بركه ارضيه(اسئله)مستعجل

[العاني]

ابي نصيحه:
سأنشأ بركه ارضيه الطول2 متر العرض 1.5الارتفاع30سم
لكي لا تشرب الارض الماء سأضع اسمنت
تعرفون حر الكويت يبخر الماء بدقيقه عشان هذا الذي زرعت كنكورفس على يمين ويسار الحوض مشرقها ومغربها لين يكبر الكنكورفس اميله فوق الحوض لين يصبح مغطى :
الاسئله:
1-شنو الاسماك الي ممكن تعيش فالبركه؟
2-شنو مستلزمات البركه؟
3-ابي ازرع نباتات بالبركه؟
شنو نصايحكم
شباب تفاعلو معانا

[عاشق البلطي]

انشالله تكون برجتك حلوه
و العرض و الطول حلو و العمق حلو بس لو تسويه اعمق احسن يعني لو يكون العمق نص متر
و المستلزمات ما تحتاج شي غير السمج
و اذا انت تبي تضيف الجانب الجمالي لها تقدر تسوي يمها شلال بسيط
و الفلتر ما يحتاج بس تقدر تظيفه
و الشي المزعج اللي راح تواجها هو الطحالب تدري جونا وايد حلو و شمسنا مو حراقه و كل هذا يساعد في سرعه نمو الطحالب بالبرجه
و السمج اللي تقدر تحطهم عندك انواع وايد مثل
الكارب
و في نوع نفس الكارب بس شكله شوي احلى مادري شنو اسمه
يعني الكارب و عايلته من قولد فش عيال عمه :)
و عندك المولي
و الجوبي
و هم عندك البلطي الملون - يكون لونه نفس الكارب
هذي اهيا افضل الانواع اللي تستحمل الاحواض الخارجيه
و الحلو فيها انها سريعه التكاثر
وشكرا

[عاشق البلطي]

اي و على طاري البخر نسبة البخر راح تكون عاديه مو عاليه
و الحوض انت مسويه من الاسمنت يعني يسرب الماي
لازم تصبغه صبغ عازل اسمه اذا ماني غلطان جي تي روف لونه ابيض
هذا مثل ماده بلاستيكيه تغلف الاسمنت و تعزله و تقدر تضيف عليها اللون اللي تبيه
و هذا ينباع في محلات الاصباغ و هو ماركة جي تي سي

[بسبوس]

jتقدر تسوي فوقه ظلهز

[قطو_Q8te]

شنو الكنكورفس؟

[مصدي]

صح انا اكرر سؤال اخوي قطو شنو الكونكورفس؟:o

[عاشق البلطي]

هع انا خبري في زرع اسمه كوناكاربس بس هذا اللي قاله هههه يديد
اظاهر اهوا بس مو سامعه عدل
:)

[ena4fish]

السلام عليكم و رحمه الله و بركاته
افضل نوع سمك للبرك هى احلى و اجمل واقوى سمكه و هى سمكه الkoi
و تتميز بالوانها الزاهيه
و الله يباركلك فيه...........