ليييش يا شباب ؟

[راعي روتات]

السلام عليكم .... حبيت اكتب لكم موضوع مهم وشايفه منتشر بالمنتدى ... :confused:
واهو انه الروت ويلر اشرس جلب والجيرمن اهو الجلب الي يتدرب والدوبر مان غدار ؟؟؟ :eek:
.........
.....
...
..
.
واذا سئلنا ليش يقول قاريها بكتاب ولا بموضوع ولا عند رفيجي الجلب وغدر فيه ؟؟:(

يا جماعه الجلاب كلهم يتدربون وكل الجلاب شرسين بس تعتمد على التربيه والمعامله ؟

يعني تعامله زين يصير زين تطقه وتدقره راح يتخكر ويمكن يغدر وشكرا ارجو من الجميع المشاركه لانه وايد ناس خذو فكره غلط غلط غلط عن الروت ويلر:confused: وشكــرا :rolleyes:

[guitarq8]

والله الصراحه اخوي انا عن تجريبه بالروت ولر مو غدر فيني بس ماتعرفله ومو واضح الكلب عكس تماماً الجيرمن شبرد انه كلب واضح جدا وسهل التعامل هذا من ناحيتي الشخصيه وانا لا اوافق
ان الروت مو غدار بل هو يحقد ويحط في باله

[راعي روتات]

شكرا اخوي قيتار على الرد وجهت نظرك انت ان الروت يحقد وغيرك غدار والله حرام عليكم ظلمتو الجلب ههههه:d

[بوفهد]

فعلا كلامك معقول اخي الكريم

فأنا دائما اعقب على هذا الكلاب واقول ان التدريب والتربيه هما الدافع الاساسي وراء وفاء الكلب او غدر الكلب بصاحبه

فالمعامله الصحيحه هي التي تؤثر ايجابيا على الكلب وتجعله وفيا مطيعا وغير متعب

وهذا رأيي بالموضوع

بالتوفيق

[راعي روتات]

الف شكر على مشاركتك اخوي بو فهد وكلامك صحيح 100%

[Withered Rose]

اشفيه الروت خوش جلب من الصورة اللي حاطها بتوقيعك يبين انه كلب وفي و حبوب
بس وايد ناس اظلموه

و نفس ما قالو على حسب التربيه :)

[تو zoo]

اخواني اتوقع انها الكلاب تكتسب شخصيتها من الصغر
عن طريق التربية والتعليم والتدريب وكل جلب حسب التربية
واكيد الناس الي يشتكون من الجلاب انها تغدر يكون في خطا بلتربية والتعلم
والروت ويلر جلب حبوب ونفس الوقت وفي ومطيع
و الدوبر مان جلب نشيط ووفي لمكانة ومنطقتة
والجيرمن كلب طاعة ووفاء عالي وطاعة
وهذا على خبرتي البسيطة واترك الباقي للمختصين
وشكرا

[راعي روتات]

شكرااا لكم صج صج انا سعيد على الي قاعد اشوفه منكم (الدنيا لسه بخير شكو مادري ههه) لوول وشكرا لكم مره ثانيه على هالردود الي تبرد القلب

[العابر]

لا ماشاءالله عليه خوش كلب
والجيرمن شيبرد والدوبر والبتبول
كلها كلاب قوية و تتدرب
وشكرا لهذا الموضوع

[راعي روتات]

:d شكرا لك اخوي العابر

[فطوم]

والله انا رايي مثل رايكم الجلب على ماتربيه لكن الناس يقولون انه الجرمن مسالم و وفي اكثر بصراحه نقدر نقول معاهم حق نوعا ما ليش؟؟
الجرمن شبرد كلب لطيف وحتى لوكان مومتدرب يظل لطيف وذكي وموقصدي انه باقي الكلاب غير ذكيه لكن حسب خبرتي الجرمن اذكا قليلا من بقيه الكلاب ويدرب اب سهوله وسهل انك تفهمه وتتواصل معاه عكس الروت الروت عنيد ومستبد ويبيله مدرب فاهمله ويعرفله يطبق مثل لاتكن صلبا فتكسر ولا تكن لينا فتعصر لانه ان حس الروت انه شخصيه مدربه اقوى منه ويطقه وجذي بيتخكر وان حس انه شخصيه المدرب ضعيفه بيستقوي عليه + وجهه نظري الشخصيه انه الجرمن شبرد كلب لجميع الاعمار والاشخاص اما الروت يبيله انسان متمرس بالتدريب يعرفله ووالروت مايصلح مع الاطفال نهائيا لانه غشمرته ثقيله واييييد كما انه حتى لوكان متدرب ولطيف مايصلح مع الغرب لانه مزاجي ومره وحده ممكن يقلب عليهم يعني في روت دايم اشوفه بالبيطري واجيسه والعب معاه وذاك اليوم فجاه هجم علي من غير سبب هذي انا وهذي طريقتي وهذي ريحتي والمكان كان خالي مافي احد يضايقه بس مادري ليش سوى جذي!!ونفس الشي الدوبرمان انا مالي تجارب معاه بس احسه نذل :| واسمع وايد قصص عن نذالته ومنها قصه عارضه الازياء لميتا فرنجيه صارت عندها عقده نفسيه من الكلاب لانه رفيجتها كان عندها دوبرمان دوبرين من اكثر من 7 سنين مربيتهم من اهم صغار وهجمو عليها وشوها وجذي وكذا مره اشوف برامج عن جلاب يخونون واغلبها تكون دوبر لكن للأمانه لم ارى اي برنامج عن روت يخون او شي لكن سمعت من وايد اشخاص انهم نعضوا من روتاتهم

[راعي روتات]

لا تعليق :) ههههههههههه بس شكرا على المرور والرد

[addiction]

والله انا عند واحد من الربع روت من اروع مايكون صراحه لا غدار ولا شي

بس يعني مدرب صح او متعوب عليه صح ساعات تكون غشمره ثقيله اشوي بس

[Dodlord]

الجيرمن شيبرد ليس هو فقط الكلب الصالح للتدريب هذا الكلام خطأ
و لكن له قابلية أكثر من غيره و ليس المعنى أن كل جيرمن شيبرد
صالح للتدريب فهناك كلاب من هذا النوع تفشل في عدة إختبارات
أما بالنسبة للروت إنه شرس أو.................أو........... هذي وجهات
نظر و تجارب مرت مع أشخاص و لكن صفات الكلب تختلف من واحد الى آخر
فأنا لن أندهش إذا قال لي أحد كلب الشيووا الي عندي غدار أو شرس أو ........................أو
فهناك الجيرمن شيبرد الشرس و الروت الوفي و الدوبرمان الحنون إلخ............
و لكن الدوبرمان ليس شرسا كما هو معروف و لكن ما نراه هو نتيجة تدريب البشر له
لشكله المخيف يدربونه على القتال و الشراسة و يصبح شرسا جدا عند الكبر
بسبب الألم الدائم لتوقف نمو الجمجمة.

[عزوز]

أي والله ياشباب تر الروت ويلر كلب زين وأنا عندي أثنين نثيه وذكر إسمهم سراب و دلع وماشفت منهم شي بالعكس كلب زين وأي كلب يعتمد على تدريبه

[راعي روتات]

شكراا شكراا شكراااا :d

[بوعزوز]

مشكور اخوي موضوع جميل وانا معك.
وشكراا

[راعي روتات]

عزيز وغالي يا بو عزوز شكرا على مرورك اخوي :)

[milano]

شوف اخوي انا مع الروت في كل شي ،، وكلبي مدرب ويتعامل معامله ملووك في البيت بس عض اخويا مرتين قبل سنه وقبل اسبوع بالتمام ،، على الرغم انه اخوي هو اللي دايما يحطله الاكل والمويه ،، بس برضوا احب الكلب والكلب مدرب طاعه وحراسه وهجوم ،، على العلم انه اخوي ماآذا الكلب دخل يحط المويه ومسك الكلب فيه ،،
انا تعبت في تحليلها

[scorpion king]

شباب الروت حالة من حال باقي الكلاب ولكن فية ميزة فقط انة ذو مزاج حاد وغامض بعض الشيئ هذا مافي الموضوع والمشكلة ان شباب يشترون الروت وهو فوق ال12 شهر ويبون لين دقروة يصير ساكت مايصير ولا جلب تقريبا ينفع معاة هالحال

[راعي روتات]

صحيح كلامكم :) وشكرا

[عزوز]

وأنا أيدكم

[راعي روتات]

شكرا على مرورك اخوي عزوز :)

[المهدى]

الكلب الجيرمن شيبرد والدوبر والبتبول (الروت ويلر) كلهم كلاب ذى الفل مفيش فيهم عيبه وا كله حسب التربيه

[BAHRAIN]

الصراحه انا وياك انه كل الكلاب شرسه بس التربيه مهمه و الرت وايلر والبت بول من اجمل الكلاب

والله يعطيكم الف عافيه :)

[راعي روتات]

شكرا على مروركم اخواني :d

[طلالو]

لا ماشاءالله عليه خوش كلب
والجيرمن شيبرد والدوبر والبتبول
كلها كلاب قوية و تتدرب
وشكرا لهذا الموضوع

[راعي روتات]

وشكرا على مرورك :)