عندي هـ.... ادخلو وتعرفون (( عن القطط ))

[المسلمة]

:p معليش كثرة أسئلتي بس بعد يومين بشتري قطه ;) ;) المهم لا أطول عليكم أنا عندي 6هامسترات بس لمن اشتري البسه ايش أسوي معاهم أكيد البسة راح تاكل الهامسترات لأنها مفطورة على كذا :cool: ايش الحل

[قطو_Q8te]

دربالجـ
احنا اتواد اتيي تفج الباب وتدخل راسها القفص وتطالع بكيزهـ واتيي بكيزه وتطقها
و
فسفوسـ ولد اتواد
مره عض بكيزه وركض فيها بالغرفه =(
فدربالجـ
خصوصا" الهمستر من النوع الملقوف
مونفس الفار ان شاف قطوه ينحاش

[NONO]

أختي القطوه اذا تعودت عليهم ماراح تاكلهم بلعكس راح تنحاش منهم
بس خذي الحذر منها الاحتياط واجب :p انا لما هديت اعيال الغيني في الصاله
جات قطوتي بسرعه صوبهم قعدت تشوفهم لما شافتهم يتحركون صوبها راحت انحاشت منهم خايفه
اذا بتهدين الهامستر راقبيهم من القطوه كمن يوم واذا شفتي القطوه ماسوت شي اعرفي انها ماراح تاكلهم..
واتمنى اني افدتج بالمعلومات..

[العابر]

ااذا كانت صغيره يمكن تتعود مع الوقت

[المسلمة]

أشكركم جدااااااااا الله يسعدكم

[Moz3ej]

اختي نونو :
واذا شفتي القطوه ماسوت شي اعرفي انها ماراح تاكلهم

لالا .. ترى القطو غدار :eek:

يعني مره حطيت الطير الاسترالي عند قطوي ..
جالس يناظره ويجي لمه ويشمه

ماسوى له شي ابد ..
قلت تمام ماراح يسويله شي ..

لكن اليوم الثاني حطيت العصفور عند القطو .. وهجوم عليه لو اني مب موجود كان كلاه


فــ ديري بااالك المسلمه مهما يكون لا تحطي القطو عند الهامستر ..

الا اذا كنتي بتاخذين قطووووو مولود راح يتعود عالهامستر

[قطو_Q8te]

حتى لو صغير
اهم فضوليين بطبعهم القططـ
فسفوس توه صغير حمل بكيزه بحلجه وركض فيها بالغرفهـ !!