تساقط الشعر..بسررعه ساعدوني

[Snow]

هلا ومرحبا


اخواني


شوفو ايش مشكلةسنووو


اليوم امي لابسه بلوزه سودا

لمى اخذت سنو بحضنها

صارت بلوزة امي مليانه شعر
خصوصا انه ابيض فبين مره

ولما شديت شعرها على خفيف لقيت في يدي شوي


ما فيه مناطق صلع ابد :cool:

لكن يطيح :(

وهي زي ما خبرتكم قبل عمرها 5 ونص


هل عادي

او فيها دود؟؟:eek:
لانو قريت انو تساقط الشعر ينتج عن وجود دوود في بطنها :(


وقريت موضوع يقول انك تضغط بطن القطه واذا تالمت فانو القطه فيها دود او شي زي كذا

ضغطت على بطنها وما تالمت :confused:


ارجوكم قولو لي شو فيها؟


وشووكراً

[Snow]

علماً انها تاكل لحم مطبوخ في البيت..
ومستوي مو نص طبخ

وما اكلت شي غريب


وتمشي عادي وتلعب عادي ما فيه خمول

[عاشقة القطاو]

ممكن صورة لها ..او يمكن عندها نقص فيتامينات ؟؟

[sisi_moon]

شكلها دييييداان

وديها البيطري

[Snow]

الحين اصورها


ثواني وراجعه

[Snow]

خيتو

هذي صورتين

"نوعها اميريكان شورت هير"

هذا واقفه

http://nazf999.net/files/7036.jpg


وهذي منسدحه

http://nazf999.net/files/7037.jpg


سيسي

متأكده لانو الدكاتره نصابين احيانا انا ابي اتاكد منكم بعدين اروح

[عاشقة القطاو]

ممكن عندها نقص فيتامينات ..لأنها احسها نحيفة ...و او مثل سيسي مون ديدان ...و شوفي اذا بطنها يابس شوي يعني ديدان ..

[Snow]

بطن سنوو
قاسي شوي

يعني فيها دود..!

طيب شلوون جا لها

ووش اسوي فيها؟

[عاشقة القطاو]

إيه..أكيد فيه دود ..ممكن اللحم المطبوخ ....سببه لها..بس الدود مثل المرض عرفتي ..بس لا تخافي علاجه

بسيط انتي روحي عند البيطري و يكشفها و يشوف يمكن يعطيها ابرة ...و دواء لمدة كم يوم و ان شاء الله خير..

[Snow]

الله يستر


خلاص بوديها..

ادعو لي هع

[عاشقة القطاو]

طمنينا عليها...

[CaRni]

حصلت الحكاية دي معايا اليوم ..

كنت بردوا لابس T-shirt اسود ..

و بعد ما شيلت نور .. لقيت ال/ T-shirt فيه شوية شعر بردو ..

..

و بالنسبة للديدان .. انا متهيأ لى علاججها سهل ..

لاني وديت نور مرة للبيطري بسبب الديدان ..
و عطاني قرص دواء و قال لى اعطيها نصفه .. و بعد اسبوعين نصفة ..

و اول ما اديتهولها .. شفيت على طول ..

فان شاء الله بسيطة ..

و طمنينا عليها ..

[Snow]

ان شاء الله بكرا اوديها..

بس طمنتوني..

علىباليشي خطير صراحه
D:

يعطيكم ربي الف عاافيه

..

طيب احط لها زيت زيتون في الاكل او لا؟

[عاشقة القطاو]

لا تحطين..لأنه احس انه بيأثر عليها...و ان شاء روحي البيطري ...بس هو مو خطير..

[sisi_moon]

لا عادي حطي زيت زيتوون

3 نقط بس

[عاشق الجنان]

انا اقول احتمال اخي الفاضل ان القطوة مافيها دود الحمد لله لكن ابي اسالك


ماهو نوع الشامبو الي تروش فيه القطه اذا كان من شامبو الي يستخدمه الانسان فهذا يسبب تساقط لشعر القطه

وانصحك بالابتعاد حالا عن شامبو العادي استخدم شامبو يخص للقطط فقط تجده في محلات القطط او السوبر ماركات

وبالتوفيق انشالله

[Snow]

السلام عليكم


اليوم وديت سنو لواحة الحيوان عند الدكتور السوداني..

قاللي ما فيها شي..
وعطاها ابرتين..ومضاد..بس ما عطاني للبيت بس جرعه عنده..

وبالنسبه لوزنها يقول هذا الطبيعي..ما يصلح تسمن او تنحف اكثر..

وتساقط الشعر..
قال ان تساقط شعرها مررررره عاادي..
"ما راح تصلع"لووول

وبس..

اشكركم على مساعدتي..عاشق الجنان..

الشامبو انا استخدم "جونسون للاطفال مع البلسم"..

[sisi_moon]

عطاها ابرتين وهي مافيها شي ؟!؟!..!

شامبو جونسوون ماحبه احسه يجفف الشعر .. واحس ان التساقط اللي فيها منه .. لان قطوتك شووووورت هير .. والشورت هير مايستاقط شعره كذاا على حسب كلامك ....؟

والبلسم تبع جوونسون لاتستخدمينه سمعت انه مو زييين لهم

[آنـــــو]

تساقط الشعر طبيعي بكل القطط بنسبه معقوله
بس أذا كثير فـ يرجع الى أسباب

أنا كان عندي قطوه شورت هير تقريباً تشابه قطوتك ويتسااقط شعرها مثلها مثل الشيرازيات اللي عندي

وبالنسبه لوزنها أشوفها عاديه مو نحيفه هي جسمها هالشكل


بالتوفيق :)

[أبو القطط]

السلام عليكم


اليوم وديت سنو لواحة الحيوان عند الدكتور السوداني..

قاللي ما فيها شي..
وعطاها ابرتين..ومضاد..بس ما عطاني للبيت بس جرعه عنده..

وبالنسبه لوزنها يقول هذا الطبيعي..ما يصلح تسمن او تنحف اكثر..

وتساقط الشعر..
قال ان تساقط شعرها مررررره عاادي..
"ما راح تصلع"لووول

وبس..

اشكركم على مساعدتي..عاشق الجنان..

الشامبو انا استخدم "جونسون للاطفال مع البلسم"..



عطاها ابرتين ليش


الأطباء البيطريين اللي عندنا بالرياض ماعندهم سالفة

[Snow]

سيسي..
الشامبو والبلسم اللي يجي مع بعض مو كل واحد علبه..

طيب ايش تنصحوني اشتري ايش بدال جونسون؟؟


والابرتين
اي تذكرت ليش..
قال عندها حراره خفيفه والتهاب خفيييف في اللثه

بس تعرفون لازم يطلعوني دافعه مبلغ وقدره

وهم اخذو مني 30 ريال

..

[sisi_moon]

ايوووا

شوفي عندك شامبوو اسمه FIDO

خاص بالقطط والكلاب .. وهو شامبو وبلسم بنفس الوقت روعه روعه ورعه .. ريحته قويه تهبل كانها جونسون وتتم في القطوه مده .. حتى اذا شلتي القطوه عقب تلزق الريحه بيدج

انا دايما استخدم فيدو بس اذا خلص وماقدرت اروح اشترييه لان المكان اللي ينباع فيه بعييد عني شوي

فـ اروح اشتري شامبو اسمه KARS

خاص بالقطط والكلاب بعد الظاهر

يجي انواع والوان هو .. كل مره اخذ لون انا عاادي

روايحه حلووووه ويخلي الشعره ناعمه و أوكي .. بس طبعا مو أحسن من شامبو فيدوو

وفي شامبو احذرررري تستخدمينه .. اسمه اممممم .. ايه اسمه هارتز

هذا ســـــــــــــيء يخلي الشعره جااااااااااااااااااااااااااااااافه .. مو زين ابد ابد

هو برتقالي ومرسوم عليه قطوه شيرازيه بيضا

والابرتين
اي تذكرت ليش..
قال عندها حراره خفيفه والتهاب خفيييف في اللثه

والله اشوف مالها داعي هالابرتين .. مضاد حيوي عشان الحراره و أيودين امسحي على لثتهاا وانتهت السالفه ..

بس ممكن الابره تكون فيها مضاد حيوي عشان كذا عطاها اياها

بس انتبهي من سالفه الأبر مو كل مره يصير في سنو شي وتروحين له ويعطيها ابره والسلام

وحده اعرفها ماتوا عليها 8 قطط بسبب ابره عشان الجرب أتوقع .. لان ماكان فيهم جرب والابره كانت حاره وقويه عليهم

[Snow]

يمممه

خوفتيييني من الابر خلااص بصير اقول له ما له داعي

والشامبو

اشوف اروح واجيبه


يعطيك ربي العافيه

[sisi_moon]

اي الأبر مالها داعي الا اذا القطوه مريضه مرره

مثلا زكااام قووي او حررااره او ديدان او شي من كذا

مو مثلا قطوه فيها اسهال .. ولا فطريات .. ولا حساسيه .. ونروح نعطيها ابره ؟؟ !

وان شاءالله تحصلين الشامبوو ^^