ابغا مساعدتكم في الاختيار يا شباب ... ارجو اهتمامكم لاني مظطر الى الاجوبه باسرع وقت:)

[T3o0oBy]

السلام عليكم و رحمة الله و بركاته ,, تحيه طيبه ,, ما ابي اطول عليكم .

اخواني انا مقدم على مرحله شراء كلب . و ابغا ارائكم و اجوبتكم اللي بتشرفنا .

وعذرا على كثرة الاسئله ..:- جاوب الاسئله على النوع اللي تنصحني فيه اللي اخترته .

س1:ما احسن نوع من الكلاب التاليه من جميع النواحي (الجيرمن شيبرد - الروت وايلر - الهاسكي)؟؟
ج:



س2:هل الكلب يعيش في الاستراحه .؟
ج:



س3:هل من الممكن ان اقوم بتدريبه على الطاعه و الحراسه انا وبمساعدت اخي ؟
ج:



س4:ما هو السن المناسب للتدريب ؟
ج:




س5:انا من سكان بالمنطقة الشريقه و بالرياض بعد اين الاماكن اللتي اقوم بتدريب الكلب فيها و كم تكلف ؟
ج:



س6:كيف اعرف الاصيل و اكتب سعر النوع .؟
ج:




ادري كثرت عليكم لاكن وش اسوي ما لقيت الى انتم ..

[wsws]

السلام عليكم و رحمة الله و بركاته ,, تحيه طيبه ,, ما ابي اطول عليكم .

اخواني انا مقدم على مرحله شراء كلب . و ابغا ارائكم و اجوبتكم اللي بتشرفنا .

وعذرا على كثرة الاسئله ..:- جاوب الاسئله على النوع اللي تنصحني فيه اللي اخترته .

س1:ما احسن نوع من الكلاب التاليه من جميع النواحي (الجيرمن شيبرد - الروت وايلر - الهاسكي)؟؟
ج:
اولا مافيه شي اسمه احسن نوع :
كل نوع ولـه وظيفته وشغلته الي شاريها عشانه واذا ماكان لك شغله فيه يعني هوايـه وكنت مبتدأ فالافضل لك الجيرمن شيبرد .. اما الروت وحش مثل الجيرمن لكن تدريبه اصعب وعنيد
ونصيحه الهاسكي لاتاخذه مدام انت من اهل الخليج بسبب الجو الحار الي عندنا .وثانيا الهاسكي مجرد منظر بس لاينفع حراسه ولاشي بس الي يميزه شكله الجميل والجذاب

س2:هل الكلب يعيش في الاستراحه .؟
ج:
يعيش اذا سويت له مكان يناسبه او شبك واسع فوقه ضل وتحته تراب عشان لايتعبك اذا قضى حاجته

س3:هل من الممكن ان اقوم بتدريبه على الطاعه و الحراسه انا وبمساعدت اخي ؟
ج:
يمكن انك تدربه بمساعدة اخوك..وبيني وبينك اذا دربته انت بيدك افضل من انك تدربه برى وتكلف على نفسك..( إنظر قسم التدريبات )


س4:ما هو السن المناسب للتدريب ؟
ج:
الطاعه يبدأ من 3 اشهر تقريبا
شراسه من 6 اشهر

س5:انا من سكان بالمنطقة الشريقه و بالرياض بعد اين الاماكن اللتي اقوم بتدريب الكلب فيها و كم تكلف ؟
ج:
مثل ماقلت لك حاول تدربه انت مره وثنين وثلاثه واذا شفت انك قاطع الامل بتدريبه وديه لكن لاتنسى انه رح يكلفك..وبالنسبه للتكاليف مادري واللـه ولاعندي خلفيه عن هذا الشي

س6:كيف اعرف الاصيل و اكتب سعر النوع .؟
ج:
اذا بغيت تشتري الكلب صوره واعرضه لنا هنإ .. والاعضاء بيفيدونك..
الاسعار (الجراء من عمر شهرين) :
الجيرمن : من 2500 ريال الى 4000
الروت : من 4000 الى 6 احيانا
الهاسكي : ماعندي خلفيه عن سعره

ادري كثرت عليكم لاكن وش اسوي ما لقيت الى انتم ..

الله يحيك اي وقت اخوي واحنا اخوإن بإذن الله واي شي تحتاجـه إسال ولاتستحي ولايردك شي

( لاتعتمد على اجابتي .. شوف اكثر من اجابه وبعدين توكل على اللـه )

[T3o0oBy]

مشكوووور الف الف شكر يالطيب و جزاك الله الف خير . و الحمدلله عطيتني المعلومات كامله :):rolleyes:

[wsws]

حياك يالغالي واعتذر عن تأخري بالرد على رسالتك الخاصـه..لكن مثل ماقلت لك انتظر مشوره ورأي ثاني من الاعضاء عشان يكون ضميرك مرتاح ويمكن عندي اغلاط يصححوها لي

[العاشق الكبير]

ما أكدر افيدك اكثر من أخوية wsws

[T3o0oBy]

الحمدلله كفا ووفا . و اشكركم على مروركم ...

[wsws]

حيــــــاك

[عمار عريف]

ج1
لايوجد احسن كلب في جميع النواحي - كل فصيلة تتفوق في صفة وقد تقل في صفة اخرى

ج2
الكلب يعيش في اي مكان واسع به ماء وطعام وظل وشمس وهواء وتهوية ، وطبعا صاحبه اللي حيرعاه ويشرف عليه طبيا ومن كله

ج3
يمكن تدريب اي كلب على الطاعة ،اما الحراسة : الجيرمن نعم ، الروت نعم ، الهسكي لا ، اي شخص مؤهل يمكنه التدريب

ج4
قبل السنة الاولى ما تنتهي

ج5
لا اعرف ، يجب التأكد اولا والتحقق مثال ، هنا في جدة جبت واحد وطلع حمار معنى الكلمة واخذ مبلغ وقدره ، لقيت مركز تدريب ولكن العن من الاول وحرامية ونصابين وكذابين ولا يدربوا ولاشي اما عن الشرقية فالله اعلم

ج6
السعر عرض وطلب ، تعرف الاصيل اما بشهادة النسب البدقري وقابلني لو لقيت في السعودية الا ما ندر ، او باحضار كتاب ومطابقة الشكل والمواصفات والوزن والارتفاع .......الخ بعد رؤية الام والاب ومطابقتهما ايضا ولكن ايضا غير مرضية فقد يكون الجد مهجن

والله اعلم

[tate23]

اخوي wswsفادك كثير وكلامه صحيح

[T3o0oBy]

اشكركم على الافاااده ...

[جومبل]

انا رائى كلب الابرادور احسن من الروتويلر والدوبرومان

[T3o0oBy]

ما فيه عندنا ينباع الابرادور . انا الحين ما لقيت الكلاب المشهوره مثل الجيرومن شيبرد و الروت . :(