ساعدوني بليز لاالقطو يموت

[كويتي من العاصمه]

السلام عليكم

انا عندي قطو مريض مالقيت حل معاه ماشاء الله اخوانه بصحة جديده واهو عمره تقريبا شهرين القطو عايش بس على الماي وحليب امه وهالتره ضعف كثير مو قاعد ياكل وديته البيطير ماكو فايده
هاليومين عيش بس على الماي وشويه حليب
انا احطله في الماء شكر
حبيت اسئلكم في له حل ولا خلاص الموت مصيره

شكرا لكم

[*(الدلوعه)*]

لالالا ان شآآ الله مآآ يمووت :(

طيب مآآ جربت تعطيهـ جبن مثلث ؟؟

أنآآ بسسي في عمرهم شهر وشووي

ويآآكلوون دجآآج مسلووق وجبن وحليب أمهم

أنت جرب معآآهـ حطهـ عند فمهـ خلهـ يشم وهوو بيآآكل ^_^ .

[sisi_moon]

شلون مو قادر ياكل ؟

شيك على لثته شوفها ملتهبه ولا لالا .. ؟؟

ووديه البيطري يفحصه اكثر يشووف يعاني من شي ولا لا

لان بعض الامراض تجيي للقطط ويصيرون ماياكلون ابد

زي الالتهاب الرئوي وغيره من الامراااض

وبعدين زي ماقالت الدلوعه انت حاول تأكله .. حط الاكل ع خشمه او ع فمه وهو بيلحسه وبياكله

على ان المفروض من عمر شهر يبدأ يااكل .. بس اكيد يعاني من شي بلثته او مرض ثاني ..

والله يطول بعمره ياررب

[مدرب نمور]

زيى ماقالولك

تحياتى

[josy]

شلون مو قادر ياكل ؟

شيك على لثته شوفها ملتهبه ولا لالا .. ؟؟

ووديه البيطري يفحصه اكثر يشووف يعاني من شي ولا لا

لان بعض الامراض تجيي للقطط ويصيرون ماياكلون ابد

زي الالتهاب الرئوي وغيره من الامراااض

وبعدين زي ماقالت الدلوعه انت حاول تأكله .. حط الاكل ع خشمه او ع فمه وهو بيلحسه وبياكله

على ان المفروض من عمر شهر يبدأ يااكل .. بس اكيد يعاني من شي بلثته او مرض ثاني ..

والله يطول بعمره ياررب
لازم تخليه ياكل انا بحط الاكل على فمهم او على ايديهم ويلحسوه ومرة على مرة راح يكون ان شاء الله كويس

[آنـــــو]

شي غرررريب

طيب أخوي فيه أعراض ثانيه؟؟ يلعب ويتحرك طبيعي؟؟ كمية الشرب كيف معقوله أو قلييله شربتين أو حتى يشبع ؟؟
لما وديته للبيطري شنو قالك عن حالته ؟؟

المهم جرب تعطيه هالأشياء

*سيريلاك ويكون خفيف شبة سائل ..
* أو دجاج مفررروووم حييل مع موية السلق بحيث يكون خفيف وسائل
*دراي فود منقوع بمويه دافيه
*زبادي قليل الدسم

أحرص أن الأكل يكون خفيف وتقدر تأكله بالسرنجه لو تبي أو رفض .. وحاول تعطيه فيتامينات تعوض عليه شوي

وطمنا عليه ..

[كويتي من العاصمه]

والله الصراحه انا مستغرب منه انه ما ياكل مثل اخوانه
الا اهوه
وديته الطبيب عطاني دواء اعطيه للاسهال وانتو بكرامه
اشوفه بس يشرب ماي بكثره وما يجرب للاكل
حاولت اوكله هم ما في فايده لي درجته انه عضني
مشكلة انا اوديهم مستشفى الري اليبطري
واخاف ادويه الدهماء يقتلونه
بحاول عطيه اكل بالابره وبشووف
بس اهو الحين يشرب حليب من امه بس مو كثير لانه الام تقوم عنه

مشكورين والله يعطيكم العافيه على الرد

[sisi_moon]

ياعممري عمره

شكله محل الاسهال سبب له جفاف وقاعد بس يشررب مااي ..

مو مشكله .. انت أكله الي قالت لك عليهم آنوو لان كلهم ناعمين ومايحتاجون هضم بالاسنان

وأكله بالابره حتى لو غصب ..

انا موني مره مرضت علي وعجززززت أأكلهاا مهما احط لها ماتبي أأكلها بيدي ماتبي

بعدين بابا اخذها بحظنه وقام يأكلها زبادي بالغصصصصصب .. والحمدلله من بعدها بدت تتحسن ^^

[آنـــــو]

أتوقع معه أسهال لأن كله اللي في معدته سوائل مافي شي يمسك بطنه
مثل الدجاج والدراي فود ..

المهم جرب اللي قلت لك عليهم ويكون خفيييف لأنه متعود على المويه والحليب وشوي شوي ثقل الأكل بالتدريج
وبرضو تقدر تعطيه شوفان تخلطه مع مويه دافيه وبالسرنجه

وخبرنا شنو يصير معك ..

[عاشقة القطاو]

ما قصروا معاك ..طمنينا ..

[كويتي من العاصمه]

مشكورين والله ما قصرتوو
اليوم لما رديت البيت شفته شبه مغمى عليه
على طول شربته ماي ووكلته بالغصب حسيته وايد كان جوعان
المهم انه قمت اعطيه بالابره اكل مع ماء والله كريم

[آنـــــو]

من جد حالته غريبه وتحزن
الله يكون بعونك .. ويجعله بميزان حسناتك ..

[sisi_moon]

يااقلبي

انتبه له لاتهمله .. كل شوي أكله بالغصب بالابرره

ويارب يصحى ويكبر ويصير احلى قطو :(

وطمنا عليه