سنو طررشت..وتسوي حركه غريبه..!

[Snow]

السلام عليكم..


قبل لحضات سنو طرشت (استفرغت) -اكرمكم الله-

وهي من فتره تسوي حركه غريبه

وهي
تحط جسمها كله على الارض(تنسدح على بطنها)
لين مؤخرتها تصير في الارض واطرافها تحتها..
وتقعد تدوور علشان تضغط على بطنها


وتعد تطلع صوت متقطع من المواء..
وفمها يتحرك بخفيف

قبل شوي قامت تكح بعدين طرشت
"شي اصفر"

وهي ما اكلت اليوم غير الحليب الساعه يمكن 7 لصبح
والخدامه قالت لي انها عملت نفس حركه التطريش ..


واذانها وخشمها مره فاتحه الوانهم

وبرازها طبيعي

مافيها حراره..
بس حركتها خامله مره


قولو لي وش فيها..

وهل يستدعي الامر اروح للدكتور..

طيب لو رحت فيها اروح فيها واحة الحيوان
علما اني يووم السبت رحت لمهم وما قالو فيها شي "الدكتور السوداني"

او تنصحوني بمكان ثاني؟؟


:(:(

[أنس الصويري]

انصحك روحي للدكتور ولو انتي ساكنه بمكه روحي صيدليه القرشي دي طيبه .

[عاشقة القطاو]

اتوقع مريضة لأنه الخمول دلالة على المرض و ايضا الإستفراغ..

[ღ الـوفـا كلـهـ ღ]

انا اتوقع ان الاستفراغ دليل على التعب ..

يمكن علشان تغير الجو .. بس احسن شي تودينهم للطبيب ,,

والدكتور السوداني انا جربته بصرااحه شغله حلوو ..اعتقد بيفيدك ان شاءالله ’’

خبرينا عن سنو وطمنينا عنها ’’:)

[*عاشقة القطط*]

هلا اختي

مااتوقع يستدعي الموضوع انك تروحين للدكتور

والي ياكد انها مو مريضه هو كلام الدكتور

هذي حاله شبق

يعني القطوة طالبه فارس احلامها خخخخخخ

يعني تبي تتزوج جيبيلها ذكر ومبروووك مقدما ويرزقها بالذريه الصالحه لوووووووووول

[عاشقة القطاو]

لا ما اتوقع ...طالبة التزاوج إختي عاشقة القطط...هي عمر قطتها ..خمس شهور..كيف طالبة التزاوج..و هذي بعد مو علامات التزاوج..

[Snow]

اذا كانت جد دورة شبق..
هي لسا صغيره

عمرها 6 شهور تقريبا..!
<<بعد كم يوم تصير 6 شهور

"امي تقول يمكن تبي رجل":D
لانها هالفتره صايره تطلع برا البيت تروح في الحوش ورى البيت تشمشم الارض "وبيتنا الحوش فيه بعض قطط الشوارع:rolleyes:

[To zoo]

اكييييد تبي تتزوج

يمكن ما حسبتي عمرها زين

[Snow]

هي مولوده يوم
3/6/2008

وعليكم الحساب

6 شهور..

[To zoo]

يعني عمرها 12 شهر ولا ؟

[Snow]

اححح

لا يوم 3 من الشهر 6 عام 2008

[عاشقة القطاو]

على حساباتي خمسة شهور..بس ما اعتقد تبي تزوج...يمكن ...لأنه بعض القطط تبلغ ..بالهعمر.زو نادرا.

[To zoo]

طيب واذا كان عمرها 6 شهور القطط المهجنه تطلب تتزوج مبكر

[عاشقة القطاو]

طيب واذا كان عمرها 6 شهور القطط المهجنه تطلب تتزوج مبكر

لإيه صح كلامك...في بعضهم كذا ..يطلبون ..بكير...و الله كل شي جايز...بس شوفي ...علامات طلب التزاوج..تتمسح كثير ..تتمسح بالأثاث و بزيادة ..و لما تلمسيها تعمل و ضعية التزاوج..و ترفع مؤخرتها..

[Snow]

اذا لمستها من من عند ذيلها
تنسدح على بطنها على الارض وترفع مؤخرتها وتقعد تووون"وييووو"<بصووت وااطي

بالنسبه للتمسح لا ما تتمسح..

[To zoo]

خلاااااص تبي تتزوج

لازم توفرين لها ذكر باسرع وقت

وموب شرط تقعد تتمسح

وحده اعرفها قطوتها بغت تتزوج ولا تمسحت بس سوت هالحركه الي قلتيها

[Snow]

بس انا ما ابيها تحمل..

بدري مرااا وخصوصا الشتا جاي اخاف الكيتين لو حملت يمرضون بسرعه :o
و بعد هي صغيره


عادي افوت الدورات او لازم اخليها تتزاوج..؟؟؟؟؟؟؟؟

[To zoo]

ما انصحك تخلينها تجيها حالة اكتأب

واذا ما تبينها تحمل زوجيها ذكر مخصي

[To zoo]

وعلى الكتن اصلا القطط هذا موسم التزاوج والولاده عندهم

كثير ناس اعرفهم قطاوتهم ولدت هالوقت :)

ولا تخافين عليهم لهم فرو :)

[Snow]

من وين احصلها ذكر مخصي..

[To zoo]

دوري عند احد تعرفينه او في النت ان شا الله تلقين

[آنـــــو]

ماتشوف شر أن شاءالله أذا أستفرغت أكثر من مره وديها البيطري
وبالنسبه لحركتها لما تنسدح على الأرض أو تضربين على أخر ظهرها بخفيف بترفع وتماوي فـ هي أكيد طالبه التزاوج

وعلى فكره القطط لما تطلب التزاوج بيقل أكلها وقطوتك من النوع اللي يبلغ بدري من 6 شهور

ولاتعطينها حليب خلاص هي كبيره وماتحتاج له ،، عطيها زبادي قليل الدسم وجبنه بين فتره وفتره


وعادي تقدرين تطوفين هالدوره بس أذا منعتيها كثيررر من التزاوج وحبستيها بتتغير وتصير شرسه
بالدوره الثانيه أو الثالثه وفري لها ذكرر

وعلى فكره أنا مثلك ماأحب القطط عندي تحمل بوقت الشتاء بخاف عليهم :)


وبالتوفيق ..

[عاشقة القطاو]

أنا انصحك ..لا تاخذي ذكر..مخصي..و الله..أنا لو تايقر..طلب التزاوج و قريب ..الشتاء عادي اجيب له أنثى و عشان تحمل..و تولد..أموت بالكيتين..و بنفس الوقت ..بتكوني عائلة قطط..أم و اب و اطفال ..×خخ..

[sisi_moon]

حيااااااتها سنووو كبرت والله ^^

الانواع اللي كذا عاده تبلغ بدرري .. بس بعد انتي قلتي شي واحد بس .. انها ترفع مؤخرتهاا .. هذي الحركه حتى القطط اللي مو بالغه تسويها .. فـ انتي دققي عليهااا شوفيها تحاول تطلع من البيت .. تماوي بزياده .. نشاطها يقل .. شهيتها تقل .. تتقلب عالاررض .. تروح لأماكن بروحها وتموووء بصوت عالي وغيييره ..

بس الاستفراغ يمكن خلص قامت تتحسس من الحليب خصوصا لو كان كامل الدسم .. لان طلب التزاوج ماله خص بالاستفرااغ .. او يمكن تستفرغ بسبب كثره الشعر اللي ببطنها .. موني أكثر من مره تستفرغ كذا أصفررر وهي صحتها اووكي

لاتعطينها الحليب هاليومين وشوفي لو استمر معها وديها البيطري

ولاتخلينها تحمل الحيين .. لان الجو بيصير باااررد والصغار مناعتهم ضعييفه اي شي يأثر عليهم

حتى لوو قامت سنو تخبيهم بمكاان مغطى او شي من كذا نفس الشي بيتم الهواا باارد عليهم

هالدوره لاتزاوجينها او وديها لذكر مخصي .. دوري محلات الحيواناات اتوقع بتحصلين ذكر مخصي

انا مره رحت محل عندنا بالشرقيه وحصلت ذكرر يجنن أبيض وضخــم يهبل يهبل > تحب القطط الكبيره اكثر ^^

ويوم سالت قال لي هالقطو مخصي ..

فـ روحي دووري وسالي عن كل ذكرر

بس انتببببهي تخلينها تطلب كثيير وماتزاوجينها

لان القطوه اذا تكرر طلب التزاوج وماتزاوجت .. يتغير طبعها .. تصير عصبيه وتتنرفز بسرعه وماتحب احد يقرربها وتصير شررسه

[Snow]

هي ما تاكل
ترفض كلللللل الاكل

بس تشرب شوي حليب

والاكل لا

يعني هالدوره اخليها تفوت..
طيب متى تجيها مره ثانيه..؟؟

وعلى الحمل انا امووت مره في الكيتن
واهلي ما يتحملون القطط
وابوي ما يبغي كيتنز

[عاشقة القطاو]

جتني فكرة شريرة ..خخخخخ...قولي حق ابوك انا بجيب لها ذكر مخصي يعني ما بتحمل حتى لو تزاوجوا...بس طبعا ..لا تجيبين ذكر مخصي...جيبي ذكر عادي...و خليهم يزاوجوا و تحمل...بعدين اونه لما تشوفي الحلماات مالها إحمرت..يعني بعد ثلاث اسابيع....تقولي شو بلاها كذا ..و طبعا اونه بتحطين موضوع فالمنتدى..و فجاة ..يقولولك تبع المنتدى الي هو تو زووو..إنها حامل ..و طبعا قزلي حق ابوك يخليها لين ما تولد و مع الوقت لما يكبروا ..أبوك من أشكالهم بيحبهم و من لعيهم ..

[Snow]

هههههههههههههه

اقوللك شي


سنو ما صااااارت بالغه

لسا بيبي عيووني هي

خخخخخخخخخخخخخخ


بس صارت تعبانه شوي

:D

[CaRni]

يا ما شاء الله ..

مبروك ..

3/6/2008 ..
على حساباتي تقريبا عمرها 5 شهور و كام يوم .. ( اصغر من نور بـ 13 يوم :D )

:
:

انها ترفع مؤخرتهاا .. هذي الحركه حتى القطط اللي مو بالغه تسويها
صح sisi .. انا عندي نور تقريبا ما بلغت .. و بتعمل نفس الحركة .. و بردوا اول ما احسس على ظهرها .. بترفع ذيلها على طول .. فانا متهيأ لي عادي ..

و حاجة تانية .. انا متهيأ لي انك لو فوتى الدورة دي ما فيها شيء .. لانها بعد فترة اكيد هتنسي .. و ممكن لما الجو يبقي كويس .. تخليها تحمل ..

لان احنا الان على ابواب الشتا .. و السنة دي فى السعودية شكل الشتاء برد بطريقة غير طبيعية ..
و كمان متهيألي ان الكيتنز ممكن يتعبوا من البرد ..

و كمان هي لسة 5 شهور وشوية .. ( صغيرة خالص .. :D )


و To Zoo
انا اعرف ان الميعاد الطبيعي لولادة الحيوانات ( القطط ) بيكون فى الربيع .. مش فى الشتا ..
انا متهيألي الحكاية دي ..



و يا رب ان شاء الله عن قريب تشوفي اطفالها ..
و تلعبي معاهم ..
و اكيد اكيد .. اول ما والدك يشوف الكيتنز .. هيلعب معاهم .. اكتر من ما كان بيلعب مع سنو .. كمان .. هههه
كمان و كمان .. ( و عايز واحدة .. مجرد طمع .. :D )


CaRni