رفع رجل و مع نفضه خفيفه..؟؟شسوات يا عرب

[ابتلشت]

طيري له فتره ما يتحرك واجد..

حالياً يرفع رجل وحده وينفض على الخفيف..واحيان عادي بس نافش ريشه شوي

هل هو بردان مع انه ما فيه ذاك البرد ولا مكيف شغال..؟؟

نفسيته للاكل يوم جاني كانت مفتوحه حتى كان يخلص كل شي نحط له بسرعه الين احس صارت عنده تخمه..ومع الايام صار ما ياكل واجد وحتى من يدي صار ما يأكل زي اول ياخذ الحبه ثمن يطيحها


الطير له خمس ايام عندي..عنده محاولت بالتكلم يعني يحاول يتكلم يطلع كلام مو مفهوم غوووغاغي
زي كذا

مااا يصفر كلش ولا يجعر..اذا قربت منه ينزل راس يعني حك لي..ما كان يعض اول ما جاء لكن
حاولت اركبه على يد ومن بعدها صار يعض لكن على الخفيف
ما يحب يطلع على اليد,..وش احسن طريقه اخليه يطلع على يدي شريت قفاز لكن اذا شافها تحول اسد يجعر وينفش ريشه ويعض ويناقز

صرت اجازف وحط يدي عشان يطلع ما يعض الا اذا دفيته وخليت قصب يطلع

وعندي سؤال بعدالطير كم ساعه تكفيه نووم؟؟ علما الاونه الاخيررره يتثاووب واجد واحس انه مرهق يبي ينام..

يحتك ووووووووووواجد واحيان من قوووة الحكه يجعر على الخفيف كانه معصب وينقز ويرد يحك<<حالات نفسيه


وشي احسن اكله تخليه دافي

معليه طوولت لكن ودي اربيه احسن تربيه اي نصيحه نستقبلها بصدر رحب

تحياتي

[ابتلشت]

وابي اعرف اخليه يصفر على الاقل ولو تصفير بسيطه

وفيه فتحه تحت منقاره على البلعووم وشي ذي هل هي كذا عادي ولا مرض ولا مكسور ولا شسالفه؟

تحملوني تكفوون:p

[ابتلشت]

فيه شغله توني مكتشها تساقط ريش خفيف منه..على شكل قطن مدري كيق اوصفه

وذرقه-او برازه فيه بياض كانه بودر....وش مشكلته

يعني رازه قريب اول مره اشوفه كذا

[ابتلشت]

وكسل مو طبيعي غير يوم كان او ما جاني

[ابتلشت]

اوديه للبيطري ولا مايحتاج

[@ABDullah@]

للاسف ما عندي خبرة كافية اني ارد عليك

بس اعتقد انها اشيء طبيعية لانك كان لازم تخلي شهر تقريبا بالقفص و ماتحاول تسويله شي غير انك تبدل له الاكل علشان يتعرف عليك بهذه الفترة و يتعود عليك و على اهل البيت

ممكن اعرف كم عمره

اتمنى من الخبراء يردوا عليك

[ابتلشت]

لا مو طبيعي انا متاكد انه مرريض نافش ريشه طول الوقت ونااايم؟؟؟

عمره 6 شهور

مشكووور ع الرد

[كاسكوكيه]

اول شي بقول لك اياه... خل الطير فتره يتعود يجوفك... لانك يوم بتحاول معاه ممكن ما يكون بعده مرتاح لك عشان جيه بيبدأ يختبرك بانه يعضك :)

و شي ثاني الريش اللي ينزل منه عادي.. انته تقول مثل القطن.. تعال شوف الغرفه عندي مليانه.. تكون الحاله مب طبيعيه لو كان الطير ينتف ريشه بنفسه :)

[الكاسيكو]

مرحبا اخي العزيز طائرك بالفعل مريض لأن الطائر السليم تراه يأكل ويلعب ويصفر ويقوم بحركات طوال الوقت والمشكله ان طيرك غير معروف مرضه هل هو اسهال ام التهاب معوي او زكام او التهاب رئوي على اي حال استخدم معه مضاد حيوي شامل هناك مضادات تستخدم لألتهابات التنفسيه والمعويه بالاضافه الى بعض الفيتمينات وحاول وضع ذره طازجه طبعا مطبوخه وشوف .

[ابتلشت]

يعطيك العافيه

نعم هو أكيد مريض لانه الى الحين يبي ينام

بالنسبه لمضادات وين أحصلها وش اسمها ونوعها و كيف طريقه اعطاه المضاد

[ابتلشت]

ابشركم لقيت المضاد وصف لي البيطري

والحين زيزو في فترة علاج-يقول بعد ان شاء الله 5 ايام بطيب


ادعو لـ زيزو تكفوون

[Reyad]

تصدق انا بعد كاسكوي جذي صاير ماله خلق , كله واقف على رجل وحده ومايتحرك واايد , اتوقه ان الحاله عاديه , لأن من خبرتي وقرائتي ان الوقوف على رجل وحده من العلامات ان الكاسكو سليم ومافيه شي انشالله , وانتظر الردود مثلك يمكن اني غلطان... وشكرااا...!!!

[ابتلشت]

شوف

انا بلخص لك الحاله الي عندي

-وقفت الرجل مع نفش الريش هذي في البدايه ومعناها بردان
-لاحظت عليه في البدايه يهتز-يرجف
-ما يتحرك واجد
-بعد كذا تساقط من الريش ويقولون ان عادي
-كله ينام يعني تصد عنه شوي ترجع له تلاقي مصكر عيونه
-عيونه خاقه يعني صاير كانه في النعاس
-ما ياكل خير شر وانسد نفسيته من المرررض
-ولا يصفر ولا اي حركه تصدر منه ما غير النوووم
-اهم نقطه تغير البراز الا سائل ابيض<<معانها مررريض

العلاج-
مضادات في الماء-و فترة العلاج مدة 5 ايام
بالنسبه لفتح الشهيه-تقطر في فمه قطرتين من الفتمينات

وراح اشوف وش الي صار معاه

[ابتلشت]

انتقل الى رحمة الله في الصباح الباكر
وهذي قصيده على الطاير

ولع الشموع وطفى الليت
............وسمع القصه كيت وكيت
شفقت علي طير وشريت
............أكلته بسكوت وهم شكليت
درسته الف باء و الاتكيت
............وصار يفهم كل ما حكيت
طير الوفاء و الدلع حبيت
...........يرسم البسمه كل ما جيت
طاح مريض وعليه سميت
.............خفت وعلى بيطري دقيت
خبروني و عنك ما سليت
..........زيزو فطس و اصبح ميت
وشغاله رمته برا البيت
..........العمر مكتوب مهما داويت


‏<‏<ميت قهر
ماله فتره عندي بس زين ما طول يمكن يتعلق قلبي فيه أكثر

نصيحه لاحد يأخذ هولندي محجل خذ الي مفرخ هنا واي مرض يطلع فيه على طول وده البيطري
على الاقل اذا مات يموت هناك مو عندك عشان ما اتعذب وانت تشوفه ميت

[معاذ سعادة]

الله يعوض عليك باحسن منه اخوي ابتلشت
لا حول و لا قوة الا بالله

[ابتلشت]

^^^

جزاج الله خير

والله اليوم البيت كله محزن ):

[فتفوته]

اي والله صح لسانك
العمر مكتوب مهما داويت

الله يعوصك بأحسن منه
ونصيحة مني لا تاخذ طيور هولندية خذ لك واحد محلي ولا مصيود احسن ,,

[عاشق وتر]

يعجز عقلي بالبوح فيما يجول في خاطري

لكن أنشاء الله بتلاقي أحسن منة

بتوفيق أخي العزيز في رحلت البحث عن البديل

تقبل مروري المتواضع

[عاشقة الكوكتيل]

صح لسااااااانك
وان شاء الله ربنا يعوضك
تقبل مرورى