ابي حل :<

[BishTa5taH]

يعطيكم العافيه على هالمونتدى الرائع صراحه مفيد


عندي مشكله مع الكاسكو اللي عندي يجعر وااايد وكل ما احد يروح يمه يخاف منه ويصارخ وريشه يطيح وماني عارف شنو اسوي معاه


وعندي كاسكو ثاني يتكلم ومايجعر بس عيبه انه ريشه يطيح وايد من اول ما شريته لمن الحين ما ادري هل حساسيه او شي ثاني ماني عارف


اللي عنده حل حق هالمشكله ياريت يقولي واكون له شاكر


ويعطيكم العافيه وبالتوفيق للجميع

[عاشقة الطيور]

السلام عليكم ورحمة الله وبركاته

جوف اخوي يمكن الكاسيكو الي يجعر توه يديد او اذا خذ له فتره جذي 4-6 شهور للحين يجعر يمكن يكون عود ... المهم لازم ترفع القفص عن الارض متر ونص إلى مترين وتحطه بزاويه يعني محد يقدر يمشي ورى القفص عشان يحس بالامان .. والمواضيع المثبته الي تخص الكاسيكو راح تفيدك بأذن الله

وعن الريش الي يطيح يعني الحين ثنينهم بدون ريش اذا فيهم ريش وايد يعني شكلهم ماتغير انا اعتقد انهم يمرون بمرحلة تبديل الريش (القلش) .. او يمكن عندكم يهالو يزعجونهم وهم سبب في نفت الريش

وان شاءالله بافي الاعضاء ماراح يقصرون وياك

[سلفر9]

بالنسبه للجعير الاول يمكن انه جديد مو متعود على المكااااااااان


خله بجمبك وانت جاااااااالس بالصااااااله وخله جعر على كيفه لمده اسبووووع وعطه اكل بيدك وهو بالقفص ولا تلمسه لفتره خله يستقر ويووووووثق رايح يطمن لان سبب الجعير بالعاااااااااده الخوف متى ما قدرنا نشيل الخوف عنه رااااح الجعير


فحااااااااااااااول تشوووووووف سبب خوفه غير انه جديد يعني مثل ما قالت عاشقة الطيور يمكن عنده صغااااار وحاول يكون مكاااانه مطأن له يعني ما احد يمر تحته ويكوووون مكااااانه مطل يكشف المكاان


اما بالنسبه للريش الافريقي بطبيعته يطيح منه ريش بس مو كثير مره معقووووول يمكن اللي تشوووفه وضع طبيعي وتعتبر هذي من اهم عيوووووووووب الافريقي

[7amode]

السلام عليكم اخوي

طيرك الأول : يباله فترة لين مايتعود عليك

طيرك الثاني : استشير طبيب

وشكراااا

[الجناحي 10]

حبيبي طيرك اول واحد يبيله صبر
بس الثاني الريش الي يطيح نفس الريش الرصاصي ولا زي القطنه بيضه
اذا زي القطنه عادي ينضف الريش

[Xref]

كل الطيور يطيح منهم ريش بين فترة و فترة
لكن السؤال هل الريش يطيح منه بكثرة الى درجة انه مشوه شكله؟
اذا تساط الريش مو مأثر على شكله عادي الوضع
لكن لو زايد عن حده الى درجة انه مأثر على شكله حينها نقولك وده للبيطري

[بوسارة]

كفو ووفو الاخوان قواهم الله

[BishTa5taH]

اشكر كم على الردود الطيبه ويعطيكم العافيه صراحه افدتوني وايد

بالنسبه للريش ماتغير شكلهم بس من زمان الريش يطيح بس انشالله انا راح اسوي بنصيحتكم وانشالله تييب نتيجه


يعطيكم العافيه مره ثانيه وعساكم عالقوه والله لا يحرمنه من نصايحكم :)