ما اسهل طير للتفريح

[alooool]

السلام عليكم هذي اول مشاركه لي وعندي فيها سؤالين اتمنى تفيدوني فيهم
1-ما هما اسهل 3 انواع بغبغاء في التفريخ؟بالترتيب رجاءا
2-ما هي افضل وسيله لتفريخ كل منهم على خدى؟
ترا انا مبتدء واتمنى انكم تفيدوني واتمنى اني ما طولت عليكم

[انا و سمسم]

اخوي والله انا مو خبير في التفريخ لكن ممكن اساعدك ;)
1- اسهل انواع .والله في شباب في المنتدى مفرخين كوكاتيل فاتوقع
انه سهل :D :D
وفيه الافريقي يقولون انه سهل وانا في طريقي للتفريخه انشاء الله :cool:
والثالث والله ما ادري :(
2- وسيله التفريخ .اخوي وضح سؤالك كيف قصدك وسيله التفريخ
يعني قصدك المتطلبات ولا ايش؟؟ :confused: :confused:
ومستنين رد الخبراء

[تاكو]

يمكن البداء يالطيور التاليه
البادجي
الكوكاتيل
الفيشر

[كلوريد الصوديوم]

أنا أتفق مع اخي تاكو وفعلا
البادجي
الكوكاتيل
الفيشر
وبالنسبه لي انا انتجت البادجي والكوكاتيل

[alooool]

تسلمون السنافيه ما قصرتوا طيب وبخصوص ذي الطير الهندي اللي الذكر بوه خط زي الطوق على رقبته والانثى ما بها هذا سهل والا صعب ومتى موسم تفريخه لاني عندي قفص كبير وحاطه بالحديقه وصارلهم حول الشهرين ومابوه انتاج عطوني طريقة تفريخهم واهم شي موسم التفريخ والسن المناسب للتفريخ وشكرا ابو السماسيم وتاكو وكلوريد الصوديم تسلمون

[هيبه اسد]

اسهل طير تفريخ
يسمى بالمكاو!!!

[الرحال2222]

وفيه الافريقي يقولون انه سهل وانا في طريقي للتفريخه انشاء الله

اتمنى لك التوفيق اخ سمسم واللة ما ابغى احبطك لاكن سامع انة صعب بس بالتوفيق مع المثابرة والصبر الصعب يجي وبالتوفيق


عني انا فرخ الكروان عندي وللة الحمد

[Mr. MeMo]

اخي aloool

الطائر الذي وصفته هو الدره المطوقه و موسم التزاوج بعد انتهاء فصل الشتاء مباشره
و هو يفرخ مره واحده في السنه علي الاغلب و يفضل ان يكون عمر الطيور فوق
السنتين و اتمني لك التوفيق

[العابر]

والله كنت بطرخ نفس السؤال هههههههه
شكرا لكم الكوكتيل ممكن افرخه عندي قفص طوله مترين بمتر ونص خشبي في الحوش ممكن يعيشون به ولالا؟
وشكرا

[Mr. MeMo]

اخي العابر

الموضوع يعتمد علي المدينه التي تسكنها و انا طبعا
اعلم انك من قطر بس عشان ما يكون في لبس لبعض
الاعضاء حبيت اوضح النقطه هذه

في الدول المطله علي الخليج العربي الحراره عاليه جدا
و الرطوبه كذلك و يصعب ترك الكوكتيل والطيور بشكل عام
في حديقه المنزل الا اذا كان المكان لا يتعرض للشمس بشكل
مباشر و هنالك تهويه جيده جدا للمكان و يجب ملاحظه الطيور في
فتره الظهيره و رشهم بالماء في اوقات الحراره العاليه و اتمني لك التوفيق

[كلوريد الصوديوم]

ما شاء الله عليك يا ميمو كفيت ووفيت

[من العشاق]

بسم الله الرحمن الرحيم
أفضل وأنطف وأسهل إنتاج من فصيلة البغبغاء هو الطائر البادجي

[الكروان الاسود]

البادجي

الكروان

الحب

[عديل الروح]

حسب خبرتي البادجي والحب و الكروان بس صعب الكروان والحب
تحياتي:عديل الروح