هل قطتي مريضه

[Navigator 85]

السلام عليكم اخواني الاعضاء

انا من فتره لاحظت ان انف القطه مبلول فيه بلل

هل هذا من اعراض الزكام

واليوم عطست بس مالاحظت عليها اذا عطست مره ثانيه

وبالنسبه للبيطري انا اخاف عليها منهم ان يعطوني دوا او ابره

وتروح القطه

هل بلل الانف شئ عادي

واذا لاحظت ان عندها زكام شنو تنصحوني من ادويه

ومن وين اجيبها من البيطري ولا من الصيدليه البشريه

واذا مب متوفر عند البيطري ياليت لو تعطوني اسم دوا احصله في الصيدليه

البشريه يكون فعال ومناسب للقطه وطريقه الاستعمال والمده

[اعفيني]

اعرضيها على دكتور بيطري افضل

ولا تخافين ماراح يعطيها ابره تضرها راح يعطيها الي ينفعها

[آنـــــو]

وعليكم السلام

مافيها الا العافيه أن شاءالله وطبيعي يكون الأنف مبلول أحياناً
وبرضو طبيعي أذا عطست مره أو مرتين
بس أذا أستمر العطاس مع أفرازات دايم معها وشفت منها صعوبه بالأكل يعني كل مانزلت راسها تبي تاكل ترجع ترفعه وتعطس
أو أنسداد بالشهيه معناته زكام
عندي أثنين صابهم زكام وعطاهم البيطري أبر والحمدلله تحسنوا
فيه نوعين ،، أبره ياخذونها لمدة ثلاث أيام ،، وفيه أبره قويه وحاره بس تعطي مفعول حلو ..

وبالنسبه للأدويه البشريه ماأتوقع فيه لأن مو كلها تناسبهم
تقدر بس تستخدم قطرة أنف للمواليد لو صابها أنسداد وصعوبه بالتنفس

[Navigator 85]

آنو

شكرا لج على المساعده

والظاهر هو شئ طبيعي لانها تاكل وكل شئ طبيعي

بس عندي مشكله ثانيه وما ابغي اسوي موضوع حديد

مشكلتي ان القطوة متعوده على اكل معلبات فانسي فيست

ومب راضيه تاكل اكل البيت الي احنا نسويه امس كان غدانا سمك

وديت لها قطعه سمك وما اكلت ابغي حل اني اعودها على اكل البيت

وانا شفت موضوع مثبت عن الطبخات بس خفت انها ماتاكل وانا ما اقدر كل يوم اطبخ لها

[sisi_moon]

بسيطه

لما تسووي لها اكل في البيت دجاج طبعا مع خضار أحسن شي .. السمك خليه مره بالاسبوع بس عشان مايسبب لها تساقط شعر

الموهيـــــــــم ..

جيب الاكل الي سويته واخلط معه فانسي فيست وبكذا بتاااكله ..

انا كانت عندي قطوه مو متقبله فانسي فيست .. بس تبي دراي فود رويال كانون

قمت اخلط فانسي مع الدراي فود وتاااكله ماشاءالله .. ^^

[Navigator 85]

جربت هذي الحركه

رمت الدجاج برع الصحن واكلت المعلب

راح تجنني وابغي اسال عن الفيتامينات

شنو احسن الفيتامينات للقطط

وكم مره في الشهر اعطيها

[عاشقة القطاو]

احسن فيتامين ..الي هو مشه..لهم ...إسمه ارنفيتا ثلاث قطرات فالماي ..

و هذي صور له..

http://www.pusup.com/up/get-11-2008-5rxphirn.jpg (http://www.pusup.com/up)

http://www.pusup.com/up/get-11-2008-caizhbfg.jpg (http://www.pusup.com/up)

واي سؤال حاضرين..

[Navigator 85]

شكرا لج

عاشقة القطاو

على الرد

وماذكرتي لي مده الاستخدام

يومي او اسبوعي او شهري

[عاشقة القطاو]

اسبوعي بيكون احسن ..يعني مرة فالأسبوع ..