سؤال عن القطط لمحبين القطط ياليت والله ؟

[عاشق الجنان]

سلام عليكم ورحمة الله وبركاتة


بسم الله الرحمن الرحيم



كيف حالكم شباب

حبيت اسال لمحبين القطط وعشاق القطط المنزلية


ابي فقط :

ماهو الفرق بين القط الفارسي . والقط التركي وهل الشيرازي نوع من انواع القطط ام جميع القطط تعتبر شيرازية لادخل لها بنوعها

وهل القط الفارسي هو يقال عنه البيكى فيس

او المون فينتج او البيكي فقط وماهو البيكي

وسؤال اخير اسف على الاطالة

هل يوجد قط هولندي ؟؟؟

ياليت ماتقصرون معايه تجيبولي كل نوع مع صورة

وماهو افضل القطط والاكثر بيعا وشكرا .

[Octopus]

ماهو الفرق بين القط الفارسي . والقط التركي وهل الشيرازي نوع من انواع القطط ام جميع القطط تعتبر شيرازية لادخل لها بنوعها

وهل الشيرازي نوع من انواع القطط :confused: نعم

جميع القطط تعتبر شيرازية لادخل لها بنوعها :confused: لا

وبنسبة لصور اتمنا الكل يسعدوك

بنسبة القط الفارسي هو نفسه قط شيرازي

وماهو افضل القطط والاكثر بيعا وشكرا .

الشيرازي و الانجورا هو نفسه قط تركي و السيامي والبلدي

[Octopus]

يابين أنك جديد في المنتدى:confused:

[عاشق الجنان]

مشكوووووووور اخوي وضحتلي بعض الاسالة لكن في من الاسالة ماجوابتني لكن ننتظر غيرك يعطيني تفاصيل اكثر

ويعطيك الف عافيه ماقصرت افدتني بعض الاسالة


لكن انا اريد من الاخوان الثانين ياليتهم يجبولي صور عنها

لكن اولا ابيكم تجاوبون للاسالة اللي مجاوبها اخونا الكريم

ماهو البيكى فيس

او المون فينتج او البيكي فقط وماهو البيكي << يعني هل هو اميركي او ايراني وش نوع

وسؤال اخير اسف على الاطالة

هل يوجد قط هولندي ؟؟؟ <<<< سؤال مهم ياليت تقلولي

[عاشق الجنان]

يابين أنك جديد في المنتدى:confused:

ههههههههه نعم ياخوي انا جديد واتشرف بعرفتك ومعرفت الجميع


وحياكم الله جميعا


عاشق الجنان

[sisi_moon]

لوووول مخبصه عندك المعلوماات :p

شوف خيوو

الشيرازي هو نفسه الفارسي .. الايراني .. البيرسيان ..

والشيرازي يتفرع منه نوعين اللي هم الشانشيلا والهيمالايا .. هذولي النوعين يمتلكون نفس طبااع الشيرازي وشكله و جسمه وكل شي .. اللهم الفرق في اللون .. الهيمالايا بلون السيامي اللي هو منقط عالأطراف والانف والاذن والذيل والعيون تكون لبنيه مستحيل تكون لون ثاني .. والشانشيلا يتميز بأنفه وعيونه الخضراء المحدده بالأسود وباطن كفه ايضا اسود ولون فرائه يكون من درجات السيلفر او القولدن .. اما الشيرازي يجي بكل الألواان وعيوونه تكوون اما زرقاء او برتقاليه ومن درجااتهم طبعا

والشيرازي والشانشيلا والهيمالايا .. يجون مستويات

بيكي فيس .. مون فيس .. والهجين مابينهم
يعني البيكي اذا تزاوج مع المون ينتج هاف بيكي .. ( هالف بيكي يعني نص بيكي بس الناس تعودوا على هاف بيكي اسرع للنطق )
والهاف الي مو عالي لو تزاوج مع موون ينتج فلات فيس او باد فيس .. الفلات يعني وجهه تقريبا مون فيس لكنه فلات ممسووح .. الباد فيس اللي هو الهاف بيكي لكن مايل كثــــــــــير للمون فيس


ماهو الفرق بين القط الفارسي . والقط التركي وهل الشيرازي نوع من انواع القطط ام جميع القطط تعتبر شيرازية لادخل لها بنوعها

الفارسي نوع برووحه والتركي نوع بروحه .. مالهم خص ببعض اللهم اثنينهم يندرجون تحت الفصائل طويله الشعرر
والشيرازي اللي هو الفارسي نووع برووحه مثل ماقلت لك

وهل القط الفارسي هو يقال عنه البيكى فيس

او المون فينتج او البيكي فقط وماهو البيكي

الفارسي زي ماقلت لك فووق يجي بيكي ومون والهجين مابينهم

والبيكي .. هو القط اللي يجي انفسه بمستوى الخط اللي فيه عيونه

نفس هذا

http://lh5.google.com/mjbmeister/R86iqf_tNVI/AAAAAAAACV0/9CR2lypuVX4/s400/persian-cat-13.jpg

طبعا هذا شيرازي

http://lh3.google.com/mjbmeister/R86ir__tNYI/AAAAAAAACWM/HwSkALH9Hvo/s400/persian-cat-16.jpg

وهذا شانشيلا مثل ماقلت لك لاحظ عيونه خضراء ومحدده بأسود وانفه بعد .. وباطن كفه اسود ولون فرائه من درجات السيلفرر الفاتح

http://www.pictures-of-cats.org/images/persian-cat-4.jpg

وهذا هيمالايا وزي ماقلت لك عيونه لبنيه ولونه يكون منقط عالاطراف والانف والاذن والذيل

هل يوجد قط هولندي ؟؟؟

لا . لايوجد .. لكن كثير ناس لما يستوردون مثلا قط شيرازي من هولندا يطلقون عليه هولندي ,, و طبعا غلط لان هو شيرازي لكن جابوه من هولندا ^^

أتمنى تكون وضحت الرؤيه عندك ^^ ولو عندك اي سؤال ثاني اتفضل

[عاشق الجنان]

sisi_moon


مشكوووووووووووووووووور اخوي يعطيك الف الف عافيه على شرحك المفصل والرائع والله لايحرمنا منك ومن معلوماتك ماقصرت وفيت وكفيت

[sisi_moon]

ولوو وواجبنـــا خيوو ^^


وانا اختك مو أخووك

ونوورت قسم القطط ^^