متى أقطع السريلاك عن الكاسيكو

[ولـــ الإمارات ـــد]

السلام عليكم ورحمة الله وبركاته

أخواني الكرام عندي سؤال بس مب عارف متى أقطع السريلاك عن الكاسيكو علماً أن عمره الآن تقريباً سبع شهور

على فكره أن ا صارلي أسبوع قاطع عنه السريلاك بس أحسه يطلب السيرلاك كل ما أروح عنده أحسه جوعان وويبغيني أأكله مع أني حاط له الحب وأعطيه فواكه وخضرة

تحياتي لكم وشكراً

[al3nabia]

للأسف مااعرف اي شي عن الكاسكو..>_<

ولا كنت بساعدك..^^

ان شاء الله الاعضاء يفيدونك

والسموحه

[ولـــ الإمارات ـــد]

للأسف مااعرف اي شي عن الكاسكو..>_<

ولا كنت بساعدك..^^

ان شاء الله الاعضاء يفيدونك

والسموحه

شكراً على مرورك أتمنى ألقى رد من الأعضاء

[الببغاء الافريقي]

مدري والله اخوي بس فيه دكتور الزول بمحل واحة الحيون بالرياض قالي ما ينصح بأسرلاك قلتله ليه قال به سكريات زياده قلتله وش يصلح قال الكورن فلكس ابو ديك اضاهر يسوي دعايه يقول ادحنه وبعدي اخلطه بمويه دافيه و وكله بالابره
وعلى فكره ممكن انه يحب السرلاك لانه به سكر عادي ممكن تقطعه بالتدريج

[الحور11]

للأسف مااعرف اي شي عن الكاسكو..>_<

ولا كنت بساعدك..^^

ان شاء الله الاعضاء يفيدونك

والسموحه




أخي العزيز ...
إذا كنت لاتعلم شيء عن الكاسيكو لماذا ترد على الموضوع ... ردك هذا
لم يستفد منه شيء .


أخي العزيز رداً على سؤالك أنا عندي فرخ كاسكو إشتريته وعمره تقريباً شهرين
قطعت عنه الأكل بالأبره بعد شهرين من شريته يعني صار عمره أربعه شهور
البعض يفضل أنه يأكله بالأبره إلى أكثر من كذا ... الحين صرت أأكله بقوليات ( فول + فاصوليا + حمص + عدس + شعير ) طبعاً أول شيء أحطهم في ماء تقريباً عشر ساعات وبعدين أغسلهم
وبعدين أحطهم في الميكرويف تقريباً ست دقائق حتى يلين خفيف وأخليه يبرد وأعطيه الطير ...
طبعاً هذه الأكله تفيده كثير وتخلي حجمه يكون أكبر من قبل ... وأنا شفت الفرق خلال إسبوع واحد .


تحياتي .

[الجناحي 10]

حبيبي طيب هو الحين ياكل الحب بروحه اذا ياكل بروحه خلاص تركه
بس لاتكثر من الحب حاول انك تيبله وجبه مشكله من الحب ولموز الجفف

[M a Y e D]

سبع شهور وياكل سيريلاك :eek:

صدق انك مدلعنه :D

اصلا من يبداء ياكل الحب بروحه اقطع عنه السيريلاك والاحسن على عمر 3 شهور او 4 اذا حبيت تكثر

حاول تعطيه وجبة من الخضروات والفواكه الطازجه وبعد حطله الحب عشان يتسلى فيه :)

[ولـــ الإمارات ـــد]

أشكركم على ردودكم ومعلوماتكم القيمة

بس المشكلة أنه كل ماروحله كأن يطلب أني أأكله يمسح منقاره بيدي ويعضض كأنه يبغي أكل هذا اللي محيرني ....

وأكرر شكري تحياتي

[badboy_0_0]

اخوي هو منه يمسح منقاره في يدك هذا لأنه قاعد انظف منقاره بيدك

و يعظعظك اذا كانت العضات ماتعور خفيفه هذا يعني انهو قاعد انظفه من الداخل عن الاكل

[PetProducts]

اخوي هو منه يمسح منقاره في يدك هذا لأنه قاعد انظف منقاره بيدك

و يعظعظك اذا كانت العضات ماتعور خفيفه هذا يعني انهو قاعد انظفه من الداخل عن الاكل


هذا الكلام اللي كنت ابغى اقوله :)


على العموم السيريلاك جيد حتى عمر 4 أشهر بس لا تكثر منه ... ومثل قال أحد الاخوان الكورن فليكس أفضل ومايمنع ان الواحد ينوع بين الاثنين ...


تحياتي

[7amode]

اخوي اقطع عنه السريلاك بالتدريج

وشكرااااااااااااااااااا

[بودلال]

السلام عليكم

اخوي السيريلاك مفيد جدا للجسم

وانا من وجهة نظري وخبرتي ولايهونون الاخوان من يتعدى ال 6 شهور لاتعطيه كل يوم سيريلاك

مثلا بالاسبوع ثلاث وجبات سيريلاك وحاول تنوع بالاكل مثل التفاح البرتقال والحب طبعا خله موجود لاتشيله عنه

واستمر على السيريلاك لما يكمل سنه بالاسبوع 3 مرات

وان شاءلله تشوف الطير حجم وصحه وجمال

وعسى الله يبارك لك بالطير

واتمنى اني قدرت افيدك :)