه ممكن انك تمل و تحس الموضوع مش ضابط.. بس بالصبر و تجرب اكثر من طريقه عشان تمثل الحركه جدامه بيستوعب عليك.. المهم كافيء الطير قد ما تقدر :) ولا تفقد الأمل منه
و من هالحركه بيصير سهل عليك انك تعلمه كرة السله.. و فيها نفس المفهوم... جرب جدامه كم مره و بيستوعب شو المطلوب منه ^^
و بالنسبه لحركة جمع الأكواب.. بدوا بكوبين بس.. و الطير تعلم من بعد ما لاحظ الناس يجمعون الأكواب من على الطاوله .. واخر شي راجع معاها الحركه الي علمها اياها و اللي هيه انه تدخل في الحلقه ^_^
اهم شي انك تلاحظ انه الموضوع متدرج .. يعني من جمع المفاتيح للعب كرة السله.. دايمن اربط المفهوم .. في الحركات و تدرج فيها..
ان شاء الله تكونون استفدتو .. :)
و للي بيجرب نتريا نجاحاته في الموضوع التالي ^_^
$تجربتي$ (http://http://www.2zoo.com/vb/showthread.php?t=77898)
هالموضوع طرح فيه الكثير من الأخوان تجاربهم الناجحه اللي فادت غيرهم في نفس الوقت :rolleyes:
^_^