المساعد الشخصي الرقمي

مشاهدة النسخة كاملة : هع هع بديت تدريب الببغاء

a.s.a
10-10-2008, 05:37 PM
السلام عليكم

كيف حالكم؟؟

اخواني انا اليوم بديت ادرب ببغائي وصراحه التجربه كانت اسهل من المتوقع


المهم في البدايه جوعته ووديته للغرفه

ولبست القفاز واول ما طلعته طار (ما قصيت اجنحته) :)


المهم كبدايه سيئه له اول ما طار راح على الطاقه وصقع صقعه خوفني عليه بس الحمد لله

جت سليمه واروح واحجره في زاويه واعطيه طرف اصبع القفاز (ويكون اصبعي الصدقي في نص اصبع القفاز

عشان ما اتعور

وبعدين سرت اقوله اطلع وغصبن عنه امسكه مع رجله والهيه بالقفاز الثاني يعضعضه


المهم ان التجربه سهله واي واحد ببغاءه وحشي لا يتردد ويستصعب الترويض

بس المسكين سار في الاخير يلهث تععععب ممررررره

قمت دخلته القفص وبكره بكمل معه

بس المشكله مو راضي ياكل من يدي يرمي الاكل :(

وادعوا لي بالتوفيق معه ..
a.s.a
10-10-2008, 06:07 PM
واخاف ان واحد يقول هذا تعذيب مو تدريب

المهم انا قلت بنفسي (اسبوع عذاب وسنين دلع احسن من سنين عذاب بدون اي دلع)


ولا تحرمونا من الردود واللي عنده طريقه احسن يحطها عشان نستفيد

وشكرا
طير حر
10-10-2008, 06:15 PM
-لاتجوع الطير وهذي خاطئه للتدريب وحرام
و من الافضل انك نأكله من بره القفص عشان يشعر بالامان ويتطمن انك ما بتضره
ويا عزيزي تتعلم اطلعه على يدك اول بتكون افضل الخطوات كبدايه وبتلقى موضوع مثبت جدا بيفيدك
بالتوفيق
*(الدلوع)*
10-10-2008, 06:18 PM
حلوه الجملة الاخيره أعجبتني
a.s.a
10-10-2008, 06:26 PM
اخوي طير حر :

انا في البدايه خليت الببغاء شهرين وانا اللي اغير له الاكل وكل شي واجيب له العاب

المهم الين ما وقف جعير بديت ادربه وعلى فكره طريقت التدريب اللي متبعها في مسك رجل الطير

من المواضيع المثبته وشاكر لك مرورك


اخوي دلوع:


ههههههههه حسيت وانا اكتبها اني حكييييييم لوووول

ونورت الموضوع
a.s.a
10-10-2008, 06:28 PM
وابشر ان شاء الله

منب مجوعه لاني فعلن حسيته بدون قوه حتى وهو يعض

وشكرا ننتضر الردود
المري1
11-10-2008, 04:52 AM
طيري بدا ياكل من يدي من اول اسبوع

طريقتي اني بعد اسبوع حرمته من الحب الشمسي اللي يحبه وحطيتله الاكل المفيد بس : فواكه وخضار وحبوب وبيض ولحم

اما الحب الشمسي فما ياكله الا من يدي

طبعا جبت مجموعة وكل مااعطيته حبه يرميها ، رمى تقريبا 20 حبه لين طفش وصار ياكل من يدي وبعدها استمر بالاكل من يدي هذه الطريقة لها فائدتين :

الاولى انه ياكل الاكل المفيد اللي تحطه له في القفص

الثانية : انه يتعود ياكل من يدك الاكل اللي يحبه

جرب وعطنا الاخبار
عاشقة الطيور
11-10-2008, 11:57 AM
وعليكم السلام ورحمة الله وبركاته

مبرووك على التقدم .. وان شاءالله على طول في تقدم

واذا تبيه ياكل من يدك شيل عنه الاكل فتره قصيره وابتدي اكله من خارج القفص وبعدين من الداخل ولازم ماتحرك يدك حاول تصبر واذا كلش ماخذ خله يرتاح ورد له بعد جم ساعه وهكذا لما ان شاءالله بيبتدي ياكل

وبالتوفيق ان شاءالله
a.s.a
11-10-2008, 02:54 PM
الله يعطيكم العافيه على نصايحكم


اليوم حاولت تدريبه مره ثانيه لاكن يبيله وقت

المهم انا جربت هذي الطريقه اللي هي من برا القفص اوكله بعد تجويعه

لاكن سويتها ثلاث ايام ولا نفعت بس خففت من الجعير اللي كان يطلعه اول

وانا ابي اسال اني المن اخليه يعضعض القفاز الين ما يمل وانا ما اتعور هل بيترك العض؟؟

واشكركم مره اخرى على افادتي

ونورتوا الموضوع
عاشقة الطيور
11-10-2008, 03:08 PM
اخوي في البدايه ممكن ماتنفع لكن مع الاستمرار بتجوف النتيجه بأذن الله

بيترك العض ان شاءالله .. الطيور لين تعض تبينه نهدها ومانجرب منها هذي طريقتها للدفاع عن نفسها وطيرك لما يعضك وماتسوي شي مثل تتعور وتهده او تخاف يخليه ييأس لما يترك هالعاده

بالتوفيق
a.s.a
11-10-2008, 04:18 PM
جزاك الله خير

وانا اشكرك ياعاشقت الطيور

لان كل موضوع ادخله اشوفك من اول من يساعد ويعطي من خبرته

وشكرا..
عسولي
12-10-2008, 02:36 AM
اخوي انا جربتها قبل كم يوم

ولقيت انها متعه

والي يقول الطير يجعر ويبيله ترويض ويكبر ويهول الموضوع هذا انسان غير ناصح

انا جربتها مع احد طيوري

وخلال ساعه

الجعره خفففففففففت 80%

والحين اقرب يدي من القفص ولا يجعر واغير الاكل وانظف القفص بدووووون جعير

والعمليييييييية سهله جدا

بس يبيلها شوي وقت

عشان الطيور تخاف من القفاز

بس شوي وتعود عليها

اهنيك ياخوي على البداية الطيبة وطرح الفكره

تقبل تحياتي
أبو ريـــــــــــــان
12-10-2008, 05:01 AM
أخوي a.s.a

طريقتك ممتازة وتعجبني شجاعتك وخلك على منت علية لين يلين راسة يمكن يطفشك أشوي بالعناد لاكن لاتزهق بسرعة خلك معاه كل يوم لحد مايصير خاتم بين ايدينك .


ملاحظة : لو لاحظتة بعد كم يوم هجد حاول معاه بدون قفاز لاكن انتبة على يدك إذا بغى يعضك لاتوخر يدك بسرعة
a.s.a
12-10-2008, 01:24 PM
يعطيكم العافيه والله نورتوا الموضووع

ومن جد والله ان اللي في المنتدى خوفوني مو كلهم بعضهم

لانهم يقولوا الكبير ما منه امل ولا فايده وان شاء الله اثبتلهم العكس بعد كم يوم

وان شاء الله بعد اسبوع بحاول بدون قفاز :)

وشكرا..
a.s.a
12-10-2008, 03:37 PM
والله معنوياااااااااااااااااااات ونفس الوقت تحطيييم


119 واحد دخل الموضوع :)

بس ما رد الا كم واحد يعطيهم العافيه :(