تحميم البغبغاوات بالشتاء ؟؟؟ !!!

[أحمدووو]

السلام عليكم

بالنسبة لتحميم البغبغاوات بالماء في هذه الأيام و في فصل الشتاء

هل يضرهم و يسبب مرضهم ؟ لأن الجو شوية بارد حتى داخل الشقة ؟؟؟

لأني الصراحة هالأيام مو قاعد أسبح الكاسكو و الأمزون أخاف يستمرضون

و لا يصير أسبحهم و أحطهم بجانب الدفاية ؟؟؟


شرايكم يا إخوان


بالتوفيق

[shakespeare]

رأيي المتواضع تخفف من استحمامهم عن أيام الصيف وتأكلهم أكل دســــم زي الفول السوداني مثلا بعد الاستحمام ..

[أحمدووو]

يعني في مجال أسبحهم بالجو البارد بالأسبوع مرة مثلا ؟

بعد الإستحمام هل أغطيهم بفرش مثلا

أو أخليهم بجانب دفاية ؟؟؟

[عاشقة الطيور]

وعليكم السلام ورحمة الله وبركاته

اي اخوي تقدر تسبحهم مره في الاسبوع .. بس لازم تكون الحجره دااافيه يعني شغل لهم دفايه ولتخليهم عند الدفايه خل بينهم مسافه وحاسب لازم الجو داافي مب حار .. وبالبخاخ يعني مب مثل الصيف يبتل كل جسمهم .. وافضل لو تعطيهم فص ثوم كل اسبوعين مره

وبالتوفيق ان شاءالله

[أحمدووو]

ثووووووووووووووم ؟؟؟

و شلون أعطي الكاسكو ثووووووووووم

أظربه بالخلاط له مع لبن و أخليه يشرب لبن يالثوم ؟؟؟

و لا شلون أوكله ثوم !!!


الله يستر من ال (side effects)

[عاشقة الطيور]

اي اخوي ثوم ليش مستغرب ... لالا لاتحطه في الخلاط ولا معاه لبن

اخذ فص من الثوم يا انك تعطيه ياكله او تحطه في الماي الي يشرب الطير منه... والثوم واااايد مفيد وخصوصا في الشتاء.. والثوم ماله اثار امس عطيت سيكو لانه مزكم سبحان الله من عطيته وقف

[Reyad]

يعطيج العافيع عاشقة الطيور

متأكده ان الثوم زين حق الكاسكو , انا مره قريت هني بالمنتدى ان الثوم والبصل خطر على الكاسكو !!, يريت احد يقدر يفيدنا وشكرا...!

[عاشقة الطيور]

الله يعافيك اخوي

اي متأكده وواايد اعضاء ومنهم خبراء يعطون طيوره ثوم كعلاج او مقوي للمناعه .. وانا بعد قريت عن البصل لكن الثوم لا

[محمد الالوسي]

افيدونا الله يوفقكم هل الثووم مفيد للزكام؟؟؟؟؟؟؟؟؟؟؟؟؟؟؟؟؟؟؟؟؟؟

[فاهمهم]

السلام عليكم
انا من الناس اللي اعطي الكاسيكو ثوم والطريقة اجيب فص او فصتين و ادقها دق خفيف ومن ثم احطها في علبة ماء لمدة نصف ساعة بعدها احطها للطير و يعتبر الثوم مضاد حيوي طبيعي للطير خصوصا في فصل الشتاء .

[المري1]

الثوم مفيد للكاسكو

اما البصل فمضر جدا وينصح بابعاده عن الطير

وبالتوفيق

[رحمه من المولى]

يا جماعة ..

الثوم مفيد لجميع الطيور ولا بس للكاسيكو {{ قصدي المكاو }} أفيدوني بليييييييز ...

تحياتي ,, رحمه