الافريقي الرمادي لعب علي!!!

[هاوي رمادي]

السلام عليكم

اول شي اتمنى اني اكون متواجد بين اخواني واخواتي وهذي المشاركة الاولى لي في المنتدى.
ثانيا انا شريت امس الرمادي وعمره تقريبا من 8 شهور الى 13 شهر وقبل لاشتريه من المحل كان يطلع في يدي ومايجعر ابدا لكن يوم وصلت البيت طلع فوق يدي مرة وحده بس وبعدها ماصار يطلع وصار يجعر على خفيف يعني على الصامت واسمع صوت أزير خفيف وصاحب المحل اشترطت عليه ان الرمادي اذا ماعجبني ارجعه خلال 6 ايام فأبي نصيحتكم طلبتكم هل ارجعه ولا استمر معاه وفيه طريقة نرجعه على وضعه الاول يوم كان في المحل؟؟؟

أفيدوني أفادكم الله.

[Mr. MeMo]

اخي الفاضل

اولا اهلا وسهلا بك في المنتدي بين اخوانك
الطائر لم يعتد عليك وعلي المنزل حاول التقرب منه
الطائر كان يشعر بالامان في المحل و عندما تغير عليه
الوضع والمكان خائف لا اكثر والله اعلم لا تستعجل في ارجاعه
تودد اليه بالكلام الهادي و حاول ان تقراء في الموضيع المثبه اكثر
لكي تستفيد و في حال مواجه اي صعوبات لا تتردد في السؤال

[تو zoo]

اهلا اخوي
وحياك الله معانا بلمنتدى الطيب
واعتقد انة يكون متوتر شوي ومو حاس بلأمان لانة تغير علية المكان ويوم كان بلمحل كان ساكت لانة تعود على المكان اتوقع مسألت وقت يعني خلة يتعود عليك شوي ويشوفكم وانت الي تغيرلة الماي وتحط لة اكل وانشالة راح يصير احسن من بلمحل :)

[تو zoo]

مع انة اول ما نزل الموضوع كتبت ردي بس ما شاء الله Mr. MeMo سبقني والله يعطيك العافية وما تقصر على الرد

[هيبه اسد]

ماقصرو الاخوه
بس كان افضل تقرا كل شي عنه ثم تشتري
لا ترجعه ولا تستجل عليه اصبر عليه مده وبيولف على المكان
وبالتوفيق.

[هاوي رمادي]

MR.MeMo
الله ينور قلبك ان شاءالله والف شكر لك اولا على الترحيب الحار وبصراحه حسيت اني بين اهلي وان شاءالله مابتقصرون معنا اذا احتجنا اي استفسار.
وثانيا الف شكر لك على الاجابة وانا بصراحه كنت عارف انه خايف بس انا اللي صرت خايف انه مايرجع لطبعه الاول ويتحسن لكن ناخذ بمشورتك ونجلس نهدي فيه وان شاءالله يرضى علينا هالرمادي.


تو Zoo
الف شكر لك ياحبيبي على النصيحه ومايهم اذا كان ردك الاول او الثاني لان ردك على الموضوع يزيدني تشريفا انت والاخ ميمو وعسى الله يطولي في اعماركم.

والف شكر لكم

[هاوي رمادي]

كوكاتو

يعطيك العافيه على النصيحه وفعلا انا قبل لااشتريه قريت كل شي في المنتدى وبصراحه مواضيع لايعلى عليها بس انا الخوف كان من التغير المفاجيء لانه كان عندي رمادي قبله بس مو انا اللي مدربه وبصراحه تحسفت يوم باعه اخوي لانه عشرة عمر ويسبح ويصلي لاشاف احد يصلي ويرقص ويغني ويسولف مثل البشر لكن هذي اول مرة اشتري رمادي مو مدرب,,
واذا تبيني اعترفلك بالحقيقه اخوي طمع يوم شاف الفلوس وفرط في اعز صديق لنا في البيت وانا سؤالي هل السعر اللي جابه الرمادي اللي يملكه اخوي يخلي الواحد يتنازل عن طير عشرة عمر له 7 سنوات معنا في البيت؟؟؟؟
السعر 6500 ريال سعودي

[FAWAZ]

حياك الله اخوي بين اهلك وناسك وتو مانور المنتدى بوجودك ..........

أتمنى لك صحبة جميلة مع ببغاءك الجديد ,,,

بالتوفيق ,,,

[انا و سمسم]

اخوي بس عشان الجو متغيير عليه :D
اصبر عليه اسبوع الى اسبوعين او ممكن اقل بعد وانشاء الله
يصييررررر زيي الفلل ;)

[تاكو]

اخي العزيز
بيعة طيبه ان شاء الله
خاصة هذه الأيام
ماتحصل طير بهذه المواصفات
الطير يحتاج الى ايام قليله تم يتعود على الجو الجديد
واهلاً بك في المنتدى

[addiction]

حياك الله اخو او عزيز
انا صارتلي نفس مشكلتك اول مايبت الكاسكو بس الحمد لله قعد يمكن ثلاث ايام وايد تعدل او خذا على الوضع الطبيعي مره ثانيه عشان هذه الطيور اذا تغير عليها المكان تحس بوحشه

[هاوي رمادي]

الله يعطيكم العافية حبايب قلبي من جد قدها وقدود شغل حامي ماشاءالله عليكم والف شكر على هالنصايح.

**ملاحظة**
لحين كتابة هذا الرد عضني الرمادي 3مرات حسبي الله عليه,, لكن نتحمل ونشوف نهايته.

[انا و سمسم]

اخوي حاول انك تخليه على راحته يعني اقعد جنبه
بس لاتحتك فييه ;)
خلله شوي يتعود على المكان
لانه لو عرف انه العض يخليك توخر عنه بيستخدمه كل شوي
ف خله بحاله الحين بس اقعد جنبه هالايام وشوي شوي :p
وانشاء مايصير الا الخير :D

[fan]

لأ لاتخاف ولاشئ
بس في البداية بسبب تغير الجو والمكان عليه.
نصيحة مني خليه لمدة يومين في القفص مو تفتحه له ومو تخليه يشوف ناس كثيرين اعني لاتخليه في مكان ازعاج وبعدين بتشوفه مثل ماشفته بالمحل وحاول دايم تتقرب منه وتتكلم له حتى لو بين لك انه خايف.

[Mr. MeMo]

اخي هاوي الرمادي

احببت ان انوه بنقطه مهمه جدا ذكرها اخونا انا و سمسم
و هي نجاح الببغاء بتخويفك بالعض و بالفعل اذا نجح ببغائك
بأن يخوفك بالعض فلن يترك هذه العاده و سوف يستخدمها
كسلاح دائم لعدم الاقتراب منه و ما عليك فعله اما ان لاتجعله
يعضك و تصبح عاده او انك تستحمل العض و لا تبعد يدك اما
اذا كانت العضه مؤلمه فالاختيار الاول اسلم و اتمني لك التوفيق
و ان شاء الله في القريب نري صوره وهو علي يدك

[هاوي رمادي]

الله يعطيكم العافيه وجاري العمل بالنصائح.

لكن عندي سؤال اقوى عضة من الببغاء وش ضررها؟؟
لأني ناوي اخربها معاه واشوف وش نهاية العض .

انا وسمسم الوعد اليوم في سوق الحمام ترا لقيت عندهم امازون للحين يدربونه ومن ناحية العمر ماسألت ولاني سائل لان اللي يبيعون ماأتوقع انه عندهم المعلومات الكافيه وصاحبه يبي يبيعه ب 1600 ريال . يسوى ولا مايسوى؟؟

[انا و سمسم]

مااا توقعت اني اجي اليوم السوق عندي ظروف :(
حلووو السعر بس كم عمره واي نوع من الامازون؟ ;)
اصلا كلهم ابطال بس والله سعر حلوووو ;) ;)
دور شوي قبل لا تاخذه :D
بس ترا السعر حلووو :D

[هاوي رمادي]

والله يابو السماسم للاسف انا خبرتي ومعلوماتي للببغاء معدومة يعني توني جديد في السوق مع انه كنت اربي الببغاء لمدة 18 سنة بس ماحاولت اني استكشف معلومات عنه كل اللي كنت اعرفه اني انظفه واأكله واغطيه قبل لاينام والله يذكر زمان اول الفرخ كان ب 85 ريال سعودي تلقى المحرجين يدورون في السوق ولا احد يشتريه وكان اكثر اللي موجود في السوق حمام ودجاج وارانب والببغاء ماحولك احد.

[Mr. MeMo]

شباب

ليست كل انواع الامازون متكلمه ارجو الحذر من
شراء اي نوع امازون وللاسف ليس لدي وقت لشرح
لظروف خاصه

[انا و سمسم]

اكييييد اخوي Mr.MeMo مو كل الامزون تتكلم :D
بس انا قصدي من ناحيه الجمال ومن ناحيه ان الامزون
معروف انه مرح ويحب البيت اللي فيه حركه واصوات عشان كذا انا سألت
اخونا "هاوي رمادي" اي نوع من الرمادي؟ ;)