سؤال ثاني لاهل البحرين واهل الخبره :) [الأرشيف]

M a Y e D

11-10-2008, 08:41 AM

السلام عليكم ورحمة الله وبركاته

شباب وانا اتجول بين محلات الطيور ما شاء الله لقيت ببغاوات مش موجوده عندنا في الامارات وما شاء الله الاسعال رخيصه مب مثل اسعارنا ... يعني

سعر فرخ الكاسكو في البحرين 1400 درهم (140 دينار) وفي الامارات 3000 او 2500 درهم

وسعر الامازون في البحرين يبدا 3500 درهم (350 دينار) وعندنا يوصل 10000 درهم،

وطبعا الدره الصفرا والزرقاء والرصاصيه نادره عدنا واسعارها نار بس هني موجوده والزوج بـ 80 دينار يعني 800 درهم يعني يا بلاش :(

صرت افتر على المحلات واطالع بس يعني على قولة المثل " شوف وحراق يوف " :)

شباب بغيت اشتري كم طير من البحرين بس مب عارف كيف اوصلهم للامارات لاني ياي بالطياره ... حد عنده طريقة لتوصيل الطير للامارات تكفون خبروني

كاسكوكيه

11-10-2008, 09:22 AM

و عليكم السلام و الرحمه
أخوي انا من الإمارات.. و اشتريت ببغاء أفريقي فرخ عمره 5 شهور من شهر بس بـ 1500 ما عرف انته من وين استمته في الامارات بس هذا السعر الي انا خضته به.. :)
و غيري بعد .. ^^
بس لو حطيت عينك على شي من طيور البحرين.. ترا خليجنا واحد :D
و لا تخليه يكون شوف و حراق يوف :D

موفق خير و ترجع بالسلامه

M a Y e D

11-10-2008, 09:37 AM

هلا اختي كاسكوكيه

الطير اللي عندج عليه حلق ؟؟؟

لان اختي اسعار الكاسكو اللي عليه حلق ويكون صغير على 2500 او 3000 درهم وروحي السوق وسالي ، صح بتلقين اللي ما عليهم حلق ينباعون في سوق الشارجه على 1500 بس مب جامبو .

وصح كلامج ان خليجنا واحد وشعبنا واحد يعيش يعيش .... احم اندمجت مع الاغنيه :)

بس المشكله ان الامارات مسويه حضر على استيراد الطيور من برع.

وبصراحه تعالي شوفي الطيور هني في البحرين كيف تينن، بتقولين اي سوق شارجه واي سوق بوظبي.

كاسكوكيه

11-10-2008, 09:44 AM

طير حر

11-10-2008, 10:01 AM

الاجابه في كلمة وحده

تهريب

كاسكوكيه

11-10-2008, 10:10 AM

=$

الله أعلم!!

M a Y e D

11-10-2008, 12:54 PM

^^

صح طيري مش محيّل.. و تراه مستورد وصل من المطار ع طول استلمه اخوي :D

و هوه جامبو.. و عمره 5 شهور و بـ 1500

و هاي صورته

http://www.2zoo.com/vb/showthread.php?t=78353

المشكله اخوي ما طاع يقول اسم ربيعه وهو الريال اللي مسوي مزرعه و يستورد ..

سمعتهم يمدحون مزرعة بن غليطه.. تقدر تشيك عندهم بعد :)

هلا اختي كاسكوكيه

ما شاء الله ما شاء الله على طيرج وايد حلو تف تف تف عن احسده :)

الظاهر الموضوع داخله في الواسطه مدام انه اخوج مب راضي يقول اسم ربيعه.

واذا تقدرين تقنعينه انا ابا اثنين والدفع كاش.

وبالنسبه لابن غليطه انا كلمته في رمضان وقال ما عنده حاليا وبعدين هو يبيعهم على 3500 درهم للفرخ.

حاولي في اخوج ولج مني الحلاوه قصدي الدلاله :D

M a Y e D

11-10-2008, 12:56 PM

الاجابه في كلمة وحده

تهريب

اخوي طير حر ادري انه ماشي غير تهريب بس كيف وانا ياي بطياره :confused:

الا يوجد سليوشن (حل) ثاني :D

كاسكوكيه

11-10-2008, 01:09 PM

بس على فكره طير حر

انته شككتني و خليتني ادور القفص اللي واصل من الطياره ع طول و فيه الطيور.. موجودع عليه ختم و ملصقات و سالفه =$

كيف بعد تهريب لو جيه السالفه؟؟؟

:(

طير حر

11-10-2008, 01:11 PM

ما لك الا تجي خط !

كاسكوكيه

11-10-2008, 01:11 PM

أخبار الكسر الي من الحادث ؟؟! يا طير حر؟؟

طير حر

11-10-2008, 01:14 PM

بس على فكره طير حر

انته شككتني و خليتني ادور القفص اللي واصل من الطياره ع طول و فيه الطيور.. موجودع عليه ختم و ملصقات و سالفه =$

كيف بعد تهريب لو جيه السالفه؟؟؟

:(

لا
كلهم يطلعون بشهادة صحية من البلد الام ولازم ينحجر عليهم للفحص الطبي بعد
والمشكله ان هاذي لطيور لين تنباع في المحلات للأسفف تكون ما لها
شهاده صحيه ولاجواز :( لانها للبيع المحلي فقط

طير حر

11-10-2008, 01:15 PM

أخبار الكسر الي من الحادث ؟؟! يا طير حر؟؟
الحمد لله طيب
شكرا على السؤال كاسكوكيه

أبو ريـــــــــــــان

12-10-2008, 03:59 AM

أخوي تعال عن طريق البر وهربهم من الحدود ترا المسألة سهلة جداً بالنسبة للجسر وأنا مجرب لاكن البطحا ماعندي علم عنها

M a Y e D

12-10-2008, 07:06 AM

انا بغيت طريقة غير التهريب يا ابو ريان

لانها سالفه وقصه بصراحه وتكون على اعصابك، والشي الثاني اذا صادوك بتتبهدل :(

وتسلم على المرور

أبو ريـــــــــــــان

12-10-2008, 10:01 AM

انا بغيت طريقة غير التهريب يا ابو ريان

لانها سالفه وقصه بصراحه وتكون على اعصابك، والشي الثاني اذا صادوك بتتبهدل :(

وتسلم على المرور

والله حالياً ياخوي مافية أي طريقة ثانية لأن بكل دول الخليج ممنوع استيراد الطيور للأفراد ( يعني تقدر تدخلهم بأسم محل إذا عندك )

وإذا هربت الطير وصادوك كلها غرامة 500 ريال ويتصادر عليك الطير .

M a Y e D

12-10-2008, 10:09 AM

هلا اخوي بو ريان ...

عدنا في الامارات سمحوا باستيراد الطيور من السعوديه والكويت بس ، لكن بعد ما اتييب شهاده خلو الطير من الامراض وموافقه باستيراده و و و و و و الخ الخ الخ

وبالنسبه لو صادوني يغرموني 500 ريال وياخذون الطير عيل جذيه بتغصص زياده :(

بحاول اشوف طريقه ثانيه ما فيها خساير :)

تسلم على المرور

أبو ريـــــــــــــان

12-10-2008, 10:20 AM

شوف ياخوي انا ممكن اشرح لك طريقة تهريب الطير وتراها سهلة جداً وسبق وشرحتها بالمنتدى لبعض الاعضاء وانشاءالله بيعدي معاك لاكن انت وحضك عاد هذا طبعاً لو مالقيت طريقة ثانية تجيب فيها الطير , شوف متى تبي وانا بالخدمة

M a Y e D

12-10-2008, 10:26 AM

اوك يا ابو ريان ....

خبرني كيف

كاسكوكيه

12-10-2008, 11:13 AM

بعدك أخوي مايد تجرب تهرب :D

كنت بقول شي.. بس :rolleyes:

M a Y e D

12-10-2008, 02:10 PM

لا والله بس حبيت اعرف كيف طريقة التهريب تكون يمكن نجربها مستقبلا ..... فضول يعني :D

كاسكوكيه

12-10-2008, 02:18 PM

اهاااااا!!

curiosity killed the cat

;)

أسطبلات وولف

12-10-2008, 02:35 PM

ليش ماتجرب عن طريق الشحن الجوي ..

بس قبل تستخرج لهم شهادات صحية

وتروح الى الجهات المختصة وتقول لهم أنك تبغي شهادة تصدير الى الخارج ..

طير حر

12-10-2008, 03:29 PM

اليوم بتهرب طيور باجر يتهرب اسلحه هههههههههههه

كاسكوكيه

12-10-2008, 03:57 PM

:D

ههههه صدقت طير حر.. شكله مايد يسخن ;)

M a Y e D

12-10-2008, 09:20 PM

طير حر ... كاسكوكيه

هوووووووووووووووووووووووووووس لا تخبرون حد تعالوا براويكم الاسلحة

http://www.germes-online.com/direct/dbimage/50246971/Water_Gun.jpg

http://www.lakewoodconferences.com/direct/dbimage/50312925/Water_Guns.jpg

وهاي كميه بس للاسف تصادرت قبل وصولها :D

http://image.orientaltrading.com/otcimg/5_885a.jpg

صدق انكم رايقين :)

اخوي أسطبلات وولف ....

ما عليك امر ممكن تخبرني كيف الاجراءات بالضبط

طير حر

12-10-2008, 11:07 PM

ههههههههههههههه الاولي شكله تصويب بالليزر

أبو ريـــــــــــــان

13-10-2008, 03:53 AM

أقول لك M a Y e D شكل كاسكوكيه خايفة عليك وهامها الموضوع وطير حر بعد لاكن تراكم كبرتوا الموضوع وهو مايستاهل ترا كلها طير لاراح ولا جاء عموماً لو بغيت تهرب الطير قولي وانا اعلمك الطريقة بعدين مو الحين علشان كاسكوكيه ماتقعد تحاتيك وايد http://img339.imageshack.us/img339/1610/biggrin2fj7.gifhttp://img339.imageshack.us/img339/1610/biggrin2fj7.gifhttp://img339.imageshack.us/img339/1610/biggrin2fj7.gif

M a Y e D

13-10-2008, 07:49 AM

هلا حبيب آلبي ابو ريان وينك اترياك من زمااااااااااااااااااااااااااااااااااااااان

شوف انت خبرني الطريقة على الخاص عشان نحتكر الطريقة

وبعد فتره بنزل كتاب بعنوان " تهريب الطيور عبر العصور " او بعنوان " الطيور بين الخش والدس " او شو رايك بـ " ما طار طير وارتفع الا وفي يد الحدود وقع "

وبنبيعه على الاعضاء بعشر تعشر درهم ... وبعده فتره بنصير من اصحاب الارانب :D

سوري طولت عليكم واتريا ردك :)

أبو ريـــــــــــــان

13-10-2008, 10:55 AM

هههههههههههههههههههههههههههههه والله انك رايق http://img339.imageshack.us/img339/1610/biggrin2fj7.gifhttp://img339.imageshack.us/img339/1610/biggrin2fj7.gifhttp://img339.imageshack.us/img339/1610/biggrin2fj7.gif

اوكية براسلك على الخاص

M a Y e D

13-10-2008, 08:52 PM

مشكور مشكور اخوي ابو ريان

بصراحه الطريقة حلوة وان شاء الله بحاول ... انا قلت بحاول اذا ييت عن طريق البر يعني مب اكيد :D

ما فيني يصيدوني مثل الطير :)