قطي فيه اسهال !!

[turki101]

السلام عليكم ورحمة الله وبركاته

انا عندي قط شيرازي, غمره تقريبا 2 ل3 شهور
اول ما شريته كانت صحته اوكي لاكني قمت اعطيه اكل معلبات تونه من وسكاس وبعد اسبوع تقريبا شفت انه يخيس عمره وفيه اسهال !!

انا الحين اعطيه دراي فوود وماي ومرات حليب بس مافي فايده وما اعرف شو اسويله بعد؟؟
وهو على هالحال من اسبوع تقريبا...

فشو هو علاج الاسهال اكرمك الله

[To zoo]

علاجه طال عمرك

انك تشيل عنه ويسكاس لانه ما ناسب معدته

ولا تعطيه اصلا المعلبات عوده على اكل البيت افيد واحسن لك وله

عطه دجاج مسلوق وجبن :)

[turki101]

يعني باكل البيت بيصح من روحه ؟؟مايحتاج ايبله دواء ؟؟

وشكرا لك اخي على ردك والحين بروح اشيل الوسكاس ^^

[To zoo]

ايه بعد يومين او يوم ان شا الله يطيب

الله يخليه لك ويشفيه :)

[Octopus]

يا أخوي غير له التونة أفضل:confused:
لان الويكسات بالتونه هو الذي يسبب له اسهال:confused:
وهناك محلات لبيع أكل القطط مثل الجمعيات:confused:

[turki101]

لالا انا قطعت عنه التونه من اول ما لاحضت عليه الاسهال !!
وياخي الجمعية الي عدنا ماتبيع غير التونه +__+ وماعندهم شي ثاني
بس انا اذ ابي اشتري شي اروح كارفور...
المهم انا الحين بقطع الوسكاس عنها وبجرب اكلاتي البيتيه و ان شاء الله تصح ومشششكورين شباب عالمساعده =)

[Octopus]

أنت من أي منطقة في الامارات:confused:
بنسبة عن تعطيه الشكولاته :confused:
لان يمكن يسب له تسمم قاتل:confused:
وأتمنا يسعدوك الاعضاء والمشرفين :confused:

[To zoo]

الويسكاس والتونه مالهم دخل كل المربين يحسون ويسكاس مرض

طيب ليش هم حطوه اكل خاص بالقطط ؟ يعني هل القطط كلها تحب ويسكاس ؟ اكيد لا

معداتهم تختلف عن بعض :)

[mz mz mrenda]

انا مثلك كان ااكل قطي وسكاس ولاحظت ان شعره يطيح واسهال بس يوم وديته البيطري قالي غير اكله وصرت ااكله رويال كانون والحين صحته زي الحديد ولا تأكله اكل مملح او فيه بهارات وزي كذا وتحياتي اخوي

[Octopus]

عيل أعطي لقطك رويال :confused:

[sisi_moon]

علاجه طال عمرك

انك تشيل عنه ويسكاس لانه ما ناسب معدته

ولا تعطيه اصلا المعلبات عوده على اكل البيت افيد واحسن لك وله

عطه دجاج مسلوق وجبن :)

أوافق كلامه

في كثير قطط يتحسسون من ويسكاس

وبعد ترا الحليب يسبب للقطط اسهال لو كان يوميا ومو مخفف بموويه

اعطيها اكل بيت دجاج وخضار مسلووقه مع دراي فود

واعطيها دوا كابتين للأسهال هو دوا للأطفال .. مرتين باليوم نص ملم لمده خمس ايام

وابشري بصحتهااا

[turki101]

أنت من أي منطقة في الامارات
انا من بوظبي ^^
وانا ما اعطيه شوكلاته او شي غير اكله..يعني احاول اعلمه على اكله وبس

واعطيها دوا كابتين للأسهال هو دوا للأطفال .. مرتين باليوم نص ملم لمده خمس ايام
ممكن تشرحيلي كيف استعمل الدواء اكثر ^^ يعني اخلط مع الاكل ولا اعطيها بابر ولا كيف !!

[قطو مشعر]

احسن حل اتودي عند البيطري واذ كان امطعم زين او اذا ماكان امطعم طعمه وخل البيطري يعطيك الاكل الصحي للقطو هذا او ادويه اذا كان محتاج او الله يعافيه........

[عاشق التصوير]

انا رايي نفس راي قطو مشعر تسلم على الرد الغالي

[turki101]

لما اشتريته قالولي انه مطعم وكل شي... بس ماعطوني شي يثبت انه مطعم ؟؟ فعشان جي انا مب متاكد انه مطعم وبحاول اوديه فاقرب وقت للبيطري عشان التطعيم والاسهال