الكــاسكو..؟؟

[فطوم]

عندي عده اساله بخصوص الكاسكو

شنو الفرق بين الافريقي والهولندي بغض النظر عن الشكل هل في فرق في مستويات الذكاء او نطق الاحرف؟؟

ليش بعض المرات لمه نشتري كاسكو يموت خلال فتره بسيطه اقل من اسبوعين؟؟

شلون نعرف اذا صحه الكاسكو زينه قبل لانشتري؟؟

[عاشقة الطيور]

السلام عليكم ورحمة الله وبركاته

مافي فرق بس ان الافريقي انتاج هولندا يكون االف من المصيود .. وبما ان انتاج هولندا االف فبيتكلم في فرته بسيطه من شرائه ..ونطق الحروف نفس الشي ويعتمد على المربي يعني لازم واهو يعلم الافريقي يكون صوته معتدل لا منخفظ ولا مرتفع وينطق الحروف بشكل واضح عشان الافريقي يلقط عدل:D ...

وسبب موتهم الله يسلمج من التعب ويكون بينهم طيور مريضه فينتقل المرض وتحصلينه بعد اسبوع ولا اسبوعين مات .. والاعمار بيد الله

وشلون تعرفين بتحصلين في المواضيع المثبته وراح تستفيدين بأذن الله

[حب استطلاع]

لا أزيد على كلام الأخت عاشقة الطيور
الأفريقي المصيود/ يجعر ومزعج وصعب التعامل معه
أما الهولندي (إنتاج المزارع)/ أليف وحبوب ومافيه أحلى منه
ولك الخيار
وبالنسبة كيف تعرفي الطير السليم من المريض
عند شرائك أحرصي على شراء الطير اللي يتحرك بالقفص
وأبعدي عن الطير الخامل
وتفقدي برازه وأنتم بكرامه حتى تعرفي إذا كان فيه إسهال أو لا
وأخيراً أبعدي عن الطيور اللي تنغر لأنها تتأثر بسرعة بسبب ضعف مناعتها
أما الطيور المفطومه فتكون المناعة قوية بإذن الله
وهنا أضرب مثال بسيط
شوفي الفرق بين الطفل الرضيع كيف مناعته
وبين طفل أعتمد على نفسه بالأكل
ودمتم بود